¹ Kalam ta Yahweh ja le ana, ² Jena ta insan, kutu wusa takum le Gog, ardi ta Magog, Sultan amir ta Meshech wa Tubal .wa nubua did huwo. ³ Gal, Rabuna Yahweh kelimu de : Istena! Ana did inta, Gog, sultan amir ta Meshech wa Tubal. ⁴ yala ana bi gelibu inta wa kutu sinara fi fak taki; Ana bi rasulu inta bara ma kulu jesh taki, hasiin wa rujal albi sugu hassin, humon kulu libisu libsa kamsa, wa jesh ketir ma daragat kubar wa sukar, wa kulu humon amsuku siuf ! ⁵ Farisiin, Atupiin wa libiin bikun maum, kulu humon ma daraga wa tagiya ta harib.! ⁶ Gomar ma kulu jesh towo, wa bet Togarmah, min mahal beid fi shamal, wa kulu jesh tomon! Nas ketir maakum! ⁷ Kun jahis! Naam, jahizu nefsa wa jesh takum limum, wa kun kaaid tomon. ⁸ Intu bi nadi baad ayam ketir, wa baad siniin intum bi ruah fi ardi al gobudu ma sef al limu min nas ketir, limu le jubal ta Israel al kan istemir ma damar. Lakin ardi al ardi al nas bi jibu bara min nas, wa humon bi ish fi amana, kulu humon! ⁹ Yala intum bi ruah fok ze hawa; Intum bikun ze sihab bi kati ardi, intum wa kulu jesh takum, wa kulu jesh ma intum. ¹⁰ Rabuna Yahweh kelim kida: Bi hasil fi yom dak gal kuta alfi gelba takum, intum bi gelibu kuta sherir; ¹¹ Yala intum bi kelim, Ana bi ruah fi midan; Ana bi ruah le nas sukut al aishin fi aman, humon kulu bi ish wele heta au hadid, wa mafi abuab ta medina . ¹² Ana bi gobudu kizib wa amual al seregu, ashan jibu yeden tai did kasura al jedid bi geni, albi ish fi wasad ta ardia. ¹³ Sheba wa Dedan, wa tujar ta Tarasisi wa ma kulu takiyaniin towo al shababbi kelim le intum Hal intum ja le nahab? Intu limu jesh takum ashan shilu al fadalat ashan arfa dahab wa fida, ashan shilu bahaim wa mumtalakat wa ashan shilu bara maal ketir? ¹⁴ Ashan kida nubua tai, jena ta insan, kelim le Gog, Rabuna Yahweh kelim kida: Fi yom dak, wokit nas tai Israel bi ish be aman, intu mabi alimu an humon ? ¹⁵ Intu bija min mahal beid min shamal ma jesh ketir, kulu humon bi sugu husan, jesh ketir kaalis. ¹⁶ Intu bi hajimu nas tai Israel ze sihab al kati ardia. Fi ayam al akir ana intum did ardi tai, yala umam bi arufu ana wokit al ana wori nefsa tai be wasad intum, Gog, bikun kudus fi eina tomon. ¹⁷ Rabuna Yahweh kelim de:Hal de ma inta al Ana kelimu anu fi ayam alkan be yeden ta kadam tai, Anbiya ta Israel, al nabau ma terikat tomon fi siniin wa zaman tomon gal Ana bijibu intum diddum? ¹⁸ yala bija kun fi yom dak wokit Gog bi hajimu ardi ta Israel- de karar ta Rabuna Yahweh- Gdab tai bi tala fok le zalan. ¹⁹ Fi harara wa fi nar ta zalan tai , Ana kararu inu fi yom dak bikun zalzal kebir fi ardi ta Israel. ²⁰ Humon bi rejif gidam tai- Samaka ta bahar wa tuyur ta sama , wa wuhush al fi gabaat wa kulu moklugat albi zehib fi wata, wa aiya wahid al fi ardia. Jubal bi jadau tehed wa hujar bi waga, lahidi aiya heta bi waga fi ardi. ²¹ Ana bi nadi didu kulu sef min jubal – De karar ta Rabuna Yahweh- Aiya sef ta aiya rajil bikun did aku tani. ²² Yala ana bi hukumu huwo ma darbat wa dom ; wa matara al bi nezil shedid wa hajer nar wa kebirit albi wala ana bi nezilu tehed fi huwo ze motoro wa jesh towo wa umam alketir al ma huwo. ²³ Ana bi wori azama tai wa kadasa tai wa ana bi wori nefsa tai fi eina ta umam al ketir, wa humon bi arufu inu Ana Yahweh.”