¹ Guna ,inta mara al mabi weledu, inta alma weledu; kede guna guna ta farah shedid. Inta alma kun fi waja welada. Lianu iyal ta wahid alabau aktar min iyal mara al jouzu , “Yahweh kelimu. ² Amulu kema takum kebir wa ferishu shatair bara, towilu hubal wa gowi witit . ³ lianu intakum bi ferishu bara fi yemin wa shamal ,lianu ajial takum bi seitar le duwel wa rija geni fi mudun al demiru. ⁴ Mata kafu intakum ma be endu fadiha hata ta muthbitiin launu intum intum ma bikun musum; intum bi nesitu shababiya takum wa fadiha ta botun takum. ⁵ lianu alkali huwo yau rajil takum; Yahweh ta jesh de yau isim towo. Alkudus ta Israel yau mukalis takum ; Huwo semi Allah ta Dunia kulu. ⁶ lianu Yahweh nadi intakum wara ze mara alabau wa hazing fi roho , ze mara zoju suker wa abau, “ Allah kelimu. ⁷ 7Fi zaman guser ana abau inta , lakin ma muhaba kebir ana bi limu intakum. ⁸ fi tofan ta zalan ana dusu wusa tai min intakum fi lahza; lakin ma amina ta ahad alabadia ana bi indu rahma le intakum –kelimu Yahweh, wahid al ankizu intakum. ⁹ Lianu de ze moyo ta Noah le ana: ze ana halifu moyo ta Noah mabi ja tani mara fi Dunia, biga ana halifu gal ana mabi kun zalan min intakum au wobiku intakum ¹⁰ Mahma kan jubal bi waga wa hujar bi hizu ,lakin lisa muhaba tai alma bi kalasu mabi geiru min intakum ,wala amina ta salam tai bi hizu- kelimu Yahweh, al indu rahma fi intakum. ¹¹ ALtaabu shedid, hawa -sugu wa alma indu taaziya, Ainu, ana bi kutu mujura fi turquoise. Wa kutu asas ma lon asrak. ¹² Wa ana bi amulu kima ta yaqut wa abuab min hujar lama- lama, wa heta takum albara min hujar jemil. ¹³ yala kulu iyal takum bi alimu ma Yahweh; wa salam ta iyal takum bikun adhim. ¹⁴ Fil bir bi asisu intakum, wa intakum bikun beid min isar, lianu intakum mabi kafu ;min irhap, lianu mabi ja gerib maakum. ¹⁵ Ainu ,iza aiya wahid fetishu mushkila, mabi kun minu ; aiya wahid fetishu mushkila maakum huwo bi waga fi setara. ¹⁶ Shuf, ana kalagu nas sinaiin , albi haragu faham wa bi salau adawat ta harib ze shokol towo wa ana kalagu almudemir ashan demiru. ¹⁷ Mafi sila albi salau did inta bi najah; wa inta bi demiru aiya wahid albi ishteki inta. De yau meras ta kudam ta Yahweh, wa difaa tomon min ana- de karar ta Yahweh.”