¹ Kalam ta Yahwa ja le ana tanimara, bi gul, ² "Hasa inta, ibin al insan, bada kore an Tyre, ³ wa kelim le Tyre, Al gaidin fi nus buaba ta bahar, tujar al bi ruwa le nas fi gezira kutar, Rabuna Yahwa bi kelim le inta: Tyre, inta kelimu, 'Ana jemil shedid.' ⁴ Hudud taki fi geliba(nus) ta bahar; binayiin taki jemilu inta. ⁵ Humon amulu loho taki kulu be kasab al sura min Senir; humon shilu kasab al arz min Lebanon ashan abinu(amulu) amud ta isharat. ⁶ Humon salau kasab ali bi sugu be murkab min bulut ta Bashan; humon salau fuasil ta juwa murkab min kasab al suru min Cyprus(kuprus), wa humon kati be sunun ta fil. ⁷ Shurah al bi hariku murkab salau min gumasat al naim min Masir ashan bikun ze shaar takum; Lon al zahari wa banafseji min taraf bahar ta Elishah bi istamilu ze dulu ta murkab takum. ⁸ Del al aishin fi Sidon wa Arvad yau sibaha taki; hakim ta Tyre fi nus taki; humon yau pilot takum. ⁹ Najarin al indum ilim min Bablos bi malau tabakat taki; Sufun taki kulu al fi bahar wa suagin al fi nus taki bi shilu buda le tijara. ¹⁰ Persia, wa Libya kan fi jesh taki, nas taki ta harib. humon haligu daragat wa tegiat al hadid le inta; humon zahiru(kasifu) guwa taki. ¹¹ Nas ta Arvad wa Helek al fi jesh taki fi kan fi heta taki al hawuli inta, wa nas ta Gammad kan fi buruj taki. Humon haligu daragat tomon fi heta taki kulu Humon kalasu jamala taki ¹² Tarshish kan sherik ta tijara ma inta leanu mali taki al ketir ta buda ashan bi biyu: Fida, hadid, safiya, wa rasas. Humon istara wa bau suluk taki! ¹³ Javan, Tubal, wa Meshech- humon bi amulu tijara ta abid wa buda al amulu be bronz. Humon amsuk buda taki. ¹⁴ Beth Togarmah wodi hasin, hasin le harb, wa iyal ta hasin ze buda taki. ¹⁵ Nas ta Rhodes yau tujar taki fi tarab bihar kutar. buda fi iden taki; humon rasulu gurun wara, sunun ta fil, wa kasab babanus ze tegdim(tehiya)! ¹⁶ Aram kan samsari fi buda takum al ketir; Humon wodi zumurud, banafseji, gumas mulawan, gumas naim, darar wa yakut ze buda taki. ¹⁷ Judah wa ard ta Israel bi amulu tijara be inta. Humon wodi geme min Minnith, cake, asel, zed, wa balsam ze buda taki. ¹⁸ Damascus yau tajir ta buda taki kulu, ta kulu mali takum al kwesin, wa kamur ta Helbon wa suf ta Zahar. ¹⁹ Dan wa Javan min Izal wodi le inta buda ta hadid al mamul, gurfa, wa galam. De biga buda le inta. ²⁰ Dedan kan samsari taki fi batatin al naim. ²¹ Arabia wa salatin kulu ta Kedar kan tujar ma inta; Humon wodi le inta lambat, korufan wa ganamayat. ²² Tujar ta Sheba wa Raamah ja bau le inta bohur al asli wa ai shikil ta hujar al kerim; humon bi badilu dahab be buda al inta indak. ²³ Haran, Kanneh, wa Eden kan tuja manta, kaman ma Sheba, Ashur, wa Kilmad ²⁴ Del kan yau samsarin taki ta gumasat al banafseji ma aluwan al muktelifa, wa be Batatin al aluwan tomon kutar, amulu tetriz, wa gumasat al ghali fi suk taki. ²⁵ Sufun ta Tarshish yau kan al bi nongulu buda taki! Yala malau inta, tegil be buda fi geliba ta bahar kan malyan, ²⁶ Mujedifin jabu inta le bahar al kebir; hawa ta sherik kasuru inta fi nus tomon. ²⁷ Mali takum, buda, wa buda ta tijara; suagin takum wa capatin, wa binayin ta sefina; tujar takum ta buda wa kulu nas ta harib al fogo inta, wa tagim taki kulu- Humon bi katis juwa bahar fi yom ta dimar taki. ²⁸ Mudun al fi bahar bi regif be sot ta captain taki; ²⁹ Kulu del al bi amsuku mujezifin bi ja tehet min sefina; bahariya wa Capatin kulu al fi bahar bi wogif kulu fi ard. ³⁰ Bad dak humon bi kutu inta ashan asuma sot tomon wa bi kore shedid; humon bi nedifu ghubar al fi ras tomon. Humon bi lifu nufusum be rumat. ³¹ Humon bi haligu ras tomon le inta wa bi robutu nufusum be gumas ta sual, wa humon bi kore shedid. ³² Humon bi kore wa arfa waja tomon le inta wa bi guna laana le inta, Munu ze Tyre, munu hasa al sakitu wa fi fi nus bahar? ³³ Zaman buda taki tala bara min bahar, huwo sabanu nas kutar; inta kutu muluk ta ard biga ghani be mali taki wa buda taki al ketir! ³⁴ Lakin zaman kasuru inta be bahar, be miya al tehet kalis, buda taki wa tagim taki katisu ³⁵ Sukan kulu al fi taraf bahar kafu inta, wa muluk tomon regif be kafu! Wusa tomon regif! ³⁶ Tujar ta nas afuku sufara le inta; inta biga yau bi kofu, wa tanimara inta bikun mafi kulu kulu(le abad)."