¹ Yeden ta Yahweh fi ana, wa huwo jibu ana bara ma Roho ta Yahweh wa kutu ana tehed fi wasad ta waadi; wa kan Malian ma udam. ² Yala huwo amulu ana mururu fi haulum daira wa daira. Istena! Adhim ketir minum fi waadi. Istene! Humon yaabis. ³ Huwo kelim le ana, Jena ta rajil, Hal udam del bi ish tani ?” yala ana kelim, “ Rabuna Yahweh, inta barau yau bi aruf “ ⁴ Yala Huwo kelim le ana,” Nabau fi udam del wa kelim le humon , Udam al yaabis, asumau le kalam ta Yahweh. ⁵ Rabuna Yahwah kelimu de le Udam :Istena! Ana bi kutu nefes fi intum, wa intum bi hai. ⁶ Ana bi kutu awtar fi intum wa laham fi intum. Ana bi kati intum ma jilit wa kutu nefes fi intum yala intum bi ish. Biga intum bi arif inu ana Yahweh.” ⁷ Yala ana nabau ze amiru ana; wokit ana bi naba, sot ja ta haza. Yala udam limu sawa mabad- adum ma adum. ⁸ Ana ainu ,istena, Awtar kan hasa fi humon, wa laham rabah wa jilit kati humon. Lakin kan mafi nefes lisa fi humon. ⁹ Yala Yahweh kelimu de: “Nabau le nefes, nabau , jena ta insan, wa kelim nefes, Rabuna Yahweh kelim de: Nefes taal min arba hawa, wa nefes ta del alkan katulu, ashan humon bi ish.” ¹⁰ Yala ana nabau ze amiru ana; nefes ja fi humon wa humon hai. Yala humon wogif ma kura tomon wa jesh ketir. ¹¹ Yala Yahweh kelim le ana, “ jena ta insan, Udam del de bed kulu ta Israel. Istena! Humon bi kelimu, Udam tena yaabis, wa raja tena ruah gatau ena bara. ¹² Ashan kida nubua wa ashan kelimu le humon, Rabuna Yahweh kelimu de: Istena! Ana bi fatau turubaat takum wa talau bara minum, nas tai. Ana bi jibu intum fi bed ta Israel. ¹³ Yala intum bi arif ana Yahweh, wokit kan Ana fatau turubaat takum wa jibu intum bara minu ,nas tai. ¹⁴ Ana bi kutu Roho tai fi intum ashan intum bi hai, wa ana bi kutu intum fi raha fi ardi takum wokit intum bi arif ana Yahweh. Ana kararu wa bi amulu- de karar ta Yahweh.” ¹⁵ Yala kalam ta Yahweh ja le ana, gali, ¹⁶ Yala intum hasa, jena ta insan, shilu wahid asaya le nefsak wa katibu fogo, Lianu Yahuza wa le nas ta Israel, murafik tou. Yala shilu asaya tani wa katibu fogo, Le Yusif, fereh ta Ephraim, wa le kulu nas ta Israel, murafik tou, ¹⁷ Jibum kulu sawa le wahid asaya ashan humon bikun wahid fi yeden taki. ¹⁸ wokit kan nas takum kelim le inta wa gal, Hal inta mabi wori lena manau shunu hajat taki del ? ¹⁹ yala kelim le humon, Rabuna Yahweh kelimu de: Istena! Ana bi shilu fere yousif alfi yeden ta Ephraim wa gebila ta Israel murafik tou wa limu le fereh ta Yahuza, Ashan humon bi amulu wahid fereh, wa humon bikun wahid fi yeden tai. ²⁰ Amsuku furuh al inta katibu fi eina tomon. ²¹ Wori le humon, Rabuna Yahweh kelimu de: Istena! Ana gerib bi shilu nas ta Israel min nus ta umam al humon ruah. Ana bi limum min hauwili ardia wa ana bi jibum le ardi tomon . ²² Ana bi amulum uma wahid fi ardi, fi jubal ta Israel, wa bikun wahid melik ze melik fogum kulum, wa humon ma tani mara mabi kun ethnen uma. Humon tani mara mabi gesim le ethnen mamlaka . ²³ Yala humon tani mara mabi nejisu nufusum ma asnaam, hajat tomon albataal, au aiya min katiyaat tomon al tani. Lianu ana bi kalisum min kulu amael tomon alma ta iman ma kataya al humon amulu. Wa tahiru humon, yala humon bikun nas tai wa ana bikun Allah tomon. ²⁴ Daud kadam tai bikun melik fo humon, yala bikun raye wahid fok humon kulu, wa humon bi douru le hasab wasaya tai wa humon bi hafizu ganun tai tii humon. ²⁵ Humon bi ish fi ardi al Ana wodi le abiid tai Yakub, al abaa takum geni. Humon bi ish fogo lel abad- Humon, iyal tomon , wa iyal iyal tomon, lianu Daud kadam tai bikun sultan tomon lel abad. ²⁶ Ana bi asisu ahad ta Salam ma humon. Huwo bikun amina ta ahad ma humon. Ana bi asisu humon wa ketiru humon wa asisu mahal alkudus tai fi nus tomon lel abad. ²⁷ Mahal geni tai bikun ma humon; Ana bikun Allah tomon wa humon bikun nas tai. ²⁸ Yala umam bi arufu ana Yahweh al kutu Israel barau, wokit mahal alkudus tai fi nusum lel abad.”