¹ Ilan Kabara an Damascus, “asbit, ja zaman ashan bi talalu Damascus bara min medina, wa betala medina al waga. ² Bi sibu mudun ta Aroer. Medina bi kun mahal ta num ta tuyur wa mafi zol bi khofu homon ³ Mudun al ta defa bi kun mofi Ephraim, mamlaka al min Damascus. Wa begiya ta Aram homon bi kun ze mejid ta nas ta Israel de Yahu kabara ta Rab al junud. ⁴ Fi yam dak mejid ta Yacoub bi tala deyef wa jesim tou al semin de bi tala deyef ⁵ De bi kun ze kan muzary gi limu dura, wa iden tou gi legetu ras Dura, de bi kun ze gi limu Dura min wodi ta Rephaim. ⁶ Kulu hajat al limu de bi Fadulu, ala kulu hal, de ze zaman al shejera ta Zetun gi hezu, itniin au talata zetun al fok fi Fere ta Shejera, arba au khamsa al fi furu ta shejera al fok al musmir de yahu kabara al min Rabuna, Allah ta Israel, ⁷ Fi yom dak insaan bi ainu le Rabuna al Khalagu homon, wa uyon tomon bi ainu le kudus ta Israel, ⁸ Homon ma bi ainu le mazbaha, al homon yahu sala bi iden tomon, wala homon bi ainu fi haja al iden/dufur tomon sala, al haro amud ta asherah au sura ta shemish. ⁹ Fi yom dak mudun tomon al guwi bi geni ze ashjar ta khashob al sibu fi jubal al tehet, wa fok al kan sibu ashan iyal ta Israel wa al bi kun kar bon, ¹⁰ Leanu intum, wa inta alisu wa ma zekiru guwa taki, yala inta bi zara mahal zara bi Farah, wa bi tola furu ta kurma, iselimu min gurba. ¹¹ Fi yom al inta zara wa hawiitu wa kuruju. Buzur bezor taki bi raba lakin hasad bi Fashal fi yom ta karisa wa huzun al bidun rajo, ¹² Musiba! Taab le nas ketir, sut ta izaaj de ze sut ta bahar, wa jere au sura ta jere ta nas al gi jere ze moyo al ketir! ¹³ Sut ta kore ta nas/shaab bi kun ze jere au sura ta moyo al ketir, lakin haro bi wobikhu homon, wa homon bi jere, bi turudu homon gedom ta hawa zegesh al fi ras jebal, ze ashaab al lefu daira gedam hawa, ¹⁴ Fi mesa, ainu, kafu, gubal sabah homonbi ruwa! De nesib/ujra ta nas du del al gi seregu nina, ujura ta del al homon seregu nina.