¹ Elah Yahweh kelim gali : bab alfi dakil de fi teja ta serik keli kun mogful fi sita youm ta sokul , lakin bab de bi fataouw youm sebbit , Kaman fi youm al jedit ta gamara Kaman be fataouw . ² amir (jena) bi dakalu fi iteja al bara be sika ta bab wa houras touw min bara ,yala amir bi wogif fi tija al daki bab fi yafta ta bab fi zaman al abuna bi ataya al mahruk ma ataya ta salam , yala houw bi abidu inak fi bab aldakily de yala houw bi tala bara , lakin bab de ma be gofulu ele be mesa . ³ kaman nas ta ard dak be mejidu Yahweh fi bab ta duku fi youm sebbit wa Kaman fi sahar al jedit . ⁴ zebiha al mahruk al Amir be gedimu le Yahweh fi youm sebit de be kun sita min eyal ta koruf al tamam Kaman sit koruf abu rujal al kulu tamam . ⁵ zebiha ta dedik de be wodi sawa ma koruf abu rajil or Kaman zebiha ta degik ma jena ta koruf . ⁶ fi youm al awel ta gamara hwo be wodi bagara abu rajil min zeriba ,Kaman sita eyal ts koruf ma sita koruf abu rajil al kulu tamam al ma endo muskila . ⁷ hwo lazim be amulu zebiha min degik le bagara wa Kaman lekoruf abu rajil, de haja al hwo der amulu kamn le koruf al suker wa Kaman zet fi kulu haja ta zebiha ta degik de. ⁸ yala Kaman kan Amir dakalu min bab ta dukul de , Kaman hwo be reja min nfsa bab de. ⁹ lakin kan nas ta Israel ja fi mahal de le Yahweh fi zaman almunasib ta ehtifal , ai zol al dakalu min bab al fi teja ta samal be tala bara min bab ta teja junu de , Kaman be nefsa deriga kulu nas al dakalu min bab al fi junub be tala bara min bab ta samal de, mafi zol be reja min bab al umon takalu min fogo de lakin umon beruwa adil tuwal . ¹⁰ yala Amir be kun fi wasat tomon ,kan nas de dakalu juwa Amir Kaman be dakalu juwa , kan nas de tala bara Amir Kaman be tal wara tomon. ¹¹ fi zaman ta ehtifal , zebiha min degik be kun juzu min zebiha le bagar abu rajil wa kama juzu ta degik le koruf abu rajil, yala kulu haja al Amir der wodi , hwo be wodi be juzu ta zet Kaman fi kulu haja . ¹² kan Amir der wodi zebiha min nea tou le , sala kan zebiha al mahruk wele zebiha ta salam le Yahweh ,bab al fi teja al fi serik be kun fadi le Amir, Amir be gedimu zebiha tou al mahruk awu ta salam ze al hwo be gedimu fi kulu youm sebit , yala Amir be ruwa bara ,kan hwo ruwa bara bega be kofulu bab. ¹³ Zeyada le de , itakum be wodi koruf al suker al endu wahid sena kama al tamam kulu you ze zebiha al mahrouk , itakum bi amul kalam de kulu sabha. ¹⁴ itakum be wodi zebiha min degik fi kulu sabha be sita hajat be zet sawa talata kura asan be hafisu degik ta zebhiha de le Yahweh hasab ganun al fi sabit. ¹⁵ umon be jahizu koruf al suker , zebiha ta degik Kaman zet fi kulu sabah ze zebiha almahruk sabit. ¹⁶ Elah Yahweh kelim gida:kan Amir wodi hadiya le wahihd min eyal tou ,de worisa tou, de be kun mumtalakat ta jena de. ¹⁷ Lakin kan Amir wodi hadiya le wahid min gudam tou,hajat de be kun le kadim dak hata zaman ta huria tou, yala be rejawu le Amir, yala mumtalakat de bi kun ta eyal tou. ¹⁸ Amir ma be selu ai worisa ta ai zol bara min mumtalakat tomon ,but Amir lazim be wodi hajat le eyal tou min mumtalakat tou,asan nas tai ma be fertek be hajat tomon . ¹⁹ Tani zol de jibu ana min bab ta duku fi guraf almukadas ta kuhana, al fi teja al fi samal ,Kaman fi mahal fi teja al garbi. ²⁰ huwo kelim lana , de yau mahal al kuhana be sakino fogo zebiha ta zunub ma zebiha ta katiya ,wa mahal al umon be rakabu fogo zebiha ta degik,umon keli ma jibu zebiha fi mahal al kariji de ,yala be gedimu nas bega le Rabuna. ²¹ Kaman zol de jibu ana fi mahal al fi kariji , Kaman hwo selu ana keli ruwa min arba arkan al kariji, ana ayenu for kulu rukon ta mahalat de mahar tani. ²² Fi arba arkan ta mahal al kariji de fi Kaman arba mahalat al sukar tannin , 40 metir fi tul ,30 metir fi wasi tou, kan kulu arkan ta mahalat de kan sawa. ²³ Kan fi kat salauw hawil kulu arba arkan de , mahal ta rakabu kan fi tehet kat ta hujar de. ²⁴ Zol de kelim lana, de yau mahal al nas al be estakal fi haikal be sakenu fogo zebiha ta nas.