¹ Intum salihin, Yahwa, hata kan Ana jibu nizaeat le intum. Akkid ana lazim bi wori le intum al sabab ashan le tazamur: Lei sikat ta sharir bi najah? Kulu nas al aminin humon najihin. ² Inta zara humon wa humon kutu juzur. Humon istemir ashan weledu samar. Intum gerib ma humon fi kasmat tomon, lakin beid min guluub tomon. ³ Lisa inta Yahwa, arufu ana. Inta ayenu ana wa inta jeribu gelba tai tija taki. Shilu humon beid ze khuruf le zebeh, wa kasisu humon barau le yom ta zebeh! ⁴ Le meteen al ard bi kun atshan wa gesh fi zira bi nashif? Ashan del al bi geni fogo shaririin, al haiwanat wa tuyur nedifu bara, ashan nas kelim, ''Huwo ma bi ayenu haja al bi hasil le anina.'' ⁵ Yahwa kelim, ''Be hagiga, kan inta Jeremaih, jere ma kura asakir wa humon bi ga tabu inta kef inta bi nafis ded hasin? kan inta waga tihit fi beled, kef inta bi amulu fi gabat al gerib min Urudon? ⁶ Leanu hata akuwana taki anguru inta. Ma ta siq fi humon, hata kan humon kelim hajat al kwes le inta ⁷ Ana sibu bet tai; Ana sibu mirath tai. Ana wodi muhbub fi yadan ta ada tou ⁸ Mirath tai ja biga le ana ze asad fi gaba; Heya jahizu nefsa tou ded ana ma sawt tou, fa ana akrah heya. ⁹ Huwo ma ghadiru mumtalakat tai tala majnun, inu bagi tuyur tanin ta samak biga ded heya kulu hawulu? Ruwa wa limu kulu al wuhush wa jibu humon ashan bi shetetu heya. ¹⁰ Ketir min al ruwa demiru al kharma tai. Humon dusu fogo kulu qita ard tai; humon gelibu farha tai le barria, wa kharab. ¹¹ Humon amulu kharab ta heya. Ana hazin le heya; kharabu heya. Kulu al ard kharabu, leanu ma fi zol al bi shilu fi gelba. ¹² Mudemiriin jaa ded kulu mahalat ta fadiya fi al barria, leanu Safe ta Yahwa bi demiru min nihaya le ard wa le tani. Ma fi salama le aye mukuluuk al hay. ¹³ Humon zarau gamah lakin agela gabat ta shok. Humon tabaniin min shukul lakin ma rabhu haja. Ashan keda fadiya kede amulu inta ma rabh taki ashan zalan ta Yahwa.'' ¹⁴ Yahwa kelim de ded kulu jeran tai, al sharir al hujumu mumtalakat al kutu shab tai ta Israel bi worisa, ''Ayenu, ana yau zol bi agela humon min ard tomon, wa ana bi tala bet ta Yahuza kin nus tomon. ¹⁵ Yala bad dak ana bi agela bagi umam, huwo bi hsil inu ana bi kun indu rahma fogo humon wa jibu humon wara; Ana bi rija humon__kulu insan le mirath tou wa ard tou. ¹⁶ Huwo bi hasil inu kan umam del alimu sikat ta nas tai, ashan halifu ma isim tai Ze Yawha hay' bes ze humon kan alimu nas tai ashan halifu ma Baal, yala bi abinu humon fok fi nus ta nas tai. ¹⁷ Lakin kan ma fi zol asuma, yala ana bi agela umma dak. Huwo bi kun akkid bi agelau wa bi demiru__de elan ta Yahwa.''