¹ Rasulu kurfan le hakem ta Ard min selah fi sahara, le jebel ta beniya ta zion/sehiyon ² Ze tayur al mu tueiliin woduru ze beit ta ter al setetu biga banat ta moab fi kanadik ta nahar ta arnon, ³ Wodi irshadad ta amulu adola. Amulu dul ze belil fi nus nahar dusu nas al muturudii mata fadihu au kashifu seir ta nas al jere, ⁴ Keli homon geni fi wasat takum, nas al turudu min moob, keli inta dusu homon min nas al bataliin, leanu zulum de al gi amulu batal bi woduru min Ard, ⁵ Irsh au kursi ta ahaad ta rahma bi asisu, wa wahid min beit ta Daud bi geni hinak be amana, howo bi hukumu ze ma haro gi fetisu adala wag i amulu kwes. ⁶ Nina asuma an kebiriya ta modb, dala tou, kebiriya tou, wa zalon tou, lakin kebiriya tou de ma indu Faida, ⁷ Yala biga moab kore le moab, homon kulu kore! Haznan, inta al demiru taman ashan cakes ta Fawaki ta zabib ta kir Haresett. ⁸ Leanu mahal zara ta Heshban Yabis ze kurma ta sibmah ruwasa ta umam dusu kuma al ahtaru al wosulu fi jazer wa she titu fi sahara. Inteshir lahadi kharij hudud beled, haro ruwa lahadi bahar ⁹ Hagiga ana bi kore sawa ma jazer ashan kurma ta sibmah. Ana bi belu intum bi moyo end tai, ya Heshban, wa Elealeh. Leanu fi mahal zara taki ta semar ta seaf karanga wa ana kaldsu hasot tai bi Farah ¹⁰ Muksut wa Farah shilu bard min sama ta shejera to bustan, biga ma fi ternima guna, au sat fi mahal zara, mafi zol al gi dusu asuru amulu khamra fi mahal al gi amulu Fogo de, leanu ana wogifu sut to zol al gi dusu amulu de, ¹¹ Yala biga kore ta geliba tai ze oud au Guitar ashan Moab, wa batna tai ashan kir Haresett. ¹² Fi zaman al moab libisu zahar nefsa tou fi mahal al murtefe al fok wa dokalu fi heikal tou ashan bi seli, salawat tou ma bi kun indu Faida, ¹³ De kalam al Rabuna kan wonusu an Moab. ¹⁴ Tani mara Rabuna gi wonusu, fi Khilal tala ta sena, me jid ta Moab bi woduru, hata bi kulu nas tou al ketir de, wa al bi Fadulu al bagiyiin bi kun besit wa ma indu Faida.