1
Yahuah wori le ana hajatani. Inak, itniin gufa ta sejera tin al kutu gidam al bet ta Yahuah. (Ruiya de hasal bat Nebuchadnezzar, melik ta Babylon, salu fogo hijra Jehoiachin welet ta Jehoiakim, melik ta Yahuzah, al muwazifin ta Yahuzah, al rujalnahatin wa al sakalin hadad min Arselim wa jabu umon le Babylon.)
2
Wahid gufa ta tin kan kuwes kalis, ze awel tin al nigitu, lakin gufa ta tin al tani kan biga batal sedid gali umon ma bi agder bi akulu.
3
Yahuah kelim le ana, ''Sunu al ita ayinu, Armiah?'' Ana kelim, ''Tinan. Tinan al kan kuwes wa tinan al yau batal sedid umon ma bi agder bi akulu.
4
Biga al kilima ta Yahuah ja le ana, bi kelim,
5
''Yahuah , Allah ta Israil, bi kelim zede: Ana bi ayinu fogo al muhajirirn ta Yahuzah le manfa tomon, bes ze tinan kuwes delin, al muhajirin al Ana rasulu bara min makan de le al beled ta Khaldean.
6
Ana bi kutu uyuun fogo umon le kuwes wa rijau umon le beled de. Ana bi abinu umon fok, wa ma bi kasuru umon tehet. Ana bi zarau umon, wa ma bi agilau umon.
7
Biga Ana bi wodi gelba le arufu ana, lianu Ana yau Yahuah. Umon bi kun nas tai wa Ana bi kun Allah tomon, kida umon bi rija le ana ma kulu gelba tomon.
8
Lakin ze al tinan batal biga batal sedid le bi akulu_de yau sunu Yahuah bi kelim_Ana bi amulu fi teriga ma Zedekiah, melik ta Yahuzah, ma muwazifin tao, wa ma al bagi ta Arselim al fadulu fi ardi de au rua le geni fi al ardi Masir.
9
Ana bi gilibu umon fogo haja al bi kafu, karaba, fi al ena ta kulu al mamalik fogo al art, al fadiha wa modu le amsila, lahnat, wa laanat fi kulu makan al Ana kalas sugu umon.
10
Ana bi rasulu bara sef, majaa, wa darbat/waba dit umon, lakadi umon biga demiru min al ard al Ana wodi le umon wa judud tomon.''