¹ Yala kalam ta Yahwa ja len ana, gal ² Jena ta insaan, jahizu wosa taki ded nas ta Ammon wa itnaba ded humon. ³ Kelim le nas ta Ammon, 'Asuma kelima ta Rabuna Yahwa. De yau haja al Rabuna Yahwa kelim: Leanu inta kelim, ''Aha! fogo haykal tai zaman huwo kan karabu, wa ded al ard ta Israel zaman huwo kan demiru, wa ded bet ta Yahuza zaman humon ruwa le munfaa, ⁴ ashan keda, ayenu, ana bi wodi le inta le nas al fi sharik ze mumtalakat le humon. Humon bi jahizu muaskarat ded inta wa jahizu khayma tomon fi nus taku. Humon bi akulu samr takum wa humon bi asurubu leben takum. ⁵ Ana bi kutu Rabbah mahal ayenu jimaal wa le nas ta Ammon mahal zara ta majumeat. Yala inta bi arufu inu ana Yahwa. ⁶ Leanu Rabuna Yahwa kelim keda: Inta safigu yadan takum wa khatimu kura takum, wa ibtahaj ma kulu adm ihteram fi juwa inta ded al ad ta Israel. ⁷ Ashan keda, ayenu! ana bi adrab inta ma yadan tai wa bi wodi le inta ze siriga wa kutu inta mutu min nus ta bilaad! ana bi demiru inta, wa inta bi arufu inu ana Yahwa.' ⁸ Rabuna Yahwa kelim keda. Leanu Moab wa Seir kelim, ''Ayenu bet ta Yahuza huwo ze aye umma tani.' ⁹ 'Aahn keda, ayenu! ana bi fatah munhadarat ta Moab, bidaya min mudun tou fi hudud__azama ta Beth Jeshimoth, Baal Meon, wa Kiriathaim__ ¹⁰ le nas ta sharik alindu kan ded nas ta Ammon. ana bi wodi le humon mumtalkat ashan nas ta Ammon ma bi zekir fi nus ta umam. ¹¹ Fa ana bi nefizu ahkham ded Moab, wa humon bi arufu inu ana Yahwa. ¹² Rabuan Yahwa kelim keda, Edom shilu intiqam ded bet ta Yahuza wa amulu galat fi keda ¹³ Ashan keda, Rabuna Yahwa kelim ze de: ana bi adarab Edom ma yadan tai wa demiru kulu rijal wa haiwanat al hinak. Ana bi kutu humon mudamar, mahal al abau, min Teman le Dedan. Humon bi waga bi wasat sayf. ¹⁴ Ana bi kutu intiqam tai fogo Edom bi wasat yadan ta nas Israel, wa humon bi amulu le Edom hasab zalan tai wa zalan al shedid, wa humon bi arufu intiqam tai__de yau ealan ta Rabuna Yahwa. ¹⁵ Rabuna Yahwa kelim keda, al Filastiniun shilu intiqam ma kharahia wa fi nus tomon humon hawil demiru Yahuza tani wa tani. ¹⁶ Fa de yau haja al abuna Yahwa kelim: Ayenu! yadan tai bi wusulu ded alFilastiniun, wa ana bi gata bara al Kerethites wa demiru bagi al fi taraf bahar. ¹⁷ Leanu ana bi shilu intiqam azim ded humon ma shokul zalan ta eiqam, fa humon bi arufu inu ana Yahwa, zaman ana shilu intiqam tai fogo humon.'''