¹ Kalam al ja min Yahwal e Armiah, gal, , ² de yau al Yahwa, Allah ta Israel, gal, ' katibu tehet kalamat kulu al ana wonusu le inta. ³ Suf ayamat jai-de karar ta Yahwa- zaman ana bi jedidu haz ta shab tai, Israel wa judah.. Ana Yahwa, kelimu. Ana bi rijau umon le ardi an ana wodi le judud tomon, wa umon bi kun mosulin fogo." ⁴ Del yau kalamat al yahwa kararu an Israel wa Judah. ⁵ Yahwa kelim kalam de. Nina asuma sot ta kof ma ta salam. ⁶ Asadu wa suf kan zol bi weledu jena. Lee (mau) ana bi suf ai shab bi kutu iden tomon fi batna ze mara al hamil? Malu wusa tomon tala abiad? ⁷ Woe yom dak bikun kebir, mafi zol ze huwo. Huwo bikun wokit ta taab le Yacub, lakin bi ankizu huwo minu. ⁸ Huwo bikun fi yom dak- de karar ta Yahwa al mosuul- al ana bi kasuru niir min ragabta taki, wa ana bi kasuru jenzir taki, yala ajanib ma bi kutu inta ashan bikun abid tanimara, ⁹ Lakin umon bi abidu Yahwa Allah tomon wa Daud melik tomon, al ana bi kutu melik fi ras tomon(fok umon). ¹⁰ Yala inta, khadam tai, mata kafu- de karar ta Yahwa-wa mata kafu, Israel. ainu, Ana gerib bi rijau inta min beid, wa iyal ta iyal taki min ardi ta asaar. Yacub bi rija wa bikun fi salam; huwo bikun fi aman, irhab bikun mafi tanimara. ¹¹ Fa ana bikun ma inta-de karar ta Yahwa- ashan bi ankizu inta. Bad dak ana bi jibu nihaya al kamil le dual kulu mahal al ana shetetu inta fogo. Lakin ana ma bi kutu nihaya le inta, hata kan ana adibu inta bi adala wa ana ma bi sibu inta bidun ikhab.' ¹² Yahwa kelim zede, mafi ilaj le jara taki; Jara taki indu tasamum. ¹³ Mafi zol bi asalu ana fi muskila taki mafi dawa al bi aliju jara taki. ¹⁴ Habaib taki kulu nesitu inta. Umon ma bi fetisu inta, Ana augu inta be jara ta adu wa tadib ta rais al kaab leanu ashan katiya taki al ketir wa katayat taki al ma bi asibu. ¹⁵ Malu(lee) inta bi asadu musaada le jara taki? waja taki de ma indu ilaj. Ashan katayat (shar) taki al ma bi asibu. ¹⁶ Yala ai zol al abula(istahilik) inta bi abulau huwo, wa adu taki kulu bi rua le asaar (sijin). zol al nahabu inta bi nahabu, wa ana bi kutu del al hajami inta ashan bi hajimu. ¹⁷ Ana bi jibu ilaj le inta; Ana bi aliju jara taki-De karar ta Yahwa- Ana bi amulu kalam de ashan umon bi nadi inta: al jadau. Mafi wahid(zol) bi ainu( bi ihtam) be Zion(sehiun). ¹⁸ Yahwa kelim zede, Ainu(suf) Ana gerib bi jibu asaar ta kheima ta Yacob wa bi endi(zahiru) rahma le biyut tou. Bad dak medina bi abinu fi ras kom al mukasar, wa mahal al gowi de bi zahir tani ze ta zaman(bediri). ¹⁹ Bad dak guna ta mejid wa sot ta farah bi tala min umon, ana bi zidu umon wa bi nagisu umon; Ana bi ihteremu umon yala ma bi nezilu umon. ²⁰ Bad dak shab tomon bikun ze ta zaman, wa bi asisu mojmu tomon al bi abidu ana bad ana wodi ikhable kulu le del al azibu umon. ²¹ Rais(khaid) tomon bi ja min umon. Huwo bi tala min nus tomon zaman kan huwo ja gerib wa limu ma ana. Kan ana ma amulu kalam de, munu yau bi ja gerib ma ana? de karar ta Yahwa. ²² Bad dak intum bikun shab tai, wa Ana bikun Allah takum ²³ Ainu(suf), ihab(ikab) ta Yahwa, zel tou, tala bara. huwo ihab al mustemir. Huwo bi lifu fi ras ta nas al asrar(sheririn). ²⁴ Zel ta Yahwa ma bi rija lahadi huwo shilu bara wa rija ashab gasid ta geliba tou. fi ayam al nihaya, inta bi afham."