¹ Tani mara ana ainu kulu zulum al be amolu teet shemish .wa asly ta kory ta Nas al muzulumin, wa houmon ma indu zol al be azze huomon ! ² Bega Ana etebiir deelin al mtutu kals houmon mokostiin min al Haiin , al huomon lisa haiin. ³ Ala kulu haal , al moksitiin ketir min humon kulu de yau whid al lisa ma hai, whid al lisa ma ainu amal al shaar al amolo teet shamish. ⁴ Bega ana ainu kulu nizam ta amal wa kulu enjazat ta shokolat be ja min hasada ta insan al jerain tou. De zatu bukar wa muhawala ashan be ainu hawa. ⁵ Al kaslan be robuto ediin tou wa ma be ishtakal , bega akil tou yau jisim tou. ⁶ Akhsiin kobudu maksab ma shokol al hadii min kubudu itniin shokol al be hawil torudu hawa. ⁷ Bega ana fekiiri tani ketiir an fashaal , ketiir woduru ze bukar teet shemish . ⁸ Fi baad min Nas huomon barau, huwo ma indu ai wahid, ma indu jena wely aku .mafi nehaia le kulu shokol tou. Wa ena tou ma be shaban ma shokol ganian .Houwa jowabo, “ana be taban le monu wa ana harimu nefsa tai min kheerat ?de kaman bukar, ta haala al batal . ⁹ Etniin nas kowis min wahid; sawasawa ma baad humon be agdeer ligo maksab kowis fi amaal tomon. ¹⁰ Leanu kan wahid waaga, sabii tou be arfa huwo. Ala kulu hal , huuzun be rowa wara zol al huwo barau kan huwo wagaa mafi zol be arfa huwo fok. ¹¹ kan itneen num sawa, houmon be kun daafi , lakin keef whid be kun daafi? ¹² Kan zol al whid al gowi be gilibu zol al ma indu gowa min huwo lakin etneen be agdir gelibu huwo , wa khiit al talata ma be gata gowam. ¹³ Aksiin woled meskiin wa hakim min Melik ajuuz wa beleed huwo ma be arufu keef be asuma le neseeha ¹⁴ De hagiga hata lo woled sugir ja kun Melik min sejin, ao hata lo woledu huwo meskiin fi Mamlaka tou. ¹⁵ Ana eynu ai zol alkan hai wa kan be douru hawil teet shemish, sawa ma woled sugir al be arfau ashan shelu makan tou. ¹⁶ Mafi nehaiya le kulu shab al kan gabul humon lakin deelin al be ja baadin ma bekun farhan ma huwo , de kaman batal ze turudu hawa.