¹ Taal, aiya wahid al atshan, taal le moyo, wa inta alma indu gurush, taal, wa biu wa akulu ! taal biu merisa wa leben budun gurush wa budun taman. ² le inta bi daya fida fi haja alma esh, wa le inta bi taab fi shunu alma bi shabanu? Asuma tamam le ana wa akulu shunu alkwes, wa itmatah nefsak fi al semin. ³ Gelibu adana wa taal le ana ! Asuma, gal inta bi ish! Ana bi amulu amina albadia ma inta – tai albi teki, muhaba alma bi kalasu al ana waadu ma Daud. ⁴ Ainu, Ana kutu ze shahid le umam , ze kaaid wa kaaid jesh le nas ⁵ Ainu, intu bi nadi le uma al intakum ma arufu; wa aluma al ma arufu intakum bi jere le intakum ashan Yahweh Allah takum , alkudus ta Israel,huwo almejidu intakum.” ⁶ Fetishu Yahweh wokit albi ligo huwo ;nadi huwo fi wokit huwo gerib. ⁷ kede al ashrar sibu sika, wa rajil ta katiya afkar towo. Kede huwo rija le Yahweh, wa huwo bi hint le huwo,wa le Allah tena al bi afi kulu-kulu huwo. ⁸ Lianu afkar tai ma afkar takum ,wala sikaat tai fok min sikaat takum- de ilaan ta Yahweh- ⁹ Izaa ze samawaat fok min ardi, far sikaat tai fok min sikaat takum, wa afkar tai min afkar takum. ¹⁰ Ze matara wa telij bi nesil tehed mi sama wa mabi rija rija ile leinu ardia wa bi amulu ashan antij samar wa wodi bisra le muzari albi zarau esh le zol albi akulu, ¹¹ yala Kaman kelima tai albi ruah min kasma tai – mabi rija le ana sakit-lakin bi kemilu hadaf al ana rasulu huwo fogo. ¹² lianu intakum bi ruah bara ma farah wa intakum bi gedimu ma salama; Jubal wa hujar bi kasuru be farah bi saarik gidam intakum. Wa kulu ashjar bi safik yeden tomon le intakum. ¹³ min bidal gabat ta shok, shejera suru bi rabah; min bidal brier , asiat bi rabah, wa bikun le Yahweh,le isim towo ze alama alabadia alma bi gatau bara .”