¹ Yala huwo kan fi sena nimra idasar, fi yom al awel ta shahar, al kalam ta Yahwa ja le ana, bi gul, ² "ibnin al insan, leanu Tyre kelimu did Urselim, ' Aha! buaba ta nas kasuru! huwo gilubu le ana; Ana bikun malyan(ganiyan) leanu demiru hiya.' ³ Ashan kida Rabuna Yahwa kelimu de, 'Anzur! Ana did inta, Tyre, wa ana bi goumu doulat(umam) kutar did inta ze bahar bi goumu amuwaj tou. ⁴ Humon bi demiru sur(hos) ta Tyre wa kasuru buruj tou tehet. Ana bi nedifu turab(ghubar) tou bara wa kutu hiya ze hajer bidun turab ⁵ Hiya bikun mahal ta shabaka ashan bi yabis fi nus ta bahar, ze ana kararu- de karar ta Rabuna Yahwa- wa hiya bikun mahal ta nahab ta doulat(dual). ⁶ Banat tou al fi ukul(midan) bi dabau be sef, wa humon bi arufu inu ana Yahwa.' ⁷ Fa de yau haja al Yahwa kelimu: anzur, min shimal ana bi jibu melik Nebuchadnezzar ta bablon, melik al melik, did Tyre, ma hasin wa arabat(karlo), wa suagin ta hasin wa nas kuta al gowin. ⁸ Huwo bi katulu banat taki fi midan. Huwo bi abinu ahsar(asar) wa abinu buruj jambu heta wa bi arfa daraga did inta. ⁹ v 9 Huwo bi kutu aksab al kubar ashan bi dugu heta taki, wa aduad tou bi kasuru buruj taki tehet. ¹⁰ Hasin tou bikun kutar ashan ghubar tomon bi khati inta. Sot ta suagin wa arabat bi hizu heta taki. zaman huwo kan dakalu fi buaba taki, huwo bi dakalu ze zol bi ja le medina al heta tomon kasuru tehet. ¹¹ Kurain ta hasin bi dusu shawari taki. Huwo bi katulu nas taki be sef wa amud taki al abinu be hujar bi waga tehet. ¹² Humon bi nahabu mali taki. Humon seretu(kasuru) heta taki tehet wa demiru biyut taki al ghali. Hujar takum, kasab taki, wa hujar al moksurin de bi jadau fi bahar. ¹³ Ana bi abusu sot ta guna taki. sot ta wud(gitar) taki ma bi asumau tanimara. ¹⁴ Ana bi kutu inta ashan bikun hajer sakit, Inta bikun mahal al shabakat bi kutu ashan yabis. Ma bi abinu inta tanimara, Fa ana, Rabuna Yahwa wosnusu - De karar ta Rabuna Yahwa. ¹⁵ Rabuna Yahwa kelimu le Tyre, gezira kulu ma bi hizu be sot ta waga taki, wa ma sot ta muagin zaman waga al shidid fi gidam taki? ¹⁶ Bad dak umra(amira) ta bahar bi nezil tehet min kursi wa bi talau gumas tomon wa bi jadau bara gumasat tomon al amulu tetris. Humon libisu nefsa tomon be kafu, Humon bi geni tehet wa bi regif ai wokit, wa bi kafu ashan inta. ¹⁷ Humon bi arfa miratha(huzun) fok le inta wa bi gul le inta, inta kef al adu demiru. intum al gordonu be suagin ta baurat. Medina al mohim(maruf) al kan gowi- huwo rua bara min bahar. wahid al bi geni ma hiya wazau kof an nefsa tomon le ai wahid al bi geni gerib ma humon. ¹⁸ Hasa shati ta bahar regif fi yom ta waga taki. gezira al fi bahar kafu, leanu inta biga mafi fi mahal taki.' ¹⁹ Rabuna Yahwa kelimu: Zaman kan ana kutu inta biga medina al fadi(sibu), ze mudun al tanin al ma istelimu(gordonu), Kan ana goumu al tehet kalis did inta, wa kan miya al azim khati inta, ²⁰ bad dak ana bi jibu inta tehet le nas al gedimin. ze del al ruwa fi hufura, ana bi kutu inta geni fi tehet ard ze fi atlal al gedim. Ashan de inta ma ja tani wa wogif fi ard ta nas haiyin. ²¹ Ana bi kutu karisa fi ras taki, wa inta bikun mafi le abad. Bad dak bi fetisu inta, lakin ma bi ligo inta tanimara- de karar min Rabuna Yahwa."