¹ Wa kan fi sena nimira idasar, fi shahar nimira talata, fi awal yom bita shahar, kalam ta Rabuna le ana gali: ² jena ta Adam, wori le Faraon melik ta Masir wan as bitow, inta ze munu fi sokolo kebir bitak? ³ Yau de shejer ta Urz towil wa furu bitow jemil lakin dul bitow shein, wa kasab bitow towil, wa fere bitow kan fin us ta sihab. ⁴ Moyo yau sibu uwo tala kebir, wa arfa uwo fok kheiran ketir gi jere fi taraf bitow, wa gi akilu kulu asjar ali fi jinena. ⁵ Ashan kida uwo futu asjar kulu fi towil, ashan moyo al katir hata furu bitau tala ketir wa Kaman biga towil wa huwo raba. ⁶ Wa tuyur ta sama kulu geni fi furu bitou, wa haiwanat ta gaba kulu weledu fi tehet bitou, wa geni fi tehet bita duk bitou al kebir de. ⁷ Fa shejer de kan jemil fi kebir bitou wa fi towil ta kasab bitou, leanu uwo kan raba fi moyo al ketir. ⁸ Shejere bita urz fi jinena bita Allah ma bi sawi uwo, furu bitou ma bi sawi al suru, wa dileb Kaman ma bi sawi furu bitou. Kulu ashjar fi jana (jinena) ta Allah ma jemil ze uwo. ⁹ Rabuna amulu shejer de jemil be kasabin bitou al ketir, hata ashjar al kan fi jinena ta Jana bita Allah al fi Adam kan kulu tala hasud ma sokolo jemil bita shejer de. ¹⁰ Ashan kida Rabuna gal: leanu inta arfa tool bitak, furu bitak kan fi nus bita sihab, wa gelba bitou arfa fok bi sokolo towil bitou de. ¹¹ Ana selimu uwo le ida ta umam al gowi, ashan uwo bi ligo tab. Ashan khatia bitou ana turuju uwo. ¹² Wa nas ta dunia al gowin yau bi amuta uwo wa bi shilu uwo bara, wa bi sibu uwo, wa kasab bitou bi waga fi jibal wa fi kheiran ta moyo kulu, wa kasab de bi kasuru fi kulu kheiran ta moyo fi ardia, wan as ta dunia bi tala bara min dul bitou wa bi sibu uwo. ¹³ Wa kulu tuyur bita sama bi geni fir as bagi ta furu bitou ali kasuru, wa haiwanat ta gaba kulu fi ras jisim bitou al waga de. ¹⁴ Ashan shejer tani ma bi ruwa fok wa uwo gi geni fi moyo, wa ma bi amulu furu bitoiu fin us bita sihab wa kulu al bi ashrab moyo ma bi arfa fok, leanu selimu uwo kulu le mutu, le wata al tehet, fi nus ta iyal ta Adam al waga fi ufura. ¹⁵ Rabuna kelim ze de: fi yom al uwo nezil fi hawiya, ana gowumu Noah Ana libisu le uwo katisu, wa ana aba moyo bitou, wa ana afinu moyo al ketir, wa ana wodi huzun le Lebenon ashan uwo, wa ana woduru kulu shejerat ta jinena Kaman. ¹⁶ Dunia rogus min sot ta waga tow naman uwo nezil le hawiya ma nas al wga fi ufura, kulu asjar bita Eden ligo taaziya fi tehet wata, iktiyar bita Lebanon ali azigu ma moyo. ¹⁷ Umon Kaman le hawiya ma uwo, le nas al katulu be seif, wa zira bitou tehet dul bitou fi nus ta dunia. ¹⁸ Munu yau beinu fi mejid wa sokolu kebir ze de fi nus ta ashjar ta Eden? Uwo bi ruwa ma ashjar ta Eden le tehet wata, wa bi ragid fi nus bita nas ali ma tahiru ma nas ali katulu bi seif. De yau Faraon wa kulu nas bitow, Rabuna yau kelemu