¹ Gum, gum, libisu guwa taki, Zehiun; libisu jalabia taki al jemil, orshelim, medina almukadas; lianu kulu-kulu tani mara al ma tahiru au alma nedifin ma bi dakalu fi inta. ² Hizu nefsa min gubar; gum wa geni Orshelim, shilu genzir bara min rakaba taki, hasir harib binia ta Zehiun ³ Lianu de al Yahweh kelim, “ Intu tebiu le sakit, wa intakum bi beriru budun gurush". ⁴ Lianu de shunu al Yahweh kelim, “Fi bidaya nas tai ruah ashan ish muakad fi Masir; wa al ushuri asuru humon ma le sabab kwes. ⁵ Hasa fi shunu al ana indu hini –De elan ta Yahweh- Ainu nas tai shilu bara le sakit? Del albi hakimu fok humon bi hagiru- de elan ta Yahweh – wa isim tai nebisu mustemir kulu ma yom ⁶ Ashan kida nas tai bi arufu isim tai ;Humon bi arufu fi yom dak Ana al wahid al kelimu,Naam de Ana! ⁷ Kef jemil fi jebel kura ta kadam albi jibu kabara kwes, albi alinu salam, alamsuku asur kwes ,albi alinu kulasa, albi kelim le Zehiun, “ Allah takum fi! “ ⁸ Asuma, gufara takum bi arfau asuat tomon , sawa humon bi sharik be farah, lianu humon bi ainu aiya eina tomon, Yahweh rijah fi Zehiun. ⁹ Humon bi bada guna guna ta farah, intu almoksuriin ta Orshelim; lianu Yahweh azi nas towo; huwo beriru Orshelim. ¹⁰ Yahweh midu yeden towo alkudus fi eina ta kulu umam;kulu ardia bi ainu kulasa ta Allah tena. ¹¹ Tala, tala , ruah bara min hinak; mata lemesu aiya haja al nejis; tala min nusum; tahiru nufuskum, intu albi arfau afash ta Yahweh ¹² lianu intakum mabi ruah seri ,wala tala ma sadma ; lianu Yahweh bikun gidamkum;wa Allah ta Israel bikun saga. ¹³ Shuf, kadam tai bi amulu be hikma; Huwo bikun fok wa arfau fok ,wa bi arfau. ¹⁴ Ze keterin arhibu fi intakum- shikil towo sheen begadi min aiya rajil, wa shikil towo ma beinu ze insan . ¹⁵ Hata lou, kadam tai bi shetetu umam ketir wa muluk bi gofulu kasma ashan huwo. Lianu del alma wori le humon, humon bi ainu, wa del alma asuma, humon bi fahimu .