¹ Wokit kan intakum jada gura ashan gesimu wata,intum bi amulu zebiha le Yahweh; tekdima de bikun mahal alkudus ta ardi , Kamsa wa isriin gadam fi tuul wa ashara alf gadam fi urud. Bikun kudus, fi hawili kulu. ² min de bikun kamsa wa isriin fi kamsa wa isriin muraba hawili mahal alkudus, ma hawili hudud kamsiin gadam fi ururd. ³ Min mahal de intum bi wozinu nisba al kamsa wa isriin alf gadam fi tuul wa ashara alf fi urud; bikun mahal salawaat, mahal alkudus kaalis. ⁴ De bikun mahal kudus le Gusus albi kadimuYahweh, albi ja gerib le Yahweh ashan kadimu huwo. De bikun mahal ta biud tomon wa hila alkudus le mahal alkudus. ⁵ Yala bikun kamsa wa isriin alf fi tuul wa ashara alf fi urud, wa bikun le mudun le lawiin albi kadimu fi bed. ⁶ Intum bi nesimu hila le medina, kamsa alf gadam fi urud wa kamsa wa isriin alf fi tuul, de bikun jambu mahal alsibu le mahal kudu; medina de bi taabi le kulu bed ta Israel. ⁷ Ardi ta amir bikun fi tijaheen ta ardi alsibu le mahal kudus wa medina. Bikun fi tijah garrib wa sheri. Tuul bikun ze tuul ta wahid nesba ,min garrib le sherik. ⁸ Ardi de bikum mumtalak ta amir fi Israel. Umara tai tani mara mabi asuru nas tai; bel ax, humon bi wodi ardi le bed Israel, le gabail tomon. ⁹ Rabuna Yahweh kelim kida:Kifaya le intum Umara ta Israel! Taalau unf wa mararat; amulu adala wa bar! Sibu turudu ta nas tai!- De karar ta Rabuna Yahweh. ¹⁰ Intum bi indu mizan al saa, ¹¹ misan al saa ,hamam al saa! Ephah wa hamam bikun sawa fi adad, ashan hamam ashara humirus, wozin tomon bikun ma humirus. ¹² Shekel bikun isriin gerah; sitiin shekel bikun girish le intum. ¹³ De yau tabaruwaat al intum bi gedimu: sitiin Ephah le aiya humirus ta geme, wa intum bi wodi sitiin fi ephah le kulu humirus ta esh. ¹⁴ Gawaniin ta tekdima ta zed bikun ashara hamam le jos al huwo ashara hamam au le aiya humirus, min zaman wahid humirus ashara hamam. ¹⁵ wahid ganam au koruf min mashiya gusad mitten haiwanaat min akaliim alta moyo fi Israel albi istakdimu le zebiha albi haragu au tekdima ta salam ashan amulu kulasa le nas – de karar ta Rabuna Yahweh. ¹⁶ Kulu nas ta ardi bi wodi tabaruwaat le amir ta Israel. ¹⁷ Bikun musuliya ta amir ashan nezimu hawanaat le zebiha mahruk, tekdima ta Dura, tekdima ta shirub fi ayaat wa munasaba ta gamara tala jedid, wa fi ayam ta sebit. Kulu ayaat al retibu ta bed ta Israel. Huwo bi wofiru le zabaya ta katiya, tedima ta dura, zebiha albi haragu, wa tekdima ta salam le kulasa niyaba an bed ta Israel. ¹⁸ Rabuna Yahweh kelim kida: fi awel shahar, fi awel yom ta shahar, intu bi shilu Tor albila loum min bahaim wa amulu tekdima ta katiya fi haikal. ¹⁹ Gesis bi shilu juzu min dom ta tekdima ta katiya de wa kutu fi fok baab ta bed ta Israel wa fi arba arkaan ta hudud ta mazbah, wa fi baab ta haikal be juwa. ²⁰ Intu bi amulu de fi yom alsabe ta shahar le katiya ta aiya wahid kan mabe gasid wala be jahala; fi teriga de intum bi beriru haikal. ²¹ Fi awel shahar fi yom arbatashar, bikun le intum eid, Eid ta yom nimra saba. Intu bi akulu esh bidun kemira. ²² Fi yom dak, Amir bi jahizu le nefsu wa le kulu nas ta ardi Tor ta tekdima ta katiya. ²³ Le yom nimra saba ta eid, amir bi jahizu zebiha mahruk le Yahweh; Saba abgar was aba korfan albila loum kulu yom le muda saba ayam, wa ganam kulu yom ze zebiha ta katiya. ²⁴ Yala amir bi amulu tekdima ta akil ta ephah le aiya Tor wa ephah le aiya koruf ma zeid le aiya ephah. ²⁵ Fi shahar al sabe ta yom kamistashar ta shahar, fi eid, amir bi amulu tekdima fi kulu saba ayam del: tedima katiya, zebiha mahruk, tekdima ta akil, wa tekdima ta zeid.