¹ Fi yom dak, guna de bi gunau fi ard ta Yahuza: Anina indu medina al guwi; Allah kalisu hiyat tuo. ² Fatta takum abuab, ashan umma al mukadas al bi hafiso amana bi dakalu. ³ Muk al fi fugu inta, inta bi hafiso huwo be salam kamil, lanu huwo kutu sikha fugu inta. ⁴ Kutu sikha fi Yahwah lel abad; lanu fi Yah, Yahwah, sakra lel abad. ⁵ Lanu huwo bi nezilu delin al bi ish be kibiriya; mudon al guwi, huwo ksuru tihit, huwo bi kasuru tihit fi turab; huwo bi sawi sawa ma turab. ⁶ Bi dusu tihit be kura ta masakin wa kura ta nas al muhtajin. ⁷ Sika ta zol al bar adil, inta al bar de; inta amulu sika ta zol al bar nedif. ⁸ Nam fi sika ta hukum taki, Yahwah, anina bi istena inta; isim wa suma taki de yao niya ta nina. ⁹ Ana fetisu inta be bilel; nam, roho tai juwa ana gfetisu inta kalis. Lanu kan hukum taki ja fi dunia , sukan ta alam arufu an bir. ¹⁰ Kede zahiru rahama le sherir, lakin huwo ma bi alimu shukul bir. Fi ard ta mustegimin huwo bi amulu sher wa ma bi ayinu shukul kebir ta Yahwah. ¹¹ Yahwah, iden taki murfu fuk, lakin umon ma bi lahisu. Lakin umon bi ja ayinu gira taki le shaab wa bi kutu umon fi faddiya, lanu nar ta adu taki bi akulu umon. ¹² Yahwah, inta bi jibu salam le nina; wa hagiga inta timu le anina shukul ta nina kulu. ¹³ Yahwah Allah ta nina, fi asiyad tanin hakim anina; lakin anina bi sabihu isim taki barau. ¹⁴ Umon maitin, umon ma bi ish tani; umon afin, umon ma bi gum. Hagiga, inta ja le hukum wa demiro umon, wa sibu ayi zikira tumon mutu. ¹⁵ Inta zidu umam, Yahwah, inta zidu umam; akrimu inta; inta wasiu hudud ta ard kulu. ¹⁶ Yahwah, fi mashakil umon bi ayinu le inta; umon bi ham ham fi salawat kan tadib taki fugu umon. ¹⁷ Ze mara al hamil al gerib ma zaman tuo ta weledu, kan hiya biga fi waja wa bi kure fi waja, anina kan gidam taki ze de, ya Rabuna. ¹⁸ Anina kan hamlanin, anina kan fi waja, lakin bi bainu kaanu anina weledu hawa. Anina ma jibu kulasa le ard, wa sukan ta alam ma waga. ¹⁹ Maitin taki bi ish; jisim tumon al mait bi gum. Gum wa guna le farah, inta al bi geni fi turab; lanu nada taki de nada ta nur, wa ard bi tala maitin tuo. ²⁰ Ruwatakum, shaab tai, dakalu takum fi juwat takum wa gufulu abuwab takum wara takum; dusu takum le fetera besid, lahadi kan gadab de bi mururu. ²¹ Ashan Yahwah kalas der tala min mahal tuo ashan bi hukumu sukan ta ard le sher tumon; ard bi fatta dum al huwo kubu, wa wele bi kati maitin tuo.