¹ kulu haja indu zaman mahadad wa musim le kulu hadaf teet Samaa . ² Fi zaman ta weledu wa zaman ta mutu zaman ta zerah wa zaman ta hasad , ³ Zaman be katulu wa zama be aliju zaman al be katau wa zaman al be arfaou. ⁴ Zaman ta koory wa zama ta ataku, zaman ta huzun wa zmamn ta alabu, ⁵ zaman ta logu hajir bara wa zaman ta lemu hajir , zaman ta hadinu nas wa zaman ta farak . ⁶ Fi zaman al inta be eynu le hajat wa zama al inta be wokiff min eynu, zaman ta hafisu hajat wa zaman ta logu hajat bara ⁷ fi zaman ta kormos komash wa zaman ta salah komash, zamam askotu wa zaman wonusu . ⁸ Fi zaman le mohaba wa zaman ta karaheya .fi zaman ta harb wa zaman le salam. ⁹ yatu faida al omal be ligo fi shokol toumon. ¹⁰ Ana ainu shokol al Allah wodi le insan ashan kamelo. ¹¹ Allah amolu kulu haja jemil fi zaman tou. Huwo kuto abadia fi gulob tomon . lakin insane ma be fahim haja al Allah amolu, min bidaya toumon kulu sika le nehaya toumon. ¹² Ana arofu maf haja kowis le ai zol giir farah wa ashan amolo haja kowis fi zaman huwo hai. ¹³ kulu insane kely akulo wa ashorubo, wa ashan be fahim keef huwo be afrah ma hajat al kowis al be ja min kulu shokol tou. De hadia min Allah. ¹⁴ Ana arofu galy ai haja kan Allah amolu be sabet al abad. Mafi haja be zidu foko wa mafi haja be shilo bara, Allah yau amolo ashan insan be ehterim Huwo. ¹⁵ ai haja al hasil fi zaman huwo hasil kalas; wa haja al be hasil kidam be hasil . Allah kutu insan ashan fitisu hajat al dosu. ¹⁶ Ana eynu haja tani teet shemish, fi makan ta hokum ashrar fi hinak, wa fi makan ta Adala Ashrar fi henak ¹⁷ Ana kelim fi geliba tai, “ Allah be hakimu abbrar wa ashrar fi zaman al munasib fi kulu haja wa kulu amal.” ¹⁸ Ana kelim fi gelba tai, “ Allah be jeribu insan ashan be wori le homon gali humon ze haiwanat. ¹⁹ Haja al be hasil le insan be hasil le haiwanat de gismaa toumon mutu ta wahid ze mutu ta taaniin. Neefis sawasawa le houmon kulu.mafi maaslah le insane le haiwanat. Mafi kulu haja best mojard nefis. ²⁰ kulu haja be rowa fi nefsa makan .kulu haja ja min turab, wa kulu haja be rija le turab. ²¹ Monu arif kan Roho ta insan be rowa fok wa Roho ta haiwanat be rowa teet fi Arid. ²² Yala tani ana lahezu gali mafi haja kowis geiir anu insan be afrah fi shokol tou , de wajeep. Monu be jibu huwo wara ashan be ainu shunu hasil bad huwo?