¹ Del yau kilmat fi al juwab al nebi Armiah rasulu min Urselim le bagi siyuk al fi nus ta asar wa le kuhana, Anbiya, wa nas(shab) kulu al Nabuchanzar shalu min Urselim le Babylon. ² De bad melik Jehoiachin, uma ta melka, wa dubad al kubar, Khadad ta Yudah wa Urdselim, wa harifiyin rasalu bara min Urselim. ³ Huwo rasal juwab de be idan ta Elasah weled ta shapan wa Gemaraih weled ta Hilkiah al Zedekiah, melik ta Judah, rasulu le melik Nebuchanzar ta Baylon. ⁴ Juwab de gal, Yahwa al mosuul, Allah ta Israel, kelimu de le asar kulu al Ana kutu umon ashan shalu min Urselim le Babylonia, ⁵ Abinu biyut wa ogot takum fogo. zarau buzur wa akulu fuaki tomon. ⁶ Zouju wa weledu iyal awulad wa banat. Bad dak zouju le awulad takum, wa wodi banat takum le rujal.Kede weledu awulad wa banat wa zidu hinak ashan intum ma bi kun besitin. ⁷ Fetisu salam ta beled de al ana kutu intum ashan bi shilu hinak, seli ma ana be niyaba tomon ze fi salam le inta. ⁸ Yahwa al mosuul, Allah ta Israel, kelim , Mata sibu anbiya takum al fi wasat intum wa alarafiin kabasu intum, wa mata asuma le hilim(ahlam) al intum zatu indakum. ⁹ Umon bi itnaba be isim bitai le intum be kidib. Ana ma rasulu umon-de karar ta Yahwa.' ¹⁰ Yahwa kelim, Kan Babylonia hakumu intum le sebein sena, Ana bi saidu intum wa ana bi amul kalam tai al kwes le intum wa bi rijau intum le mahal de, ¹¹ Ana be nefsi arufu khutat al ana endi le intum- de karar ta Yahwa-khutat le salam wa ma le kawarish, ashan bi wodi le intum mustagbal wa raja. ¹² Bad dak intum bi nadi ana, wa intum bi amsi ashan seli le ana, wa ana bi asuma le intum. ¹³ intum bi fetisu ana wa biligo ana, ze intum bi feitisu ana be geliba takum kulu. ¹⁴ Bad dak(kida) intum bi ligo ana- de karar ta Yahwa- wa ana bi rijau bakta(haz) takum; Ana bi limu intum min dual kulu wa mahalat al ana shetetu intum fogo- de karar ta Yahwa- Ana bi rajau intum le mahal min mahalat al ana rasulu intum fogo ¹⁵ Ze inta kelim be inu Yahwa goumu(rafau) le nina anbiya fi Babylonia, ¹⁶ Yahwa kelimu le melik al geni fi kursi ta Daud wa le shab(nas) al gaidin fi medina dak, akwana takun al ma shilu ma intum fi asar- ¹⁷ Yahwa al mosuul gal, Shuf, Ana gerib bi rasulu harib(shef), maja, wa amrad le umon. Ana amulu umon ze tiin al afin al batal al ma bi akulu. ¹⁸ Bad dak ana bi turudu umon be shef, maja, wa darbad wa amulu umon kaabin(rehib) le mamalika kulu fi ard- rehib haja ta laana wa talagu(batal). wa haja al bi alisu fi beina dual kulu al ana shetetu inta fogo. ¹⁹ De ashan umon ma asuma le kalam bitai- de karar ta Yahwa- al ana rasulu le umon be wasat khudam tai al anbiya. ana bi keriru rasulu umon, lakin inta ma asuma- de karar ta Yahwa.' ²⁰ Intum be nufuskum asuma le kalam ta Yahwa, intum kulu al asar al huwo rasulu min Urselim le Babylonia, ²¹ Yahwa al mosuul, Allah ta Israel, gal kalam de an Ahab weled ta Kolaiah wa Zedekiah weled ta Masseiah, al itnaba be isim bitai le intum be kidib: Shuf Ana gerib bi istelimu umon fi iden ta melik Nabukanzar ta Babylonia. Huwo bi katulu umon fi gidam takum. ²² Bad dak bi wonusu laana an nas del be asar kulu ta Yudah fi Babylonia. Laana bi gul kede Yahwa amulu intum ze Zedekiah wa Ahab, Al melik ta Babylonia haragu fi nar. ²³ De bi hasil leanu(ashan) hajat al kaab umon amulu fi Isreal zaman umon irtakab(amulu) zina be nusuwan ta jiranat tomon wa kararu kidib be isim tai, Hajat al ana ma amiru umon ashan bi gul. Ana yau arufu; Ana yau shahid- de karar ta Yahwa.'" ²⁴ An Shemaiah ta Nehelamite, kelim kalam de: ²⁵ Yahwa al mosuul, Allah ta Israel, gal Ashan inta rasulu juwabad fi isim taki le shab kulu fi Urselim, le Zephaniah weled ta gesis Maaseiah, wa le gusus kulu, wa gal, ²⁶ Yahwa kutu inta gesis bidal gesis Jehoiada, Ashan inta bi kun mosuul fi bet ta Yahwa. Inta mosuul le nas kulu al majanin al bi amulu nufus tomon anbiya. Inta bi robutu umon be janazir. ²⁷ Yala hasa, malu inta ma wobiku Armiah ta Anathoth, al kutu nefsu nebi did inta? Huwo rasulu. ²⁸ Huwo rasulu le nina fi Babylonia wa gal, 'huwo bikun zaman towil. Abinu biyut wa ogot fogo, wa zarau takun buzur wa akulu fuaki tomon."" ²⁹ Gesis Zephaniah agarau juwab de fi gidam ta nebi Armiah. ³⁰ Bad dak kalam ta Yahwa ja le Armiah, gal, ³¹ "Rasulu kalam le kulu nas al asar wa gul, 'Yahwa kelim kalam de an Shemaiah al min Nehelamite: Leanu(ashan) Shemaiah itnaba le intum fi zaman ana be nefesi ma rasulu huwo, wa huwo kutu intum ashan be amin fi kidib, ³² Ashan kida Yahwa kelimu kalam de; Shuf, Ana gerib bi akibu(wodi ikhab) Shemaiah al min Nehelamite wa iyal ta iyal tou. bikun mafi zol minnu al bi geni fi nus shab del. Huwo ma bi suf hajat al ana bi amulu le nas(shab) tai-de karar ta Yahwa- leanu huwo amulu tamarud did Yahwa