¹ Alisha al nebi nadi wahid ta al awulat ta al ambia wa kelim le uwo, ''Libisu le mamoria, biga silu kizas zet suker de fi ida wa rua le Ramoth Gilead. ² Zaman ita wosulu, fetisu le Jehu welet ta Yahushaphat welet ta Nimshi, wa rua jua wa kede uwo gum fok min nus zumala tao, wa silu uwo le jua diwan. ³ Biga silu al kizas ta zet wa kubu uwo fok ras tao wa kelim, 'Yahuah kelim zede: ''Ana kalas masahu ita melik ala Israil.''' Biga fata al bab, wa jere bara; ma ta akir.'' ⁴ Kida al rajil suker, al nebi suker, masa le Ramoth Gilead. ⁵ Zaman uwo wosulu, kaman, al kiadat ta al jess kan gaidin. Kida al nebi suker kelim, ''Ana kalas ja le sabab le ita, kait.'' Jehu juabu, ''Le yatu min nina?'' Al nebi suker juabu, ''Le ita, kait.'' ⁶ Kida Jehu gam wa masa fijua al bet, wa al nebi kubu al zet fok ras tao wa kelim le Jehu, ''Yahuah, al Allah ta Israil, kelim zede: 'Ana kalas masau ita melik ala al nas ta Yahuah, ala Israil. ⁷ Ita lazim katulu al usra ta Ahab said taki kida ashan Ana biga bi dafa al dom ta kadamin tai al ambia wa al dom ta kulu al kadamin ta Yahuah al kan katulu be al iden ta Jezebel. ⁸ Lianu al usra ta Ahab kulu bi mutu, wa Ana bi gata min Ahab ayi jena welet, hata uwo yau abit au zol hur/ma abit. ⁹ Ana bi amulu al bet ta Ahab ze al bet ta Yeroboam welet ta Nebat wa ze al bet ta Baasha welet ta Ahijah. ¹⁰ Al kilab bi akulu Jezebel fi Jezreel, wa inak ma bi kun zol wahid al bi dofunu hia.''' Biga al nebi fata al bab wa jere bara. ¹¹ Biga Jehu tala bara le al kadamin ta said tao, wa wahid kelim le uwo, ''Saii ayihaja kulukuwes?'' Jehu juabu umon, ''Itakum aruf al rajil wa al sikil ta hajat uwo kelim. ¹² ''Umon kelim, ''De yau kidib. Wori le nina.'' Jehu juabu, ''Uwo kelim zede wa gali le ana, wa uwo kaman kelim, 'De yau sunu Yahuah kelim: Ana kalas masahu ita ze melik ala Israil.''' ¹³ Biga ayi min umon besura agila bara gumasatn tomon al bebara wa kutu tehet Jehu fi al fok ta al kabkab. Umon afuku al buk/trumbeta wa kelim, ''Jehu yau melik.'' ¹⁴ Fi teriga de Jehu welet ta Yehoshaphat welet ta Nimshi itjasa dit Yoram. Hasa Yoram kan bi difau Ramoth Gilead, uwo wa kulu Israil, ashan al Hazael melik ta Aram, ¹⁵ lakin melik Yoram kan rija wara le Jezreel le bi aliju min al juruh al Aramien kan awugu fogo uwo, zaman uwo kan sakal dit Hazael melik ta Aram. Jehu kelim le al kadamin ta Yoram, ''Kan de yau raya taki, biga kede wahid ma tefes wa rua bara min al medina, ashan kede rua wori akbar de fi Jezreel.'' ¹⁶ Kida Jehu arkab fi markiba le Jezreel; lianu Yoram kan bi akudu raha inak. Hasa Ahaziah melik ta Yahuzah kan ja le ayinu Joram. ¹⁷ Al rajilgafir kan wagif fok al buruj fi Jezreel, wa uwo ayinu al mojumu ta Jehu ze uwo bi ja min bayit; uwo kelim, ''Silu rajulhusan, wa rasulu uwo bara le gabilu umon; wori le uwo sunu bi kelim, 'Itakum bi ja fi salam?''' ¹⁸ Kida al rajil kan rasulu fok daharhusan le gabilu uwo; uwo kelim, ''Al melik kelim zede: 'Itakum jain fi salam?''' Kida Jehu kelim, ''Sunu kalas ita amulu ma salam? Gilibu wa sugu wara ana.'' Biga al rajil al haris wori le al melik, ''Al murasil kalas gabilu umon, lakin uwo ma rija wara.'' ¹⁹ Biga uwo rasal bara rajil nimra itniin fok daharhosan, al rua le umon wa kelim, ''Al melik kelim: 'Itakum jain fi salam?''' Jehu juabu, ''Sunu kalas ita amulu ma salam? Gilibu wa sugu wara ana.'' ²⁰ Tanimara al rajigafir gedimtagarir, ''Uwo kan gabilu umon, lakin uwo yau ma rija wara. Lianu al sika al markiba yau bi sugu fogo yau al sika al Jehu welet ta Nimshi saik; uwo yau saik beteriga awusa.'' ²¹ Kida Joram kelim, ''Kutu markiba tai jahis.'' Umon jahisu markiba tao, wa Joram meli ta Israil wa Ahaziah melik ta Yahuzah sugu le bara, kuluwahid fi karlo tao, le gabilu Jehu. Umon ligo uwo fi al mumtalak ta Naboth al Jezreely. ²² Zaman Joram saf Jehu, uwo kelim, ''Ita bi ja fi salam, Jehu?'' Uwo juabu, ''Yatu salam yau inak, kan al wasania amal ta zina/samata wa sahara ta uma taki Jezebel kalas biga ketir?'' ²³ Kida Yoram gilibu karlo tao wa jere wa kelim le Ahaziah, '''Inak fi muamara/ingilab, Ahaziah.'' ²⁴ Biga Jehu juru kos/danga tao ma guwa tao kamil wa durubu Yoram finus kitaf tao; al siham/nisab dakalu jua gelba tao, wa uwo katas tehet fi karlo tao. ²⁵ Biga Jehu kelim le Bidkar kait tao, ''Arfa uwo fok wa jadao uwo fi al gabat ta Naboth al Jezreeliny. Fekir an kef zaman ita wa ana saigin sawa wara Ahab abu tao, Yahuah kutu nubua de dit uwo: ²⁶ Umbari Ana saf al dom ta Naboth wa al dom ta awulat tao_alanu Yahuah_wa Ana be taakit kutu ita dafa le uwo fogo gaba de_Yahuah alan. Hasa biga , arfa uwo fok wa jadao uwo fogo gaba de, alahasab le al kelima ta Yahuah.'' ²⁷ Zaman Ahaziah al melik ta Yahuzah saf zede, uwo jere be fok al sare le Beth Haggan. Lakin Jehu rua wara uwo, wa kelim, ''Katulu uwo kaman fi al karlo,'' wa umon durubu uwo fi mutala ta Gur, al yau fi Ibleam. Ahaziah jere le Megiddo wa mat inak. ²⁸ Kadamin tao rafao gisim tao fi karlo le Arselim wa dofunu uwo fi turuba tao ma abuhat tao fi medina ta Daud. ²⁹ Hasa uwo kan fi al senat ihidasar ta Yoram welet ta Ahab al Ahaziah kan bada le hukum ala Yahuzah. ³⁰ Zaman Jehu ja le Jezreel, Jezebel sima an nu, wa hia buyau uyuun ta hia, nizamu sar ta hia, wa ayinu le bara subak. ³¹ Ze Jehu kan bi dakalu be al bab, hia kelim le uwo, ''Ita bi ja fi salam, ita Zimri, katil ta said taki?'' ³² Jehu ayinu fok le al subak wa kelim, ''Munu yau fogo tija tai? Munu?'' Biga itniin au talata nas al sakalin fi gasra ayinu bara. ³³ Kida Jehu kelim, ''Jadao hia tehet.'' Bekida umon jadao Jezebel tehet, wa juzu ta dom ta hia rusu fok al heta wa al hasasin, wa Jehu dusu hia be kura. ³⁴ Zaman Jehu dakalu al gasra, uwo akal wa sirib. Biga uwo kelim, ''Ayinu hasa le mara al malaun de wa dofunu hia, lianu hia yau binia ta melik.'' ³⁵ Umon masa le dofunu hia, lakin umon ligo ma aktar min hia min haikal, al kurain, wa al udam ta idenat ta hia. ³⁶ Kida umon rija wara wa kelim/wori le Jehu. Uwo kelim, ''De yau al kelima ta Yahuah al uwo wonusu be kadam tao Iliah al Tishbiti, kelim, 'Fi al art fi Jezreel al kilab bi akulu al jusa/gisim ta Jezebel, ³⁷ wa al jusa ta Jezebel bi kun ze wasaka fok al wash ta al mazare fi al art ta Jezreel, kida gali mafi wahid bi kun biagder kelim, ''De yau Jezebel.'''''