¹ Fi yom dak Yahwah bi agibu Luyasan debiba al tefes de be sef tuo al saab, al azi wa guwi, Luyasab debiba al bi gairu shikil, wa huwo bi katulu tinin al fi fi bahar. ² Fi yom dak; guna takum le karma al deru, guna tuo. ³ ''Ana Yahwah, ana yao bi hami huwo; Ana bi kubu fugu moyo kulu zaman. Ana bi harisu huwo bilel wa nahar ashan mafi zol bi augu huwo. ⁴ Ana ma zalan, Oh, wele kan fi hasak wa shuk! Fi harib ana bi duru did umon; ana bi haragu umon sawa; ⁵ ele kan umon nakamu himaya tai wa amulu salam ma ana; kede umon amulu salam ma ana. ⁶ Fi yom al bi ja de, Yagub bi asisu juzur; Israel bi tala zuhur; wa umon bi mala wata be samar.'' ⁷ Hal Yahwah hajimu Yagub wa Israe ze huwo hajimu umam delin al hajimu umon? Hal katulu Yagub wa Israel ze dabau ta umam al umon katulu? ⁸ Be nefsa teriga ta tadib taki, inta turuju Yagub wa Israel, huwo turuju umon bara be hawa ta nefes tuo fi yom ta riyah ta sherik. ⁹ Be nefsa teriga, sher ta Yagub bi masau, lanu de yao bi kun simar al kamil ta shilu katiya tuo: kan hwuo amulu hujar ta mazbah biga ze tabashir wa kasuru hita hita, mafi Sawari wele Shemat wele bakur bi fadulu fi mazbah. ¹⁰ Ashan mudon al kubarin barau, mahal geni sibu ze sahara. ijil bi akulu hinak wa bi num hinak bi akulu furu tuo. ¹¹ Kan idenat tuo yabis bi kasuru. Nusuwan bi ja wala nar be umon, lanu de ma nas al bi fahim. Ashan kida de al kalagu umon ma bi arham umon, wa ma bi kum rehim le umon. ¹² Bi hasil fi yom dak Yahwah bi angizu min nahar al Farat le wadi masi wa intakum, shaab Israel bi limu sawa wahid wahid. ¹³ Fi yom dak de trumbeta azim bi afugu; yala delin al mutu fi ard Ashur bi ja, wa delin al sibu ard ta Masir. Umon bi abudu Yahwah fi jebel al mukadas fi Urshelim.