¹ Hasa inta jena insan, Naba le jebel ta Israel wa kelimu, Jebel ta Israel, asuma le kalam ta Yahweh. ² Allah Yahweh kelimu kida: adu wonusu an intum, “ah! Wa mahalat al ali biga mumtakat tena.” ³ Ashan kida nabau wa kelim, Rabuna Yahweh kelimu de: Ashan tetmir takum wa ashan hujum ja le intum min kulu tija, intu biga gisa ta nas. ⁴ Ashan kida, jubal ta Israel , asumau le kelima ta Yahweh; Rabuna Yahweh kelimu le Jubal del wa murtafaat , le keraan wa jadawil, le mudun al mudemir wa sibu mafi sukan fogo al biga ja nahap wa sabab hagara le umam hawilum- ⁵ Ashan kida Rabuna Yahweh kelim kida: Ana bi wonusu fi juwa nar ta gadab tai did umam taniin, did Edom wa kulu del al silu ardi tai le nufusum ze mumtalak, did kulu del al alkulu farah fi gulubum taalis fi roho tomon, ze humon hasiru wata tai ashan humon bi talabu ardi agdar le nufusum. ⁶ Ashan kida Nabuwa le ardi ta Israel wa kelimu le Jubal wa murtafaat le keraan wa jadawil, Rabuna Yahweh bi kelim kida: Istena! Fi gadab wa zalan tai Ana bi kararu de ashan weledu shetima ta alaam. ⁷ Ashan kida, Rabuna Yahweh bi kelim de: Ana be nefsi bi arfau yeden fok ashan halifu gal al umam alhawilu intum bi arfau fadiha tomon. ⁸ Lakin intu, Jubal ta Israel, intu bi raba furu wa weledu samara min nas ta Israel, min bediri humon bija wara le intakum. ⁹ Lakin istena, Ana le intum, wa ana bi itmal makum ma rahma ; intum bi kuruju wa zarau bizra. ¹⁰ Kida ana bi zidu fi intum adad ta nas takum, hata kulu bed ta Israel. Mudun bi askunu fogo wa bi rijau abinu. ¹¹ Ana bi zidu rajil wa wahas fi intakum Jubal ashan humon bikun ketir wa musmir. Yala ana bi kutu intum geni ze zaman, wa ana bi amulu intakum gedim aktar min alkan fi zaman, wa intum bi arif ana Yahweh. ¹² Ana bijibu rujal, nas tai Israel, ashan douru fi intum . Humon bi meliku intum wa intum bikun wirasa tomon , wa intum mabi kutu iyal tomon mutu. ¹³ Rabuna Yahweh kelimu de:Ashan humon bi kelim le intum , Intu rujal alkatal, katulu iyal ta beled, “ ¹⁴ Ashan kida intu mabi katulu nas tani mara, wa intum mabi kutu beled takum kore ashan nas almeitiin tani mara; ¹⁵ Ana ma bi rudu intum asuma sitima ta duwal tani mara; intum mabi istahmal fadiha ta nas au kutu beled waga – de karar ta Rabuna Yahweh.” ¹⁶ Yala kalam ta Yahweh ja le ana, gali, ¹⁷ Jena ta insan, wokit kan bed ta Israel geni fi ardi tomon, humon nejisu ma teriga tomon wa amael tomon. Sika tomon ze doura alwaskan ta mara gidam tai. ¹⁸ Kida ana kubu zalan tai diddum ashan dom al humon kubu bara fi ardi wa ma wasaku huwo ma asnaam. ¹⁹ Ana shetetum fi wasad umam; Humon shetet fi ardia kulu. Ana hakimu humon le hasab sika wa amael tomon. ²⁰ Biga humon ruah le umam, wa fi aiya mahal humon ruah , humon bi foguru isim tai alkudus wokit kan nas kelim anum, Hal sei de nas ta Yahweh? Lianu jadau humon bara min ardi towo. ²¹ lakin ana indu muhaba le isim tai al bed ta Israel nejisu fi nus umam, wokit humon hinak. ²² Fi kida kelim le bed Israel, Rabuna Yahweh kelimu de: Ana mabi amulu de ashan kum,bed Israel, lakin ashan isim tai alkudus , al intum foguru fi wasad umam- fi nus ta umam, intu foguru. ²³ Fa ana bi kutu isim tai al eazim kudus, al muntahik fi nus ta duwal-fi nus ta duwal, intum muntahik huwo.Biga umam bi arif inu ana Yahweh- De karar ta Rabuna Yahweh- wokit intum ainu ana kudus. ²⁴ Ana bi shilu intum min umam wa limu intum min aiya ardi, wa ana bi jibu intum fi ardi takum. ²⁵ yala ana bi shetetu fi intum moyo nedif ashan bi tahiru intum min najasa takum, wa ana bi tahiru intum min asnaam takum. ²⁶ Ana bi wodi kum gelba jedid war oho jedid fi dakil intum, wa ana bi silu bara gelba hajer min laham takum, lianu ana bi wodikum gelba laham ²⁷ Ana bi kutu roho tai fi intum wa kutu inta douru fi sika tai wa hafizu wasaya tai, ashan intum bi amulum. ²⁸ Yala intum bi geni fi ardi al ana wodi le judud takum ; intum bikun nas tai ; wa ana bikun Allah takum. ²⁹ lianu ana bi kalisu intum min kulu najasa takum. Ana bi nadi dura wa bi tala ketir. Ana mabi kutu jaan sheddid tani fi intum. ³⁰ Ana bi kutu fawaki ta shejera tala ketir wa montujad ta ardi ashan intum mabi istahmal fadiah ta jaan alshediid fi nus umam . ³¹ yala intum bi fekiri fi sika takum albatal de wa amael takum alkan ma kwes, wa intum bi wori tasuf fi wusa takum ashan katiyaat takum wa amael albataal. ³² Ana mabi amulu de ashan intum- De yau Karar ta Yahweh – kede de kun maruf le intum. Yala kun kajlan wa ma fadiha ashan sika takum, bed Israel. ³³ Rabuna Yahweh kelimu de: Fi yom al ana bi nedifu inta min kulu katiya. Ana bi kutu inta ashan abinu mudun wa abinu tani mara mahalaat demiru. ³⁴ Lianu intum bi kuruju wata lahaidi mabi kun kusara fi eina ta del albi ruah min jambu. ³⁵ Yala humon bikelim “ mahal de kan mudemir, lakin huwo biga ze mahal zara ta Eden; yala mudun al abau wa mafi fogo sukaan damar alkan hasa arfau wa fogo sukaan .” ³⁶ Yala umam taniin del bi arufu inu ana Yahweh, al Ana bi abinu alkasuru wa rijau zara mahal al abau. Ana Yahweh . Ana kararu wa ana bi amulu. ³⁷ Rabuna Yahweh kelim de:Tani mara Ana bi asalu ma bed ta Israel ashan amulu de le humon, ashan zidu humon ketir. ³⁸ Ze bahaim al kasisu le zabaye, Ze bahaim fi Orshelim fi zaman ta aiyaat , kida keli mudun almudemir malau ma bahaim ta nas wa humon bi arufu inu ana Yahweh.”