¹ De yau kelima ta Yahwa al ja le Jeremiah be gusos jafaf, ² Kede Yahuza kunhazin; kede abuwab ta heya waga fi taraf. Humon indu nia fi al ard; kore tomon le Uruselim ruwa le fok. ³ Al azim tomon rasulu kudam tomon le moyo. zaman humon ruwa le khanadiq huomon ma ligo moyo. Humon rija bidun najah; humon khati ras tomon ma fadiya wa adam ihteram. ⁴ Ashan de ard segegu, leanu ma matru fi al ard. al mazarie biga ma fadiya wa khati ras tomon. ⁵ Leanu hata ghazala sibu iyal tou fi medan wa sibu humon, leanu ma fi gash. ⁶ himar gaba wogif fi mahal zahir wa humon lihath fi ze ibn awaa. Uyuun tomon fashil ashan bi istakal, leanu ma fi alhaya alnnabatia.'' ⁷ Hata kan khataya tanina shahidu ded anina, Yahwa, amulu ashan sbab ta isim taki. Leanu amayil ta muminin zidu: anina akhat ded inta. ⁸ Inta raja ta Israel, wahid al kalisu huwo fi zaman ta huzn, lei inta bi kun ze qharib fi al ard, ze ajnabi al musharad al madidu bara wa istakdimu fi layl wahid? ⁹ Lei inta zi zol al musdum, aw ze muharib al ma indu guwa ashan alagu? Inta fi nus tanina, Yahwa, wa isim taki nadi fogo anina. M ta sibu ania! ¹⁰ Yahwa kelim keda le nas de: ''Min zaman humon hibu ashan bi lifu, humon ma rija wara kura tomon min amulu keda.'' ¹¹ Yahwa ma murta ma humon. Hasa huwo zekir fi khatiya tomon wa aqibu khatiya tomon. Yahwa kelim le ana, ''Ma ta seli le kwes bidal ta nas de. ¹² Leanu kan humon sum, Ana ma bi asuma le bukha tomon, wa kan humon gedim zebeha wa zebeh ta akil, Ana ma bi kun murtah fogo humon. Leanu ana bi kutu nihaya bi wasat safe, majaa, wa waba.'' ¹³ Yala ana kelim, ''Oh, Rabuna Yahwa! Al anbia kelimu le nas, 'Intum ma bi ayenu safe; ma bi kun fi majaa le intum, leanu ana bi wodi le intum amni fi mahal ¹⁴ de.'''Yahwa kelim le ana, ''Al anbia naba kedib fi isim tai. Ana ma rasulu humob bara, wele ana wodi le humon aye wasaya aw wonusu le humon. Lakin ruya ta kabasa wa ma indu fayida, kabasa tagsim jai min fekira tomon yau haja al humon bi nabau le inta. ¹⁵ Ashan keda Yahwa kelim keda, ''Ann anbia nabau fi isim lakin al ana ma rasulu bara__del al kelim ma bi kun fi safe aw majaan fi ard de: Anbia del di mutu bi safe wa majaa. ¹⁶ Yala nas le huwo alhumon nabau bi jadau bara fi sika ta Uruselim ashan majaa wa safe, leanu ma bi kun fi wahid ashan bi dofunu humon, nasawiin tomon, iyal tomon, aw banat tomon__leanu ana bi daffugu bara sharr tomon fogo humon. ¹⁷ Kelim kelimat del le humob: Kede uyuun tai daffugu dumu, layl wa nahar. Ma ta sibu humon wogif, leanu bi kun fi waga azim ta binia al azara ta nas tai al azim wa jarah al eidal. ¹⁸ Kan ana ruwa le mazara, humon yau alkatulu be safe! Kan ana jaa le medina, hinak fi ayan al saba ta majaa. Kulu anbia wa khana lifu an ala ard, wa humon ma arufu. ''' ¹⁹ Hal inta kulu kulu aba Yahuza? Hail inta akrah Sahiun? Lei inta bi haznu anina zaman hinak ma fi ilaj le anina? Aina indu raja le salam, lakin ma fi haja kwes__wa le zaman ta ilaj, lakin ayenu hinak bes fi khawf. ²⁰ Anina rudu, Yahwa, galat tanina, al khatiya ta judud tanina, leanu anina akhata ded inta. ²¹ Ma ta aba anina! Leanu ashan isim taki, ma ta kutu kursi ta mejid taki fadiya. zekir wa ma ta kasuru itifagia taki ma anina. ²² Hal min asanam ta umam al ma indu fayida bi jibu matru? Aw hal alsamwat nefsu rasulu tihit matru? Hal de ma inta al wahid Yahwa Allah ta anina? Anina intezir inta, leanu inta yau al wahid al amulu hajat del kulu.