¹ Ana fekir fi gelba tai “ tal hasa ana be jeribu inta ma farah, wa estamta be halawa! De Kaman batal ² Ana kelim an ataku de junun, wa an halawa ma kamelu,"fada too sunu?" ³ Ana fekir fi gelba tai ashan farah nefsa tai ma meriisa fi wokit muuk tai be arshedu ana ma hikma .ashan ana be jeribu shukol beleed hata ana be eynu haja kowis le iyal ta Nas al humon be amolo teet shemish fi zaman ta haya tomun. ⁴ Ana anjizu shukol kebir ana abenu beut le ana wa ana zarah ennab. ⁵ Ana amolo hadiika wa muugif wa zarah kulu anwa ta fawaki wa ashjar fogo. ⁶ Ana hafra beer ashan wodi moyio le ashjar al be raba . ⁷ Ana beiu kadam al Rajil ma Mara, wa ana indu kadam al weledu fi bet tanina ana Kaman indu ganamait wa bakarat ketir min ai zol gubal ana fi Orshelim . ⁸ Ana lemu feeda wa dahab le nefsa tai, wa serwa ta muluk wa mahalat, wa ana shelo le nefas tai nas al be guna banat wa aollad wa nuswan wa kulu farah le insan. ⁹ Ana bega zol kebir kalis min ai zol gubal ana fi Oresheilm. Fi kulu de hikma tai be geni ma ana ¹⁰ Ana ma aba le eyna tai haja al huow azu; wa ana aba le gelba tai ashan afrah , gelba tai shelo kulu farah ta shukol tai, wa de hadia le kulu shukol tai. ¹¹ ana etamal le kulu haja al eida tai amolo wa al anal lego be tab fi shukol tou , de kulu batal mafi faida le ai haja teet shemish. ¹² bega ana rija fekir fi hikma wa junun wa shukol beleed ,fi shunu tani al melik al jai beja amulo fi haja al amulo kalas? ¹³ Ana eynu hikma afdal min beleed , ze ma nur afdal min duloma ¹⁴ Al rajil al hakim be isdakdim eyna tou fi ras ashan eynu huwo be rowa ween , lakin al beleed be rowa fi duloma , be ze ma ana arof nefsa haja be hasiil le humon kulu. ¹⁵ bega ana kelim fi gilba tai “ al be hasiil le beleed , kaman be hasiil le ana . yala feerik al huwo be amolu de shunu kan ana hakim shedid “? Ana katim fi gilba tai, “ de kaman bes bukar. ¹⁶ Zol al hakim , ze zol al beled , ma be zekiru le zama towill . fi ayam al be ja kulu hajaa be nesito. Zol al hakim be mutu ze mutu ta Zol al beleed. ¹⁷ Ana akarah haya leanu kulu shokol istakalo teehit shemeish houw batal le Ana .de leanu ai haja bukar , wa huow be hawill ashsan be anu hawa. ¹⁸ Ana akrah kulu hajat al ana amolu teet shemish leanu ana be sibu humon wara le zol al be ja baad ana. ¹⁹ Monu yau arifo huow bekun zol al negid ao beled ?momkin huow be kun said ta kulu hajat teehet shemish al ana amolu ma hikma wa abinu . de kulu ze hawa. ²⁰ Yala gilba tai bega fekiri fi kulu hajat al ana amolu teehet shamish . ²¹ Mumkin fi zol houw ishtakal be hikma , wa marafa , wa kudra , lakin houw be sibu hajat kulu le zol al ma amolo haja , de kulu ze hawa wa sadma kebir. ²² Faida shunu le zol al ishtakal shedid wa tabaan jowa gilba tou ashan kalasu shokol to teeth shemish? ²³ Kulu yom shokol tou be waja wa dakiit , yala fi belil nefsa tou ma be ligo rahaa. De kaman ze hawa. ²⁴ Mafi haja kowis le ai zol best akolu wa ashrob wa kun shaban ma haja al kowis fi shokol tou . Ana inu alhagiga de be ja min ida ta Allah. ²⁵ le zol al be akolu ao al indu kulu hajat ta fara lakin ma min Allah . ²⁶ Le ai zol al be kutu houw moksot Allah wodi le houw hikma marafa wa farah. Ala kulu hal , le nasa al katiin houw be wodi shokol ta lemo sawa wa ashan houw be akdir wodi le zol tani al be kutu Allah mokosto. De kaman mojumo min bukar al ze be torodu hawa .