¹ v 1 Hasil fi sena, fi bidaya ta hukum ta Zedekiah melik ta Yudah, Fi sena nimra arba wa shahar nimra kamsa, Hananiah weled ta Nebi Azzur, al kan min Gibion, Wonusu le ana fi bet ta Yahwa fi gidam ta kuhana wa nas kulu. Huwo kelimu, ² Yahwa al mosuul, Allah ta Israel, kelimu: Ana kasuru niir al melik ta Babylon asuru(amiru). ³ Fi kilal senaten Ana bi rijau fi mahal de kulu hajat(mumtalakat) le bet ta Yahwa al melik ta Babylonia Nabuchanzar shalu min mahal de wa shalu(safiru) le Bablonia. ⁴ Ba dak Ana bi rijau Jehoiahin weled ta Jehoiakim, melik ta Judah, wa ma kulu Asar al harb ta Yudah al kan rasulu le Babylonia- de karar ta Yahww- fa ana bi kasuru niir ta melik ta Babylonia." ⁵ Yala nebi Armiah wonusu le nebi Hananiah fi gidam ta kuhana wa nas kulu al wagafin fi bet ta Yahwa. ⁶ Nebi Armiah gal(kelimu), "Kede Yahwa amulu kalam de! kede Yahwa sabit kalam al inta nabau wa rijau fi mahal de mumtalakat ta bet Yahwa wa asar al kulu min Babylonia. ⁷ Ala kulu hal, asuma le kalam al ana bi alinu fi adana taki wa adana ta nas kulu. ⁸ Anbiya al ja gubal ana wa inta min zaman dak nabau an dual kutar wa did mamalika kutar, an harb, maja, wa darabad. ⁹ Yala nebi al bi itnaba beinu fi salam- kan kalam tou tala hagiga, bad dak bi arafu hagiga beinu huwo nebi al Yahwa yau rasulu ." ¹⁰ Lakin nebi Hananiah shalu niir min ragbta ta nebi Armiah wa kasuru. ¹¹ Bad dak Hananiah wonusu fi gidam nas kulu wa gal, Yahwa kelmu:Bes ze de, Fi kilal senaten Ana bi kasuru niir al fi ragabta ta ai doula al melik ta Babylonia Nabucanzar amiru(asuru)." Bad dak nebi Armiah masha(rua). ¹² Baad nebi Hananiah kasuru niir min ragbta ta nebi Armiah, kalam ta Yahwa ja le Armiah, gal. ¹³ "Rua wa wonusu le Hananiah wa gul, ' Yahwa kelimu: Inta kasuru niir ta kasab, lakin Ana bi amulu niir min hadid.' ¹⁴ Yahwa al mosuul, Allah ta Israel, kelimu: Ana kutu niir al hadid fi ragabta ta dual del kulu ashan bi khadimu melik Nabuchanar ta Babylonia, wa umon bi khadimu huwo. Ana kaman bi wodi haiwan al waish ta Beriya ashan bi hakimu umon." ¹⁵ Nebi Armiah kelimu tanimara le nebi Hananiah, Hananiah asuma! Yahwa ma rasulu inta, lakin inta sabab le nas de ashan bi amin (sedek) fi kidib ¹⁶ Yala Yahwa kelimu: Ainu(suf), Ana gerib bi rasulu inta min Ard. sena de inta bi mutu, ashan inta alinu tomorud did Yahwa." ¹⁷ Fi shahar sabah ta sena dak, nebi Hananiah mat.