¹ Fi zaman dak-de eilan ta Yahwa- ana bikun Rubana ta kulu ashaer ta Israel, wa umon bikun Shaab tai, ² “Yahwa kelim ze de. Nas al kan najah min seif ligo neema fi sahara, ana bi tala/ruwa wodi raha le Israel, ³ “Yahwa kan zahir le ana wa kelim, “Ana hibu intum Israel, hub al ma indu nihaya. Ashan kida ana juru intum le ana ma itifagiya ta amana. ⁴ Ana bi abinu bi arfa ta barzin tani mara, wa bi tala bara befarah ma raksat. ⁵ Intum bizara ashjar ta karam fi jibal ta samira; mozarein be zara wa biligo simar. ⁶ Leanu yom bija al huras fi jibal efrayem bi alinou gum takun keli nina ruwa fi sahyun le Yahwa Rabuna ta nina! ⁷ Leanu Yahwa kelim kida, “arfa sout takum be farah le Yacoub! Arfa sout takum be moksut le nas al mosoulin ta beled! Keli asmau tesbeh, kelim, Yahwa ankizu nas bitowo bagi ta Israel. ⁸ Ayenu takum, ana gerib deir jibu umon min shimal ta beled. Ana bilimu umon min mahalat al beid ta wata/arid amiyanin wa mokasarin bikun fi nus tomon, nusuwan al hamlanin wa del al deir weledu bikun ma umon. Nas ketir bi rija hini. ⁹ Umon bija ma kore, ana bi gedim umon ze umon be asalu. Ana bi kutu umon safir taraf majari ta moya fi sika al adil. Umon ma bi ligo muskila fogo, ashan ana bikun abu le Israel, Efraim bikun jena al bikir bitai,” ¹⁰ Asma takum kalam ta Yahwa, buldan, wori takum fi atraf ta baha al beid. Intum buldan bikelim, “zol al kan shetetu Israel gi limu hiya, wag i hatizu hiya ze rae gi hafizu korufan; ¹¹ Ashan Yahwa fada Yacoub wa kalisu huwo min ida ta zol/dak al kan agwa minu. ¹² Biga umon bija wa afrah fi mahalat al aali ta sahyun. Usa tomon bilama ashan kwes ta Yahwa, fi hubbub/bizra wa merisa jedid tomon, fi zeit wa intaj ta bagarat wa korufan tomon. Leanu haya tomon bikun ze mahal zara al lein bemoya, wa umon tani mara ma bi ashuor be huzun. ¹³ v 13 Banat al azra bikun farhanin be alabu, wa subiyanin ma ajusin bikun sawa. Leanu ana bigeiru kore tomon le farah khtifal. Ana bi indu neema rahma le umon wa bi kutu umon bi farhan bedal huzun. ¹⁴ Biga ana bi kefi haya ta kahna kifaya/kamil nas tai bimala nesa tomon ma sokol kwes tai de Yahwa yau alinu. ¹⁵ Yahwa kelim kida “sout asmau fi Rama, kore wa bika shedid, Rashel bilgi kore ashan iyal towo, hiya aba ashan bi azi ishejeu hiya fi kalam tomon, leanu umon biga ma hayin” ¹⁶ Yahwa kelim kida, “gofulu asowat takum min kore wa uyun takum min moya ena; fi jaiza le shokol takum-de Yahwa yau alinu- iyal ta iyal takum birija juwa hudud tomon min adu tatum, ¹⁷ “Lesa fi daman le mustakble” Ana Yahwa yahu kelim, wa iyal takum birija fi hudud tomom ¹⁸ “Ana be hagiga asma huzun ta Efraim, “inta akibu ana, wa ana ligo ikab ze bagara al maderibu. Rija ana wara wa bi rijau ana wara, leanu inta Yahwa Rabana tai. ¹⁹ Leanu baad ana rija le inta, ana kan mota asif, baad deribu ana kan indu fadiya wa taalis, leanu ana lahizu/aruf kafiya ta zaman shabiya tai. ²⁰ Hal Efraim ma jena tai al gali? Hal uwo ma jena tai al kwes wa ana meksut mahuwo? Leanu fi zaman al ana biwonusu di huwo, ana behagiga lisa bi zekir huwo fi muk tai, be teriga de gelba tai gi fekir fogo huwo. Ana behagiga indu rahma le huwo, de kalam al Yahwa wonusu”. ²¹ Kutu le intum alamat fi sika. Kutu le intum lafitat al bi gedim intum, kutu takum fikira fi sika al kwes, sika al intum bi shilu, rija takum wara, Israel al azra! Rija wara le mudun takum. ²² Lahadi mitein inta bi douru sambala, biniya al ma indu iman? Leanu Yahwa kalagu haja jedid fi arid mara gorolon rajil al gowi ²³ Yahwa ta junud, Rabana ta Israel kelim kida, kan ana rija nas wara fi arid tomoni umon bielim de arid ta Yahuza ma mudun bitowo, keli Yahwa barik intum, inta mahal al bar al huwo gi geni fogo, inta ya jebel al mokadas” ²⁴ Leanu Yahuza wa mudun bitowo bi geni sawa hinak, Kaman ze muzarein wan as al bi ja ma bahayim tomon. ²⁵ Ana bi kutu del al tabanin keli ashurub, wa bi mala del fatranin ²⁶ Bad de gum fok wa ana ja aruf inu num tai de kan tenshit. ²⁷ Ayenu, ayam bi ja de kalam ta Yahwa, al ana bi zara biyut ta Israel mata yahuza be ajial ta rajil wa hayiwan. ²⁸ Zaman, ana kan kutu umon tehet moragaba ashan bi agila umon wa seretu umon, bi gilibu, demiru, wa jibu le umon haja batal. Lakin fi ayam al bija, ana bi ragibu umon ashan bi abinu umon wa zara umon-de kalam ta Yahwa. ²⁹ Fi ayamat dak mafi zol bikelim tani, abuhat akulu kurum al hamud, lakin sunun ta iyal bikun karaban. ³⁰ Leanu kulu zol bi mutu min katiya bi towo; ayi zol al bi akulu kurum al harmud sunun towo bi karabu. ³¹ Ayinu, ayam gi ja de kalam ta Yahwa lamal wokit al ana bi asisu itifagiya/halifa jedid ma beit ta Israel wa beit ta Yahwa. ³² Ma bi kun ze itifagiya al ana kan amulu ma abuhat tomon fi ayam al ana kan shilu umon be ida wa tala umon min arid ta Masir, ashan umon kan karabu ititagiya tai, hata ze ana kan rajil le umon, de Yahwa yau kelim, ³³ De itifagiya al ana bi amulu ma beit ta Israel baad ayam del, de kalam ta Yahwa. Ana bi kutu ganun tai le umon, wa bi katibu fi gulub tomon. Leanu ana bikun Rabana tomon, wa umon bikun nas tai. ³⁴ Bega mafi zol al bi alimu jerian bitowo, wala zol bi alimu aku bi towo gali Arufu Yahwa! Leanu umon kulu bi aruf ana, min al asgar le al akbar-de kalam ta Yahwa leanu ana bi afi batal tomon wa ma bi zekir tani katiya tomon’ ³⁵ Yahwa kelim kida, huwo yau al gi kutu shemis biwala be nahar, wa sabitu gamara ma nujum ashan bi lawala bileil uwo yau al bi keli bi harik ashan amowaj bi tala sout Isim bi towo Rab al Junud. ³⁶ “Ile iza hajat al sabit del woduru min ena tayi, de Yahwa yau kelim-jil bita Israel ma bi wogif ila al abad ashan Yakun doula gidam tai” ³⁷ Yahwa kelim de, “ile iza masafa ta samawat bi aburu, ile iza asas ta arid lehet bi keshifu, yau ana bi aba jil ta Israel al jai ashan kulu al umon amulu, de kalam ta Yahwa” ³⁸ Ayinu, ayam bi ja-de kalam ta Yahwa al bi abinu medina le ana, min buruj ta Hanail le Bab al fi rukun. ³⁹ Biga kat ta magas bi ruwa bara beid, le jebel Gareb wa hawil Goa. ⁴⁰ Kulu wadi ta meyitin wa rumad, wa kulu mazare fi majari al mashi bara le wadi kidron lahadi zawiya ta Bab al husan fi sherig, bikun kas le yahwa, al medina ma bi wasa bara wala bi jadau tani lel abad.