¹ Munu bi amin shunu al humon asuma min ena, wa le munu adalat ta Yahweh wori ? ² Lianu huwo rabah fi gidam Yahweh ze shibli, ze ardi alwasi wa yabis; huwo ma indu shikil jazab wokit ena ainu huwo, mafi jamala albi jezibu ena. ³ Huwo alisu wa abau ma nas ; rajil ta huzun , wa wahid al arufu waja. Ze wahid al rujal bi dusu wusa minu, alisu huwo; wa ena iktebiru huwo ma mohim. ⁴ Lakin be takid huwo nongulu amrad tena wa arfau huzun tena; lakin lisa ena fekiri akibu huwo ma Allah. Dugu ma Allah,wa taabu. ⁵ lakin huwo atanu ashan amael ta tamarud tena; Kasuru huwo ashan katiyat tena. Ikaap ashan salam leana kan fi huwo, wa ma dabarat towo ena ligo elaj. ⁶ Ena kulu ze korufan ruah ma adil; Ena kulu gelibu aiya wahid ma sika towo, wa Yahweh kutu fi huwo kulu katiyat tena. ⁷ Asuru huwo; lakin lisa wokit huwo nezilu nefsu, Huwo ma fatah kasma towo; ze koruf albi shilu le debea, wa ze koruf al gidam raye bi askud, ashan kida huwo ma fatah kasmu. ⁸ Be hukum ijbari huwo hakimu le mut ; Munu alfi jill dak zekiru an huwo tani?Lakin gatau huwo bara min ardi ta haiyin ; ashan jerima ta nas tai ukuba de kutu fi huwo. ⁹ Humon kutu turba towo ma mujirimiin, ma rajil al ganiyan fi mutu towo,Mahma kan huwo ma amulu batal, wala aiya kizib fi kasma towo. ¹⁰ Lakin lisa kan de irada ta Yahweh ashan kasuru huwo wa kutu huwo ayan. Wokit huwo amulu haya towo zebiha fogo, huwo bi ainu iyal towo, huwo bi towilu ayam towo, wa hadaf ta Yahweh bi kemilu be wasad huwo. ¹¹ Baad taab ta haya towo, huwo bi ainu nur wa shabaan ma marifa. Kadam tai albar bi beriru keteriin; huwo bi ithamal katiyat tomon. ¹² Fi de ana bi wodi nisba towo fi nus keteriin, wa huwo bi gesimu alkarabu ma keterin, ashan huwo wori nefsu le mutu wa ragimu ma kuta. Huwo nongulu katiya ta ketirin wa bi amulu shifa le kuta.