¹ Yalla kelim ta Yahwa ja le ana gal, ² ‘’Jena ta inasn, kutu wosa taki ded Jebal Seir wa naba ded tou. ³ Kelim le huwo, ‘Rabuna Yahewa kelim keda: Kun guwi! Ana ded inta Jebel Seir, wa ana bi hujumu inta ma yadan tai wa ana bi kutu kharab wa wasaka. ⁴ Ana bi kutu mudon takum kharab, wa inta nefsak bi kunkharab; yalla inta bi arufu inu ana Yahwa. ⁵ Leanu inta dayiman rehina le nas ta Israel, wa leanu inta kubu humon bara fi yadan ta safe fi zman toumon ta huzun, fi zaman ta eaqaab al kan azim. ⁶ Ashan keda, ze ma ana hay__de yau elan ta Rabuna Yahwa__Ana bi jahizu le kubu dom, wa kubu dom bi turuju inta! Min zaman al inta ma akrah kubu dom, kubu dom bi turuju inta. ⁷ Ana bi kutu Jebel Seir kharab al kamil zaman kan ana kata bara min huwo aye wahid al bi murur min hinak wa rija tani. ⁸ Ana bi mala jebel tou ma del al kan katulu; fogo ttal taki wa wadi wa fi kulu kor del al kan katulu bi safe bi waga. ⁹ Ana bi kutu inta kharab sabit. Mudon taki ma bi kun sakan, lakin inta bi arufu inu Ana Yahwa. ¹⁰ Inta kelim, ‘’Etnin beled del wa etnin aradi del bi tala tai, wa anina bi imtelik humon ,’’ hata zaman Yahwa kan mujuut ma humon . ¹¹ Ashan, keda ze ma Ana hay___de yau elan ta Rabuna Yahwa__ashan ana bi amulu hasaab zalan taki wa hasaab qhyira taki al inta indu fi khereheya taki le Israel, wa ana bi wori nefsa tai le humon zaman ana hukumu inta. ¹² Ashan inta bi arufu inu ana Yahhwa. Ana asuma kulu shitima al inat wonusu ded ubaal ta Israel, zaman inta kelim, ‘’Humon kan demiru; kan wodi le humon le anina ashan bi akulu.’’ ¹³ Inta arufa nefsa taki ded ana ma haja al inta kelim, wa inta ketiru kelimat inta kelim ded ana; wa ana asuma huwo kulu. ¹⁴ Rabuna Yahwa kelim keda: Ana bi kutu inta kharab, wokit al ard kulu bi afrah. ¹⁵ Ze ma inta bi afrah fok le worisa, ta nas ta Israel leanu ashan demarr tou, Ana bi amulu nefsu le inta. Inta bi tala kharab, Jebel Seir, wa kulu Edom__kulu huwo! Yalla humon bi arufu Ana Yahwa.’’’