¹ Wa bad kida musa wa Haroun gum dakalu le melik Foroun wa kelem gali: “Rabuna Allah ta Israel gi kelem zede: “fiku shaab tai keli umon ruwa abidu ana fi mahal ali barra min Masir” ² Melik Faroun biga kelim le umon gali: “Rabuna de muna ali bi kutu Ana asuma le kalam bito ashan fiku Israel? Ana ma bi arufu Rabuna wa ana ma bi fiku Israel. ³ Humon keliem gali: “Allah ta Ibrahim ligo nina, wa uwo der nina bi safir bara min Masir be momoria ta talata yom ashan bi gedim zebiha le Rabuna Allah ta nina, ashan keli seif au ayam ma bi lemesu nina” ⁴ Melik Foroun gum kelem le umon gali: “lee intum ya Musa wa Haroun deru wogif shaab ta Israel de min shokhul tomon ali umon gi stakhalu? Ruwa takum le taab takum. ⁵ Melik Foroun gali: shaab ta ardia yau biga ketir wa intum der wodi leumon raha min shukhul tomon ali legil de” ⁶ Foroun gum wodi Omur le nas ali gi wodi shokhol wa taab le nas ta Israel gali: ⁷ “Ma takum tani wodi tin le shaab de ashan bi sala tub ze kulu yom, keli umon yau limu turab ma nefsa tomon. ⁸ Keli intum dabulu le umon shokhol min ta umbari. Mata nagis le umon leanu umon kaslaniin. Ashan umon kore gali umon der ruwa zabah le Allah. ⁹ Kutu shukhul ketir wa mata keli umon lefet le kalam al kizib.” ¹⁰ Wa asakir ta melik Foroun ruwa le shaab wa kelem gali: Foroun gali ma bi wodi le intum tin” ¹¹ Ruwa takum limu tin min ai mahal ali intum bi ligo. Mafi shokhol ali bi nagis min shokhol takum ¹² Wa shaab shetet fi kulu arid ta Masir ashan bi fetisu wa limu ges wa tin. ¹³ Wa asakir ta melik Foroun kan bi azib wa taabu umon gali: “khalasu takum shokhol takum, kulu yom bi yom bitoo, ze kan fi zaman ta tin” ¹⁴ Mosuliin ta Forun gum dugu iyal ta Israel wa kelm le umon gal: “lee intum ma khalasu wa ma kamulu shokhol takum ta sala tin min umbari wa awal umbari?” ¹⁵ Wa mosulin ta iyal ta Israel ja le melik Foroun we kelem le uwo gali: “lee inta gi amulu zede le abid bitak?” ¹⁶ Ges wa tin ma gi wordi le adid bitak, wag i kelemu le nina gali: “amula takum tub wa umon gi dugu abid taki wa galat de ta nas laki” ¹⁷ Foroun gum kelm gali; “intum, kaslanin! Ashan kida intum bi kelim gali: itakum deru gedimu zebiha le Rabuna. ¹⁸ Ruwa takum asa de le shokhol. Wa ges ma bi wodi lekum wa itakum bi amulu tub ketir. ¹⁹ Nas ali gi ainu iyal ta Israel biga fi mushkila ma nefa tomon ze kelemu le umon gali: mata kum nagisu min tub fi kulu yom. ²⁰ Wa gabil ma Musa wa Haroun gi rija min Foroun. ²¹ Humon gum kelem le umon “Rabuna gi ainu le itakum wa be gata gedia takum, leanu intum yau riha ta nina fi ena ta Foroun wa fi oyun ta abid bitoo lahadi itakun bi sibu umon katulu nina. Allah gi wodi waad le khalas. ²² Musa gum rija le Rabuna wa kelem gali, “lee inta amulu batal le shaab de? Lee inta rasulu ana? ²³ Laanu min yom ali ana dakhalu le Foroun ashan bi kelim bi isim taki, uwo amulu shaab de batal khalis, wa inta ma alagu shaab bitak.