¹ Fi al bidaya ta al hukum ta Jehoiakim welet ta Josiah, kilima de ja min Yahuah, kelim, ² ''Yahuah bi kelim zede: Wogif fi al mahal mahkama ta bet tai wa wonusu an kulu al mudun ta Yahuzah al ja le ibada fogo bet tai. Alinu kulu al kilimat al Ana kalas ammiru ita le wonusu le umon. Ma ta gata guser ayi kilima! ³ Bi kun biga umon bi asma, gali ayi zol bi gilibu min turuk serir/batal tao, kida Ana bi geyeru fikra be kusus al karisa/karaba al Ana katitu le jibu fogo umon ashan be al amail tomon al serir/batal. ⁴ Kida ita lazim kelim le umon, 'Yahuah bi kelim zede: Kan itakum ma bi asuma le ana kida ze le dowuru fi ganun tai al Ana kalas kutu gidam itakum_ ⁵ kan itakum biga ma asuma le al kalamat ta kadamin tai al ambiya al Ana daiman bi rasulu le itakum_lakin itakum kalas ma asuma!_ ⁶ biga Ana bi amulu bet de ze Shiloh; Ana bi gilibu medina de fogo laana fi al uyuun ta kulu al umam ala art.''' ⁷ Al kahana, al ambiya, wa kulu al nas sima Armiah bi alinu kalamat delin fi al bet ta Yahuah. ⁸ Kida uwo hasal gali zaman Armiah kalas kalasu alinu kulu al Yahuah amiru uwo le kelim le kulu al nas, al kahan, ambiya, wa kulu al nas turuju uwo wa kleim , ''Ita hagiga bi mutu! ⁹ Le kalas ita itnaba fi isim ta Yahuah wa kelim gali bet de bi geni/tala ze Shiloh wa medina de bi geni karaban, ma bi kun indu sukan?'' Lianu kulu al kan kowunu muzaharat dit Armiah fi al bet ta Yahuah. ¹⁰ Biga al muazifin ta Yahuzah kilimat del wa rua bara min al bet ta al melik le al bet ta Yahuah. Umon geni fi al buaba ta sika fi al Buaba Gedid ta al bet ta Yahuah. ¹¹ Al kahana wa al ambiya wonusu le al muazifin wa kulu al nas. Umon kelim, ''Uwo biga sah le rajil de le mutu, lianu uwo itnaba dit medina de, bes ze itakum asuma ma adanat takum!'' ¹² Kida Armiah wonusu le kulu al muazifin wa kulu al nas wa kelim, ''Yahuah kalas rasulu ana bara le itnaba dit bet de wa medina de, le kelimu kulu al kilimat al itakum kalas asuma. ¹³ Kida hasa, hasinu sikat takum wa amail takum, wa asuma le al sort ta Yahuah Allah takum kida gali uwo bi geyeru fikira be kusus al karaba al uwo kan alinu dit itakum. ¹⁴ Ana benefsi_ayinu le ana!_ana fi iden takum. Amulu le ana sunu yau kuwes wa sah fi uyuun takum. ¹⁵ Lakin itakum lazim betaakit aruf gali kan itakum katulu ana, biga itakum biga dom jibu dom meskin fogo nefsatakum wa fogo medina de wa sukan tao, lianu Yahuah yau hagiga rasulu ana le itakum le alinu kulu kalamat delin le adanat takum.'' ¹⁶ Biga al muwazifin wa kulu al nas kelim le al kahana wa al ambiya, ''Uwo yau ma sah le rajil de le mutu, lianu uwo kalas alinu hajat le nina fi al isim ta Yahuah Allah tanina.'' ¹⁷ Biga rujal min al siyuk ta al beled gam fok wa wonusu le al kulu jemeiya ta al nas. ¹⁸ Umon kelim, ''Micah ta Moreshet kan bi itnaba fi al ayom ta Hezekiah melik ta Yahuzah. Uwo wonusu le kulu al nas ta Yahuzah wa kelim, 'Yahuah ta junud kelim zede: Zion bi tala mahal zara, Arselim bi tala kusa ta wasaka, wa al jebel ta al haikal bi tala gaba.' ¹⁹ Hal Hezekiah melik ta Yahuzah wa kulu Yahuzah kutu uwo le mutu? Hal uwo ma kafu Yahuah wa fetisu usa ta Yahuah kida gali Yahuah biga geyeru fokira be kusus al karisa al uwo alinu le umon? Kida kede nina amulu batal sedid dit haya ta nefsa ta nina?'' ²⁰ Kaman ze inak kan zol tani al itnaba fi al isim ta Yahuah_Uriah welet ta Shemaiah min Kiriath Jearim_uwo kaman itnaba dit medina de wa ardi de, bi tafik ma kulu kalamat ta Armiah. ²¹ Lakin zaman Melik Jehoiakim wa kulu asakir tao wa muwazifin asuma kalam tao, biga al melik hawil le kutu uwo le mutu, lakin Uriah asuma wa kan kafu, kida uwo jere bara wa rua le Masir. ²² Biga Melik Jehoiakim rasulu rijal bara le rua le Masir _Elnathan welet ta Akbor wa rujal le rua fogo Masir wara Uriah. ²³ Umon salu Uriah bara min Masir wa Jabu uwo le Melik Jehoiakim. Biga Jehoiakim katulu uwo ma sef wa rasulu gisim tao bara le al turuba ta al nas ady. ²⁴ Lakin al ida ta Ahikam welet ta Shaphan kan ma Armiah, kida uwo kan ma wodi fogo al ida ta al nas le bi kutu le katulu.