¹ Kelima dak al ja le Jeremiah min Yahwa, gal, ² ''Asuma le kelimat ta ahad de, wa alinu humon le kulu zol fi Yahuza wa sukan ta Uruselim. ³ Kelima le humon, Yahwa, Allah ta Israel gal kede:la'ana le zol al ma asuma le kelimat ta ahad. ⁴ De yau ahad al ana amiru judud takum ashan bi hafisu al yom ana jibu humon bara min ard t Mesir, min farn al bi sihi hadid. Ana kelim, ''Asuma le sawt tai wa amulu kulu hajat del bes ze ana indu amiru inta, leanu intum bi kun nas tai wa bi kun Allah takum. ⁵ ''ihtaramu ana ashan ana bi akkid al halifa al ana halifu le judud takum, al halifa al ana bi wodi le humon al ard bi kubo leben wa easal, al inta aish fogo alela. ''Yala Jeremiah, juwabu wa gal, ''Num Yahwa!'' ⁶ Yahwa kelim le ana, ''Ainu hajat del kulu fi mudon ta Yahuza wa fi shawarie ta Ueuselim. kelim, 'Asuma le kelimat ta itifagia de wa sholu humon bara. ⁷ Leanu ana kan bi wodi awamir rasmi le judud takum min al yom ana tala humon min ard ta Mesir hata yom ta hasa de, bi istimrar anziru humon wa kelimu, ''Asuma le sawt tai. ⁸ ''''Lakin humon ma asuma aw kutu bala. Kulu shakhskan bi dowuru fi anada ta gelba tou al sharir. Ashan kede ana jibu kulu la anat fi itifagia de inu ana amiru ashan bi jaa ded humon. Lakin nas lisa ma ihtaramu.'' ⁹ Bad keda Yahwa kelim le ana, ''muamara kashifu fi nua rijal ta Yahuza wa sukan ta Uruselim. ¹⁰ Humon hawil le khatiyat ta judud tomon al badri, al aba asuma le kelima tai, lakin dowuru wara rabunat ashan bi abidu humon. Bet ta Israel wa bet ta Yahuza kasuru itifagia tai al ana asisu ma judud tomon. ¹¹ Fa keda Yahwa kelim ze de, Ayenu ana gerib bi jibu karisa fogo humon, karisa min al humon ma bi agder jere min fogo. Humon bi nadi ana, lakin ana ma bi asuma le humon. ¹² Al mudon ta Yahuza wa sukan ta Uruselim bi ruwa wa nadi rabunat al humon gedim lou zebeha, lakin akkid ma bi khalisu humon ma humon fi zaman ta karisa tomon. ¹³ Leanu inta Yahuza, adad ta rabunat taki zeidu sawa ma adad ta mudon takum. Inta amulu adad ta mazabeh ta fadiya fi Uruselim, mazbah ta bakhur le Baal, sawa ma adad ta shawarie tou. ¹⁴ Fa inta be nefsak Jeremiah, kede ma seli le nas del. Inta ma bi koer aw seli bidal tomon. Leanu ana ma bi asuma zaman kan humon nadi ana fi karisa tomon. ¹⁵ Lei muhbub tai, al wahid al indu qasid sharir ketir fi bet tai? Lahm ta tadhia taki ma bi saadu. Inta murtah ashan amayil taki al sharir. ¹⁶ Fi zaman al faat Yahwa nadi inta waraga ta shajar zeitun, jamil ma samar. Lakin huwo bi wala nar fogo al sawt tou ze sawt ta hawa; furue tou bi kasuru. ¹⁷ Leanu Yahwa ta daif, wahid al zara inta, kariru karisa ded inta ashan amayil al sharir al bet ta Israel wa bet ta Yahuza amulu__ humon kutu ana zalan bi wodi zebeha le Baal.''' ¹⁸ Yahwa kutu ana arufu hajat del, ashan ana bi arufu humon. Inta, Yahwa, kutu ana ayenu amayil tomon. ¹⁹ Ana ze khuruf al latif al bi sugu le jazar. ''Kede anina demiru shajar ma samar tou Kede anina kata huwo bara min ard ta haya ashan isim tou ma bi kun zikiru tuwil.'' ²⁰ Lisa Yahwa huwo yau ghadi al adil al bi fahisu gelba wa muk. Ana bi shahidu intiqam taki ded humon, leanu ana gedimu qadia tai le inta. ²¹ Izan Yahwa kelim de bikusus nas ta Anathoth al bi fetisu haya taki, ''Humon gal inta lazim ma bi wonusu fi isim ta Yahwa, aw, inta bi mutu biwasat yadan tanina, ²² Iza kan Yahwa ta daeif gal de Ayenu ana gerib bi eaqibu humon. guwa shabab tomon bi mutu ma sayf. Iyal tomon wa banat tomon bi mutu ma jaa''an. ²³ Wahid min humon ama bi sibu ana jibu karisa ded nas ta Anathoth, sana ta eaqib.'''