¹ Ashan huriya al Messih hariru inna. Ashan kida, kede itakum wegif gowi kele itakum riga tani tihit saitara ta abudia. ² Yau, Ana Bulus, bi kelim le itakum inu kan tahiru itakum, al messih ma bi anfa le itakum fi ayi haja. ³ Ana gi shahidu le kul zol al sibu nefsa tou taharu uwu lazim bi tii ganoon kulu. ⁴ Gatau itakum bara min al Messih, itakum al gi beriru be ganoon; itakum biga ma bi ligu naima tani. ⁵ Ashan bewasat ta Roho, be iman, inna bi istena raja ta bir. ⁶ Fi Yesu al Messsih ma Tuhur wele adan tuhur indu faida, lakin iman bes yau bi ishtakal bewasat muhaba. ⁷ Itakum kan bi jere kues. Munu yau adusu itakum ashan ma bi tii hagiga? ⁸ Kalam de ma min de al nadi itakum! ⁹ Kemira besita bi kemiru ajin kulu. ¹⁰ Ana indu sikah fi Rabana inu itakum ma bi fekir fi haja tani. De al bi tabanu itakum biligu hukum mahma uwu munu. ¹¹ Itkua, kan Ana lisa gi beshiru kalam ta tuhuru, le lisa bi itahidu Ana? Be teriga de Hajiz al gi gufulu sika ta selib shilu bara. ¹² Ze le delin al bi tabanu itakum, Ana gi itmana kede umun taharu madum tumun! ¹³ Nadi itakum fi huriya, ya Ikewa. Lakin matakum istakdimu huriya takum ze fursa le tebiya ta katiya; lakin, bewasat muhaba akdim takum badum takum. ¹⁴ Ashan ganoon/namus kulu bi nefizu fi kilima wahid; fi ''Ita lazim bi hibu jeran taki ze nefsa taki.'' ¹⁵ Lakin kan itakum bi adi wa gi akulu badum, kutu takum bala kede itakum ma kalasu badum takum. ¹⁶ Alkin Ana bi kelim, ish takum be Roho wa mtakum kamilu shahwat ta gisim. ¹⁷ Lanu niyat ta gisim umun did Roho, wa niyat ta Roho did niyat ta gisim. Umun fi sura ma badum, ashan Itta ma bi agider amulu hajat al itta der. ¹⁸ Lakin kan gi gedimu itakum bi Rhoh itakum ma tihid ganoon. ¹⁹ Hasa amal ta gisim zahir: ²⁰ Zina, Ahara, Najasa, Dara, Abudu asnam, kujur, adawa, Ferigu madum, Gira, zalan, tefriga, gesimu badum, kizib, Hsada, ²¹ katulu, sakar, Ideman, wa hajat al ze delin. Ana gi anziru itakum, ze ma Ana anziru itakum gubal kida, inu delin al Amulu hajat de ma bi werisu mulukud ta Allah. ²² Lakin Simar ta Roho yau muhaba, farah, salam, tul bal, shukul kues, iman, ²³ Wadaa, wa amsuku nefsa; wa did hajat de ma Ganoon. ²⁴ Delin al tabiin le Yesu al Messih umun selibu tebiya ta katiya ma niyat tuo. ²⁵ Kan inna gi ish be Roho, kede inna kaman duru hasab Roho. ²⁶ Kede inna ma kun nas al zalan madum ta nina, wa gi hasidu badum.