¹ Ayilan min jiha ta moab. Hagiga, fi lel wahid arid ta moab karabu wa mudamar; hagiga fi lel wahid kir ta moab karabu wa mudamar. ² Humon ruwa fok le moabad. Shaab ta Dibon ruwa fok le mahalat al ali ashan bi kore; saririk ta moab le neba wa le medeba. Ras tomon kulu haligu fadi wa dikin tomon kulu gatau bara. ³ Fi shawari tomon humon libisu malabis min jilid; Fi fadayat ta bet bitomon wa fi misaha kulu wahid bi kore shedid, mala be dumu. ⁴ Hashbon wa alaalah; kore shedid le musaada; sot bitomon asumau beyid lahadi yahaz. Ashan kida jiyosh ta moab kore shedid le musaada; humon rogus juwa nefsa tomon. ⁵ Geliba tai kore shedid ajli Moab; nas ta hiya al jere le sokar wa le Aglath shulashiyah. Humon tala fok min lulith be kore; fi sika ta horonaim; humon kore shedid le tedmir bitomon. ⁶ Miyah ta nimrim karabu; hashish nashif; Al khadarawat nashif; mafi hinak aashab akdar. ⁷ Thoruwa al humon wofiru wa kazinu humon shilu le wadi safsaf. ⁸ Kore wosulu lahadi mutgata ta Moab; surak lahadi aglaim wa beer Elim. ⁹ Lanu miyah ta dimon mala min dom; Lakin ana bi jibu hata ketir le Dimon. Ased bi hajimu del al bi jere min Moab wa Kaman del al fadulu fi al arid.