¹ Zaman Mordecai arufu kulu hajat al hasil, huwo sheretu gumas tou wa libisu gumas min sual wa kutu rumad. ² Huwo tala fi wasat ta medina, wa kore be shot fok shedid. Huwo ruwa lahadi bab hoz ta melik, leanu ma bi rudu le ai zol ashan bi ruwa hinak al libisu gumas al min sual, ³ Fi ai wilaya, ai mahal al awamir wa karar ta melik wosulu, fi huzun shedid bein Yahudiin, be siam, kore. kutar minum naimin be gumas al min sual wa rumad. ⁴ Zaman nusuwan suhar ta Esther wa khudam ja ashan wori le hiya, melka tala zalan. Hiya rasulu gumas ashan libisu Mordecaim (ashan huwo bi agilau gumas tou al min sual), lakin huwo ma rudu. ⁵ Bad dak Esther nadi Hathak, wahid min dubad ta melik al ainu ashan bi khadimu le hiya. Hiya amiru huwo ashan bi ruwa le Mordecai ashan arufu shunu yai hasil wa mana tou shunu. ⁶ Yala Hathak ruwa fi saha ta medina fi gidam bab hoz ta melik. ⁷ Mordecai wori le huwo hajat kulu al hasal le huwo, wa adad ta fidah al Haman wad ashan bi wozinu wa bi kutu fi kazina(kinz) ashan bi katulu Yahudiin. ⁸ Huwo kaman wodi le huwo sura ta karar al shalu fi Susa ashan demiru Yahudiin. Huwo amulu kalam de ashan Hathak bi wori le Esther, wa ashan bi wodi le hiya musulia ashan bi ruwa le melik ashan bi asadu musaada tou, wa ashan bi wonusu ma huwo beniyaba ta shab tou. ⁹ Yala Hathak ruwa wa wori le Esther kalam al Mordecai kelimu. ¹⁰ Bad dak Esther wonusu le Hathak wa kelimu le huwo ashan bi rija le Mordecai. ¹¹ Hiya kelimu, "Kulu khudam ta melik wa shab fi wilayat ta melik arufu inu kan zol rajil au mara ruwa juwa saha ta melik bidun ma alinu, fii ganun wahid bes; inu bi katulu huwo-Ile le ai wahid al melik wodi sulta melkia ashan huwo bi ish. Ma nadi ana ashan bi ruwa le melik ayam al teletin de." ¹² Yala Hathak wori kalam al Esther kelimu le Mordecai. ¹³ Mordecai rajau rasulu : "Kede inta ma fekir inu inta bi tefez tanimara min kasra ta melik bidal min Yahudiin kulu. ¹⁴ Kan inta askut zaman de, Ihasa wa inkaz bi ja le Yahudiin min tija tani, lakin inta wa usura ta abu taki bi kalasu. Munu arufu inta ja le makan ta melka fi zaman sikil de?" ¹⁵ Bad dak Esther rasulu kabar de le Mordecai, ¹⁶ "Ruwa wa limu Yahudiin kulu al fi Susa fi mahal wahid, wa sum le ana. Mata akulu wele asrubu le talata ayam, lel au nahar. Banat tai al sukerin ma ana bi sum be nefsu teriga. Bad dak ana bi ruwa le melik. hata lo huwo did ganun, wa kan ana mutu, ana bi mutu,? ¹⁷ Mordecai ruwa wa amulu hajat kulu al Esther wori le huwo.