¹ Wa kan fi sena nimira itnashar, fi shahar nimra itnashar, fi awal shahar, ² kalam ta Rabuna ja le ana gali: ya jena ta Adam, arfa huzun fi ras Faraon melik ta Masir wa wori le uwo gali:inta biga ze iyal ta Dunia wa inta biga ze timsah fi bahar. Ita dofugu be waga bitak, wa inta dusu moyo bi kura btak, wa inta afinu moyo bitoum. ³ Rabuna kelem ze de: kida ana bi fariso shabaga tai fi ras taki fi gidam tan as ketir wa umon bi arfa ita fok fi shbaga tai. ⁴ Ana bi sibu ita fi ardi (wata). Ana bi jada ita jua ta mahal jara wa bi kutu/wori le kulu tuyur ta sama bi esh fi rasak jaan ta haiwanat kulu al bi esh fi ardi bi kun sahabanin ma inta. ⁵ Le anu ana bi kutu gisim taki ala jebel (jubal). Wa ana bi mala mahalat al ufura ma dudu ta meit. ⁶ Bat dak ana bi dofugu dom taki fi ras jebel wa keran bi kun mala ma dom taki. ⁷ Bat ana kalasu/batulu ita, ana bi kati samawat wa nujum tou bi tala duluma. Ana bi gofulu semish ma sihab, wa gamara ma wala nur tou. ⁸ Kulu anuwar al bi wala fi sama ana bi amul duluma fogo ita. Wa ana bi amulu wata taki duluma- de yau karar ta Yahweh. ⁹ ana bi amulu gulub ta nas ketir fi ardi ali ita ma arufu zaman ana bi kutu dawula taki bi sagi sawa ma aradi al ita ma arufu zaman ana bi kutu dawula taki bi sagit sawa ma aradi al inta ma arufu. ¹⁰ Ana bi kutu nas ketir bi tala mustagrabin an ita: mulu tomon bi regifu ma kof ashan ita zaman ana bi juru bara sef tai gidam tomon. Kulu zaman ai wahid bi hizzu be sabab taki fi yom dak al ita bi waga. ¹¹ Rabuna Yahweh kelimu de: sef melik ta Babylonia biga kun didakum. ¹² Ana bi kutu adat ta kun al ketir de bi waga le sef ta abtal ta siefu wa ai dawula alen battal. Abttal del bi atillo dala ta Masir wa bi demiru kulu addat toumon de. ¹³ Ana bi demiru kulu bahayim hata kan moyo fi ketir, kura ta zol badin ma bi yakder hizu moyo fok, hata kurein ta bahayim ma bi hizu humon. ¹⁴ yala ana bi hudu moyo tomon wa kutu keran tomon jere ze sheet- de yau Rabuna Yahweh's omur. ¹⁵ Bat de ana bi wogifu moyo wa bi fiku bahar tomon de bi jere ze sef- de yau karar ta Rabuna Yahweh. ¹⁶ Zaman ana amuli ardi ta masir mahal fadi, zaman ardi biga fadi min kulu hajat, ana bi hajimu sukan tou; humon bi kore- de karar ta Rabuna Yahweh. ¹⁷ De bi hasil fi sena nimra Itnasar, fi yom khamis ta shahar, yau kilima ta Yahweh ja le ana bi gul: ¹⁸ Jena rajul, kore le adat kebir ta Masir wa jibu humon tihid- hiya wa banat ta aradi al kubar- yikun tihid ta turab madel al dakalu tihid fi hufura ¹⁹ Hal hagiga tou inta jemil kalis futu ai wahid? Amsi tihid wa num tihid ma dak al ma taharu. ²⁰ Umon bi waga fi nus del al katulu be sef. talau sef! wodi hiya le sef; umon bi hajimu hiya wa nas tou al kutar. ²¹ Jes al gowi fi sheol bi karir an Masir wa nas tou. Umon ja tehed hina! Umon bi num ma nas al ma tahiru, ma del al katulu be sef. ²² Assyria fi hinak ma kulu jemeia. Almaqabir ta hiyaa hawal hiya; kulu humon alkatulu ma seef. ²³ del al turuba tomon kutu fi alkhibaya ta hufura humon fi hinaak, ma kulu jameia. Almaqabir ta hiya hawal kulu dol al katulu, wa wagaa be seef, del al gibu taab fi ard le del al hayiit. ²⁴ .Elam fi hinak maa kulu mojumaa bita hiya. Almaqabir ta hiyaa hawal hiya; kulu humon alkatulu. Del al katulu ma seef, al ruwa tehet wa maa tohuru fi safa al ta mutu fi ard, del al gibu mushakil tomon le ard ta nas al aisiin wa del al arufa fadia tomon, sawa ma del al ruwa dehet fi hufura. ²⁵ Humon wori misal al batal le Elam wa nas tou fi nus ta dhubih (slain); algabir tou hawal hiya. Kulu humon ma tuhuru, atanu ma seef, ashan humon gibu mushakil toon fi ard ta nas al haiin. ashan humon gi arufa fadiya tomon, sawa ma del al mutu fi nus tal del al katulu, del al masi fi hofura. Elam fi fi nus ta del al kaatulu. ²⁶ Meshech, Tubal, wa kulu Jamahir tomon hinak! Turubat tomon hawili humon. Humon kulu al ma teheru, katulu ma safe, leanu humon jibu khawf tomon fogo ard ta aheya. ²⁷ Humon ma kabasu ma waga ta muharibin al ma teheru humon al ruwa tehet le turunba ma kulu asliha tomon ta harib, wa siyuuf tomon kutu tehet ruus tomon wa katiyat tomon fogo udam tomon. Leanu humon kan khwaf ta muharibin fi ard ta ahrya. ²⁸ Fa inta, Masir, bi kasuru fi nus ta del al ma teheru! Inta bi kabasu sawa ma del al kan bi fahim ma safe. ²⁹ Edom huwo innak ma muluuk tou wa kulu qada tou. Kutu humon fi guwa tomon ma del al katulu ma safe. Ma al qhyr mutahar humon kabasu ma del al ruwa tehet le hufra. ³⁰ Al Amira ta shamal hinak__humon kulu wa kulu al Sidoniin al ruwa tehet ma whahid al fahim. Humon kan guwiin wa kutu tannin ashan bi kafu, lakin hasa humon hinak fi fadiya, al qhyr mutahar ma del al kan fahim ma safe. Humon arufa fadiya tomon, sawa ma del al ruwa tehet le hufra. ³¹ Firaun bi ayenu wa bi itaza an kulu jamahir tou al kan fahim ma safe__Firaun wa kulu Jaysh tou___De yau elan ta Rabuna Yahawa. ³² Ana kutu huwo ze wahid al be khwafu fi ard ta aheya, lakin huwo bi kutu tehet fi nus ta al qhyr mutahar, fi nus ta del al bi fahim ma safe, Firaun wa kulu jamahir tou__de yau elan ta Rabuna Yahwa.”