¹ Ikua, kan fi zol amsuku fi katiya, itakum al Rohiin Bi rija zol de be Roho ta riga nefsa. Kede ita kutu bala le nefsa taki, ashan kaman kede ma jeribu ita. ² Arufa takum tegila ta badun, wa tamimu takum Namus/ganoon ta Messih. ³ Ashan kan fi zol bi nfekiri uwu haja ligu uwu ma haja, uwu gi kabasu badun. ⁴ Ayi zol kede imtehin shukul tuo, yala sabab ta kebir nefsa bikun ta tuo barau wa ma fi zol tani barau. ⁵ Ashan ayi zol bi ruwa arfa hukum tuo barau. ⁶ De al gi derisu le uwu kelima lazim bi shariku kulu hajat al kues ma de al gi derisu. ⁷ Kede ma kabasu itakum. Allah ma gi kabasu, ashan ayi haja al insan bi zarau, nefsa haj yau uwu bi ja legetu. ⁸ Ashan de al bi zarau bizira le tebiya tuo ta katiya, min tebiya ta katiya biligu damar. De al bi zarau bizira le Roho, min Roho bi ruwa ligu hay al abadiya min Roho. ⁹ Kede inna ma kafu fi amulu kues, ashan fin zaman al munasib inna bi ruwa limu hasat, kan inna ma Isteslim. ¹⁰ Ashan kida, ze ma fi fursa, kede inna amulu shukul kues le nas kulu, be kusus le delin al min iman. ¹¹ Ayinu takum yat Huruf kebir al Ana katibu le itakum ma iden tai. ¹² Delin al der amulu manzar kues fi gisim gi hawil asuru itakum le tuhur. Umun gi amulu ze de ashan ma bi Itahidu umun ashan selib ta Messih. ¹³ Ashan hata delin al taharu ma gi hafizu ganoon, lakin umun der kede taharu itakum ashan umun bi kebir nefsa an gisim takum. ¹⁴ Lakin kede Ana ma Kebir nefsa ile be selib ta Rabana ta nina Yesua al Messih, al be wasat tuo selibu donia le Ana, wa Ana le donia. ¹⁵ Ashan wele tuhur nafa le ayi haja wele adam tuhur, lakin kaliga al jedid. ¹⁶ Le delin kulu al bi ish be hasab ganoon de, salam wa rahama kede kun le umun, wa le Israel ta Allah. ¹⁷ Min hasa kede ma fi zol tabanu Ana, ashan Ana gi arfa fi gisim tai alamat ta Yesua. ¹⁸ Kede naima ta Raban Yesua al Messih kun ma Roho takum, ikuwa. Amen.