¹ Yala Yahwa kelim le ana, ''Hata kan Musa aw Samuel kan wogifiin fi gedam tai, Ana lisa ma bi fi lesalih ta nas de. Rasulu humo bara min gedam tai, ashan humon bi ruwa beid. ² Huwo bi hasil inu humon bi kelim le inta, Anina bi ruwa wen?' Yala inta bi kelim le humon, 'Yahwa kelim keda: Del al le mutu bi ruwa le mutu; del al le safe bi ruwa le safe. Del al le majaa bi ruwa le majaa; wa del al le sabi bi ruwa le sabi.' ³ Leanu ana bi eayan humon le majmuea __de yau Yau elan ta Yahwa__al safe ashan dabahu juzu al kelaab ashan juru juzubeid, tuyur ta samawat wa haywanat ta gaba ta ard ashan akulu wa demiru juz . ⁴ Ana bi kutu humon haja al ta khawf le kulu al mamlik ta ard, ashan ta haja al Manasseh jena ta Hezekiah, melik ta Yahuza, amulu fi Uruselim. ⁵ Leanu munu bi kun indu ahama le inta, Uruselim? Munu bi hazn le inta? ⁶ Inta sibu ana_de elan ta Yahwa__intum rija wara min ana. Fa ana bi adrab inta ma yadan tai wa demiru inta. Ana taban ma rahama fogo inta. ⁷ Fa ana bi gharbal humon ma mazara fi bab ta ard. Ana bi tegil humon. Ana bi demiru nas tai ze ma humon ma bi rija sikat tomon. ⁸ Ana bi kutu adad ta aramil tomon tomon akhtar min rumula ta taraf bahar. Ded uma hat ta shabab ana bi rasulu al mudemir fi nahar. Ana bi kutu sadama wa khwaf faja'a bi waga fogo humon. ⁹ AL umm al weledu saba iyal bi wasaka beid. Heya bi muzlum. Shams tou bi waga wokit lisa nahar. Heya bi fadiya wa bigaraj, leanu ana bi wodile del al fadulu le safe fi ijut ta ada tomon__de elan ta Yahwa.''' ¹⁰ Wayl le ana, umma tai Leanu inta weledu ana, ana al yau ana zol ta kore kore wa jidal fi kulu al ard. ana ma deinu, wele aye zol deinu min ana, lakin humon kulu laanu ana. ¹¹ Yahwa kelim '''Hal ana ma bi alagu inta le kwes? ana bi akkid bi kutu ada taki asalu musaada fi zaman ta harisa wa huzn. ¹² Hal zol bi agder kasuru hadid? Kasatan hadid min shamal al limu ma bronze? ¹³ Ana bi wodi le ada taki mali taki wa kunuz ze ghanima majani. Ana bi amulu keda ashan kulu khatiya al intum amulu fi juwa hudud takum. ¹⁴ Yala ana bi kutu inta kadimu ada taki fi ard al inta ma arufu, leanu nar bi wala, wala fi zalan taided inta.''' ¹⁵ Yahwa, inta arufu! Zekir ana wa saadu ana. Jibu intiqam le ana ded del al azibu ana. Inta subuur marid, lakin ma ta sibu humon ashan shilu ana beid: arufu ana tahmal lom ashan inta. ¹⁶ Kelimat taki ligo, wa ana akulu humon. Kelimat taki biga le ana farha wa bahja le gelba tai, leanu shayil isim taki, Yahwa Allah ta daeif. ¹⁷ Ana ma geni fi dayira ta del al bi afrha aw bi itamata. Ana geni fi wahda ashan yadan taki al guwi, leanu inta mala ana ma zalan. ¹⁸ Lei waja tai mustemir wa jarh tai ma bi aliju, aba ilaj? Halinta ze moyo al kazib le ana, moyo al bi nashif? ¹⁹ Ashan keda Yahwa kelim keda, ''Kan inta tub, Jeremiah, yala, ana bi rija inta, wa bi wogif gedam ana wa kadimu ana.Leanu kan inta fasilu al hajah al belid min hajat al gali, inta bi kun ze kasma tai. Nas bi rija wara le inta, lakin inta nefsak kede ma rija wara le humon. ²⁰ Ana bi kutu inta ze heita ta bronze al ma bi gidu le nas de, wa ujra tomon harb ded inta. Lakin humon ma bi gelibu inta, leanu Ana ma inta ashan bi kalisu inta wa alagu inta__de elan ta Yahwa__ ²¹ leanu ana bi alagu inta min yadan ta sharr wa kalisu inta min yadan ta mustabit.'''