¹ Yawha kelim de le ana, ''Ruwa wa biu malabis dakilia wa kutu hawili sulba taki, lakin awel ma ta kutu fi ² myo.'Fa ana biu malabis dakilia ze Yahwa amiru ana, wa ana kutu hawili sulba tai. ³ Yala kelim ta Yahwa ja le ana mara tani, gal, ⁴ ''Shilu al malabis al dakilia al inta biu al hawili sulba taki, gum fok wa ruwa hasa le Perath. Dusu hinak fi hufura ta sakhra.'' ⁵ Fa ana ruwa wa dusu fi Perath, bes ze Yahwa kan amiru ana. ⁶ Bad ayam ketir, Yahwa kelim le ana, ''Gum fok wa euwa wara le Perath. Shilu min hinak al malabis al dakilia al ana kan wori le inta ashan bi dusu. ⁷ ''Fa ana rija wara le Perath wa hafrau bara al malabis al dakilia fi mahal al ana dusu fogo, wa ayenu, huwo kan demiru wa bidun fayida. ⁸ Yala kelim ta Yahwa ja le ana, kelim, ⁹ Yahwa kelim keda: Fi nefsu teriga ana bi demiru azama ta takabur ta Yahuza wa Uruselim. ¹⁰ Nas al asharar de al aba asuama le kelim tai, al bi dowuru fi guwi gelba tomon, al bi ruwa wara rabunat tanin ashan bi abidu humon wa denger tihit le humon__humon bi kun ze malabis al dakilia de al huwo kwes le fadi. ¹¹ Leanu ze malabis al dakilia bi hafisu alwarikin, fa ana sala kulu bet ta Israel wa kulu bet ta Yahuza hafisu le ana__de huwo elan ta Yahwa__ashan bi nas tai, ashan bi jibu ana shuhra, tasbeh wa ihteram. Lakin humon ma bi asuma le ana. ¹² Fa inta bi kelim kelimat de le humon, Yahwa, Allah ta Israel, kelim keda: Kulu guruma bi malau ma khamr. Humon bi kelimle inta, Hal anina behagiga ma arufu inu kulu guruma bi malau ma khamr? ¹³ Fa kelim le humon, Yahwa gal keda: ayenu ana gerib bi mala kulu sukan ta ard de ma duluma, muluuk al geni fi krusi ta Daud, al khna, anbia wa sukan ta Uruselim. ¹⁴ Yala ana bi sedimu kulu zol ded tani, abuhat wa iyal sawa__de elan ta YAHWA__Ana ma bi rahmu humon aw bi indu hinia wa ana ma bi sibu humon jaili min tadmir.''' ¹⁵ Asuma wa kutu bala. Ma ta kun mutkabir, leanu Yahwa kelim. ¹⁶ Wodi ihteram le Yahwa Allah taki gubal huwo ma jibu duluma, wa gubal huwo ma laanu kura taki ashan bi dugu fi jebal fi daw ta shama al ta ashiya. Leanu inta indu amal fi nu, lakin huwo bi agelibu mahal de le duluma amiq, le sihab duluma. ¹⁷ Fa kan inta ma asuma, ana bi kore barau ashan takabur taki. Uyuun tai akkid bi kore wa bi daffugu dumu, leanu qatie ta Yahwa shilu asir. ¹⁸ ''Kelim le melik wa le uma ta melika, 'Nezil tihit min kursi taki, leanu taj taki al jamil waga min ras taki. ¹⁹ Al mudon fi alnnaqb bi guffulu, ma zol bi fata humon. Yahuza kulu bi shilu asir, tamumaan bi shilu asir. ²⁰ Arufa fok uyuun taki wa ayenu le wahid al jai min shamal. Wenu qatie al huwo wodi le inta, al qatie al jamil kalis le inta? ²¹ Inta bi kelim sun zaman Allah kan jahizu fogo inta del inta deribu ashan bi kun jama taki al kass? Hal del ma bidaya ta waja ta shukul al inta bi hajisu inta ze mara al fi welada? ²² Yala inta bi kelim fi gelba taki, Lei hajat del bi hasil le ana?' Huwo bi kun le khatiya ta ki al ketir al inu tannanir taki arufau fok wa inta khalifu. ²³ Hal nas Cush bi ghyiru lawn ta jilid tomon, aw nimir bi ghyiru nuqta tou? Kan ze de, yala inta bi nefsak, sala kan eadi le sharir, bi agder bi amulu kwes. ²⁴ Fa ana bi shetetu humon ze gash al bi affin fi hawa ta sahara. ²⁵ De yau haja al ana wodi le inta, al gisma al kariru le inta __ De elan ta Yahwa ashan inta nesitu ana wa siq fi kabasa. ²⁶ ashan keda nefsa tai kaman bi agela tananir bara min inta, wa ajiza taki al kass bi ayenu. ²⁷ Ana ayenu zina taki wa sahil al faras, al sharr ta sharamit takum fok tal wa fi zira, wa ana ayenu hajat affin! wayl le inta, Uruselim! Le meten hata inta intum bi kun nedif tani?'''