¹ De yau al kilima al ja le Armiah an kulu al nas ta Yahuzah. Uwo ja fi al arba sena ta Jehoiakim welet ta J osiah, meik ta Yahuzah. De kan al awel sena ta Nebuchadnezzar, melik ta Babylon. ² Armiah al nebi alinu de le kulu al nas ta Yahuzah wa kulu al sukan ta Arselim. ³ Uwo kelim, ''Le talata-isirin senawat, min al talatasar sena ta Josiah welet ta Amon, melik ta Yahuzah lakadi yom de, kelimat ta Yahuah kalas biga ja le ana wa Ana kalas wonusu le itakum tani wa tani, lakin itakum kalas ma asuma. ⁴ Yahuah rasal bara kulu kadamin tao al ambiya le itakum tani wa tani, lakin itakum kalas ma asuma au kutu ayi bal. ⁵ Ambiya del kelim, 'Kede ayi zol gilibu min sika al batal tao wa amulu fasat tao wa aija le al ard al Yahuah wodi fi azmina gedim le judud takum wa le itakum, ze hadiya sabit. ⁶ Kida ma ta kun dowuru wara rabunat tanin le abidu umon au dengir tehet le umon, wa ma kun zeilu uwo ma al sokol ta idenat takum kida gali uwo biga bi awugu itakum.' ⁷ Lakin itakum kalas ma asma le ana_de Yahuah yau alinu_ ⁸ kida itakum kalas zeilu ana ma al sokol ta idenat takum le amulu taasir le itakum. Kida Yahuah ta junud/jess kelim zede, 'Ashan itakum biga ma asma le kalamat tai, ⁹ ayinu, Ana biga gerib le rasulu bara amur le limu kulu al nas ta al samal_de Yahuah yau alinu_ma Nebuchadnezzar kadam tai, melik ta Babylon, wa jibu umon dit ardi de wa sukan tao, wa dit kulu la umam hawuli itakum. Lianu Ana bi ferigu umon barau le dimar/karaba. Ana bi gilibu umon fogo batal, haja le taalis, wa karaba al maindu nihaya. ¹⁰ Ana bi kutu nihaya le al sort ta farah wa sort ta mokosut, al sort ta al arusa wa al sort ta al aris, al sort ta al tahuna wa al nur ta al lamba. ¹¹ Biga kulu ta al ard de biga bigeni karban wa batal, wa umam delin bi kadimu al melik ta Babylon le sebeyin senawat. ¹² Biga uwo bi hasil fi zaman sebeyin senawat kalas biga kamil, biga Ana bi agibu al melik ta Babylon wa uma dak, al ard ta al Khaldean_de Yahuah yau alinu_le katiya tomon wa amulu uwo al karaba ma indu nihaya. ¹³ Biga Ana bi nafisu bara dit ard dak kulu al kelimat al Ana kan wonusu, wa ayihaja katibu fi kitab de al Armiah kan itnaba dit kulu al umam. ¹⁴ Lianu kaman ketir umam tanin wa muluk kubar bi amulu abit fogo umam delin. Ana bi rija dafa umon le amail tomon wa al sokolat ta idenat tomon.'' ¹⁵ Lianu Yahuah, Allah ta Israil, kelim de le ana, ''Silu kubaya de ta al mosurub ta zalan min ida tai wa amulu kulu al umam le al Ana rasulu ita asurubu uwo. ¹⁶ Lianu umon bi asubu wa biga waga biga wa jere mojunun gidam al sef al Ana rasulu bara wasat umon.'' ¹⁷ Kida Ana salu al kubaya min ida ta Yahuah, wa Ana amulu kulu al umam le al Yahuah kan rasulu ana asrab fogo: ¹⁸ Arselim, al mudun ta Yahuzah wa muluk ta hia wa muwazifin_le gilibu umon fogo damar wa hajatani al bi kafu, wa fogo al haja le taalis wa laana, ze umon yau fogo yom de hasa. ¹⁹ Bagi umam kaman kede asrubu uwo: Fharaon melik ta Masir wa kadamin tao; muwazifin tao wa kulu nas tao; ²⁰ kulu nas ta kalfiyat mulakabat wa kulu al muluk ta al ard ta Uz; kulu al muluk ta al ard ta Philistia_Ashkelon, Gaza, Ekron, wa al bawagi ta Ashdod; ²¹ Edom wa Moab wa al nas ta Ammon. ²² Al muluk ta Tyre wa Sidon, al muluk ta al sawahil fogo al tija tani ta al bahar, ²³ Dedan, Tema, wa Buz ma kulu al wahidin al bi gata al sar fogo al tijahat ta ruus tomon, umon kaman kan bi asurubu uwo. ²⁴ Kulu al muluk ta Arabia wa kulu al muluk ta nas ta kalfiyat mulakabat al bi geni fi al sahara; ²⁵ kulu al muluk ta Zimri, kulu al muluk ta Elam, wa kulu al muluk ta al Medes; ²⁶ kulu al muluk ta al samal, al wahidin biga gerib wa al wahidin biga beyit_ayiwahid ma aku tao wa kulu al mamalik ta al duniya/alam al fi fogo al ussa ta al ard, kulu umon kede biga asurubu al kubaya min ida ta Yahuah. Akiran, al melik ta Babylon bi asrab kaman min kubaya dak. ²⁷ Yahuah kelim le ana, ''Hasa ita lazim kelim le umon, 'Yahuah ta junut/jess, Allah ta Israil, keim zede: Asurubu wa tala sakaran, biga aturus, waga tehet, wa ma ta gum gidam al sef al Ana rasulu wasat itakum.' ²⁸ Biga uwo bi hasil gali kan umon aba le silu al kubaya min ida taki le asrab, ita bi kelim le umon, 'Yahuah ta junud kelim zede: Itakum lazim hagiga asurubu uwo. ²⁹ Lianu ayinu, Ana biga gerib le jibu karisa/karaba fogo al medina al yau bi nadi/semeu be isim tai, wa biga itakum be nefsatakum bi geni hur min uguba? Itakum ma bi geni hur, lianu Ana nadi sef dit kulu al sukan ta wata/ard!_de Yahuah ta junud yau alinu.' ³⁰ Ita lazim itnaba kulu kalamat delin dit umon, wa kelim le umon, 'Yahuah bi azaal min al afoak wa uwo bi asuruk/kore ma sort tao min maskan kudus tao, wa uwo bi azaal aziman dit zeriba tao; wa uwo bi kore, ze delin al bi kasuru/asuru al lemon/burdukal dit kulu delin al bi geni fogo al art. ³¹ Al sort ta sakila bi biga bi asmau le al akir ta al wata/art, lianu Yahuah jibu ugubat dit al umam, wa uwo jibu hukum fogo kulu jasat/gisim, wa wahidin al batalin/asrar uwo bi kutu le al sef_de Yahuah yau alinu.' ³² Yahuah ta junud kelim zede, 'Ayinu, karisa/karaba yau bi rua bara min al umma le umma, wa hawa kebir yau bi bada min al mahalat beyit ta al art. ³³ Biga delin katulu be Yahuah biga fogo yom dak bi midu min taraf wahid ta al art le al tani; umon ma bi koreu/amulu bika, limu, au dofunu. Umon bi geni ze wasaka fogo al wata. ³⁴ Wail, ruua, wa kore le musaada! Lifu biga fi al turab, itakum kiyadat ta al korufan, lianu al ayom ta dabau itakum kalas ja; itakum biga bi setetu zaman itakum waga ze guruma al kasuru. ³⁵ Inak bikun mafi himaya le al ruua, inak ma bi kun tefesu le al kiyadat ta al korufan. ³⁶ Asuma al kore ta al ruua wa al wailat ta al kiyadat ta al zaraib, lianu Yahuah yau demiru muraad tomon. ³⁷ Kida al muraad musalima bi geni mudamar ashan be zalan batal ta Yahuah. ³⁸ Ze ased suker, uwo kan sibu juuba/hufra tao, lianu ardi tomon biga bi geni batal ashan zalan ta al muassirin, ashan be gadab zalan tao.'''