¹ Al Barria wa Al ardi al nashif bi afrah; wa al sahra bi kun muksut wa bi izdehiir. zi zahra al narjis, ² howo bi izdehiir shedid wa bi ibtehij bi farah wa bi guna; Bi wodi le howo mejeed ta Lubnan, wa jamal ta Karmel wa Sharon; homon bi ainu mejeed ta Yahwah, rauaa ta Allah ta nina. ³ Keli gowie edan al daeif, wa keli sabitu rukubat al gi heazu. ⁴ Kelim le nas al gi kafu, " Kun gowi, kel inta ma kafu! Asuma, Allah taki bi jaa maa integham, maa mukafaa ta Allah. howo bi jaa wa angizu intum." ⁵ Biga aeyun ta aamiyan bi ainu, wa adan ta atresh bi asuma. ⁶ Wa abu kura bi nutue zi qhazal, wa zol al ma gi agder wonusu bi guna, Moyo bi kubu min ardi al nashif, wa majarie ta moyo bi tala fi al Barria. ⁷ Ramla al sukhun bi tala hawd ta moyo, wa ardi al aatshan bi kun yanabiea ta moyo; Mahal al saaleib gi geni fogu, fii mahal num tomon, bi kun fii gesh wa ghasab. ⁸ Wa terik bi kun fii hinak al nadi terik al mughadus. insan al nejees ma bi safier min hinak. Lakin bi kun le howo al gi dowuru fogu, hata insan al belied ma bi dowuru fogu. ⁹ Ma bi kun fii Aseed hinak, Hata hiywan al mutawahhish ma bi kun fii hinak; Ma bi ligu homon hinak, Lakin al mufddy yahu dowuru hinak. ¹⁰ Feddaa ta Yahwah bi rejaa wa bi jaa maa guna le Sahiyun, wa farah al abadiya bi kun fii ras tomon; Muksut wa farah bi mala homon; huzun wa waja bi jere baeid.