¹ Taab le Ard al ajniha tou khafif, al fi nahor ta Cush ² Al gi rasulu nas fi bahar wa fi mara kib al min Berdi fi ras moya, amsi ya intum murasiliin al al seriin, le shaab al tuwaliinn wa kwesiin, le nas al gi kafu beyed wa gerib. Shaab al guwi wa dusu tehet, al Ard tomon gesimu bi bahar ³ Ya intum nas kulu al gi geni fi duniya wa intum al gi geni fi Ard. Fi zaman al alama kan arfau fi jebal intum bi ainu wa fi zaman al afuku buruji intum bi asuma, ⁴ De yahu kalam al Rabuna kelimu le ana, ana bi ainu biraha min beit tai, ze moya al sukun fi dow ta shemish, ze nada ta sehab al fi sakana ta hasad, ⁵ Gubal hasad, fi zaman al zuhur kalas waga, wa kasab ta zuhur biga sabit fi kurma, haro bi gata furu bi manjel wa haro bi gata tehet wa bi shelu bara al furu al munteshir de, ⁶ Bi sibu homon le teyur ta jubal wa le haiwanat ta Ard. Teyur bi ja fogo fi zaman ta seaf/karanga wa kulu haiwanat ta Ard bi ja fogo fi zaman ta sheta ⁷ Wa fi yom dak bi wodi hadiya le Rab al Junud min shaab/nas al tuwaliin wol kwesiin, min nas al gi kafu min beyid wa gerib, shaab al gowi wa dusu tehet, al Ard tomon gesimu bi anhur, le mahal ta isem ta Rob al Junud, le jebel Sehiyon.