¹ De kalam al ja le Armiya min Yahawa fi sena nimira ashara ligo zidkiya melik ta Yahuza, sena nimira taman hasher ta Nebukdnasser. ² Fi zaman dak jeish ta melik ta Babel kan hasiru orshelim, wa nibi Armiya kan sijinu fi mahal ta herasaal fi beit ta melik ta Yahuza. ³ Zidkiya melik ta Yahuza kan sijinu huwo wa gal, “le inta itnaba gali, Yahwa kelim kida; Ayinu, ana girib biwodi medina de fi ida ta melik ta Babel wa huwo bi amsuku medina de. ⁴ Zidkiya melik ta Yahuza ma be jere min ida ta kaldaniin, leanu be hagiga bi wodi huwo fi ida ta melik ta Babel. Kasma towo bi wonusu le kasma ta melik, waena towo bi ayinu ena ta melik. ⁵ Huwo bi shilu zidkiya le Babel, wa huwo bi fadulu hinak lahadi ana bi kalasu ma huwo de kalam ta Yahwa. Hata low inta dusuman ma kaldaniin, inta ma bi naja.” ⁶ Armiya kelim,” kalam ta Yahwa kanja le ana gali, ⁷ Ayinu hanamel weled ta Shalum ami taki jai le inta wa bi kelim, “ishteri mahal zara tai al fi anatot, leanu hak ta ishteri mahal de le inta. ⁸ Biga, ze Yahwa alinu, Hanamel jena ta ami tai kan ja leana fi mahal ta herasa, wa kelim le ana, “Ishteri mazra tai al fi anatot al fi beled ta Benyamin, leanu hak ta worisa le inta wa hak ta ishteri fi le inta. Ishteri le nefsa taki. ‘biga ana kan aruf de kalam min Yahwa. ⁹ Yala ana kan ishteri mahal zara al kan fi anatot min Hanamel, weled ta ami tai, wa ana kan wozin le huwo fida, sabat aashar shakel fi wozin. ¹⁰ Biga ana kan katibu waraga ta tifagiya wa dugu kitim, wa kutu shuhudin bi ashad. Kaman ana kan wozin fida fi mizan. ¹¹ Baad dak ana shilu waraga ta shira al katimu hasab amr wa ganun, Kaman ma waraga al ma katimu. ¹² Ana kan wodi waraga al katimu le Baruk weled ta neria weled ta Mahsia gidam ta Hanamel, weled ta ami tai, wa shuhudin al mada fi waraga al moktum, wa kulu Yahudin al kan geni fi mahal ta harasa. ¹³ Ana kan wodi amr le Baruk gidam umon. Ana kan kilim, ¹⁴ Yahwa ta junud, Rabunan ta Israel kelim kida; shilu mostanadat del, kulu esalat ta shira ma suar ta aworag al katimu wa al ma katimu kutu umon fi ziir al min turab ashan bi zaman towil. ¹⁵ Lenau Yahwa al Junud, Rabuna ta Israel, kelim kida; Biyut, mazare, wa kurum bi ishteru fi arid de” ¹⁶ Baad ana wodi eisal ta shira le Baruk weled ta neria, ana kan seli le Yahwa wa kelim, ¹⁷ Oh said Yahwa Ayinu! Inta barau al kalagu samawat wa arid be guwa taki al azim wa be ida taki al aali. Mafi kalam al inta kelim bikun saab le inta ashan bi amulu. ¹⁸ Inta gi wori amana ta itifagiya taki le alaf wag i kubu zamb ta abuhat le iyal al baad umon. Inta Rabuna al azim wa al gadir. Yahwa ta Junud yau isim taki. ¹⁹ Inta azim fi hikma wa gedir fi aamal taki, leanu uyun taki moftah ashan bi ayinu sikat ta nas kulu, bi wodi le ayi zol haja al monasib hasab tasaruf wa aamal bitowo. ²⁰ Inta kan amulu alamat wa ajaeb fi arid ta Masir. Lahadi fi yom de hini fi Israel wa fi nus ta kulu bashar, inta keli isim taki biga maaruf. ²¹ Leanu inta kan jibu nas taki Israel bara min masir, be alamat wa ajaeb, be ida taki al gowi, be iden taki al towil, wa kof shedid. ²² Kaman inta wodi le umon ard de al inta kan halif le judud tomon ashan bi wodi le umon arid al maliyan ma leben wa asel. ²³ Kida umon kan dakalu wa istelim wata de. Lakin umon ma kan ehterim sout taki awu eish fi taa le sharia taki. Umon kan ma amulu haja al inta wosi umon ashan bi amulu, be kida inta kan jibu kulu karisa fogo umon. ²⁴ Ayinu! Akwam ta hisar wosulu lahadi medina ashan bi gobudu, leanu ashan seif, majaa, wa darba, medina kalas selimu fi ida kaldaniin al gi shakila ashan huwo, le anu haja al inta kan kelim bi hasil gi hasil, wa ayenu, inta gi shuf. ²⁵ Kaman inta benefsa bitak kan kelim leana, isteri mazra le nefsak be fida wa yakun fi shahidin al bi al bi ayinu, hata lou medina de selimu fi ida ta kaldaniin.” ²⁶ Kalam ta Yahwa kan ja le Armiya, bi kelim, ²⁷ “Ayinu! Ana Yahwa, Rabuna ta kulu bashar. Hal fi ayi haja al saab le ana ashan bi amulu? ²⁸ Ashan kida, Yahwa kelim kida, “Ayinu ana gerib bi wodi medina de fi ida ta kaldaniin wa Nebukadnaser melik ta Babel. Huwo bi amsuku. ²⁹ Kaldaniin al gi shakila did medina de bi jaw a bi kutu nar wa haragu huwo, sawa ma biyut al fok sutuh mahal al nas kan gi abidu Baad wag i kubu tagadimat ta shirab le aliha tannin ashan bi kutu ana zalan. ³⁰ Lenau iyal ta Israel wa iyal ta Yahuza be hagiga geni amule sher gidam ayun tai min umon shabab; Iyal ta Israel be hagiga amulu galat le ana be amael ta iden tomon de kalam ta Yahwa. ³¹ Yahwa alinu inu medina de kan ta festisu zalan wa takiyan tai min yom al abinu kan kida lahadi yom ta alela de. Be kida ana bi shilu huwo gidam usa tai. ³² Ashan sher ta kulu nas al fi Israel wa Yahuza, hajat al umon amulu ashan bi festisu zalalan tai-umon, muluk tomon, umara tomon, kahana tomon, anbiya, wa ayi zol fi Yahudiya ma al gi geni fi ourhelim. ³³ Umon agilibu dahar tomon le ana bidal wosa tomon, hata ze ana kan alimu umon be gira. Ana hawil alimu umon, lakin mafi wahid min umon kan asma ashan bi ligo tegeir. ³⁴ Umon nizamu asnem tomon fi mahal al bi abidu ana fogo ³⁵ Umon kan abinu mahalat aali le Baal fi wodi ta bin hinnom ashan bi kutu awolad wa banat tomon fi nar le molek. Ana kan ma wosi umon, kan ma dakalu fi fikira tai bi anu umon bi amulu galot de wa keli Yahuza amulu katiya. ³⁶ Be kida hasa, ana Yahwa, Rabuna ta Israel kelim kida be kusus medina de, medina al intum gi kelim, wodi huwo fi ida ta melik ta Babel be seif, majaa, wa darba. ³⁷ Ayinu, Ana gerib bi limu umon min kulu arid al ana kan wodi umon be zalan, taki yan, wa gadab azim. Ana gerib birija umon fi mahal de wa kutu umon geni be aman. ³⁸ Biga umon bikun nas tai, wa ana bikun Rabuna tomon. ³⁹ Ana bi wodi le umon geblba wahid wa sika wahid al umon bi kerim ana kulu yom ashan bikun kwes le umon wa iyal al bi ja wara tomon. ⁴⁰ Ana Kaman bi amulu ma umon itifagiya al ma indu nihaya, inu ana mabi agilibu beid min amulu kwes le umon, ana bi wodi karama fi gulub tomon ashan umon mabi rija wara min ana. ⁴¹ Ana bikun farhan be amulu kwes le umon ana be amana bi zara umon fi arid de be kulu gelba wa haya tai. ⁴² Leanu Yahwa kelim kida, Bes ze ana kan jibu karisa kebir le nas de, Kaman ana bi jibu le umon kulu hajat al kwes al ana kelim bi amulu le umon. ⁴³ Biga mazare bi isteru fi arid de al inta gi kelim, “de arid alkarabu, al mafi fogo zol wala hajiwan. Al wodi fi ida ta kaldaniin. ⁴⁴ Umon bi isteri aradi tazera ma fida wa bikun indu aworag moktum. Umon bilimu shuhudinn min arid ta Benjamin, kulu howol Ourshelim wa mudun ta Yahu diya, fi mudun al mahalat al Jebel, wa mahalat al tehet, wa fi mudun ta najaff. Leanu ana birija huzuz tomon wara. Dekalam ta Yahwa”.