¹ Hasa Alisha kalas wonusu le al mara al welet uwo kan rijau le haya. Uwo kelim le hia, ''Gum, wa rua ma nasbet taki, wa geni fi ayimakan ita biakder fi beled tani, ashan Yahuah kalas nadi le maja/jian al bi ja fogo art de le muda saba senawat.'' ² Kida al mara gam wa hia tii le kalam ta al rajul Allah. Hia masa ma nasbet tao wa geni fi al art ta al Phalastinen saba senawat. ³ Uwo ja an al nihaya ta saba senawat al mara de rija min al art ta al Phalastinen, wa hia masa le al melik le asalu uwo le bet hia wa le art ta hia. ⁴ Hasa al melik kan bi wonusu ma Gehazi al kadam ta al rajul ta Allah, kelim, ''Arjuk wori le ana kulu al hajat kebir al Alisha kalas amulu.'' ⁵ Biga ze uwo kan bi wori le melik kef Alisha kan rijau le haya al jena al kan mutu, al nefsu mara al welet hia uwo rijau le haya ja le asalu al melik le bet wa art ta hia. Gehazi kelim, ''Said tai, melik, al mara de yau, wa de yau welet hia, al Alisha rijau le haya.'' ⁶ Zaman al melik asalu al mara an welet hia, hia wadihu biga le uwo. Kida al melik amar dabit tani le hia, kelim, ''Wodi wara le hia kulu al kan haga wa kulu al hasat/intaj ta mazra mini al yom al hia sibu al art lakadi jasa.'' ⁷ Alisha ja le Dimask wen Ben Hadad al melik ta Aram kan ayan. Al melik kan wori, ''Al rajul ta Allah kalas ja ini.'' ⁸ Al melik kelim le Hazael, ''Silu hadia fi iden taki wa rua gabilu al rajul ta Allah, wa tasawar ma Yahuah abri/wasat uwo, kelim, 'Ana bi tala kuwes min marat de?''' ⁹ Kida Hazael masa le gabilu uwo wa salu hadia ma uwo ta ayi sikil ta haja kuwes le Dimask, arfau be arbayin jimal. Kida Hazael ja wa wagaf gidam Alisha wa kelim, ''Welet taki Ben Hadad melik ta Aram kan rasulu ana le ita, kelim, 'Ana bi tala kuwes min marat de?'' ¹⁰ Alisha kelim le uwo, ''Rua, kelim le Ben Hadad, 'Ita be taakit bi tala kuwes,' lakin Yahuah kalas wori le ana gali uwo be taakit bi mutu.'' ¹¹ Biga Alisha asara le ¹² Hazael lakadi uwo kan fadia/kajal amsuku, wa al rajul Allah baka/kore. Hazael saal, ''Le ita bi kore, said tai?'' Uwo juabu, ''Ashan Ana aruf al sar/haja batal al ita bi amulu le al nas ta Israil. Ita bi kutu markasguwa tomin fogo nar, wa ita bi katulu sabab tomon ma al siuf, gitaat ze wasak al sukerin tomon, wa fagau fadi hamilanin tomon.'' ¹³ Hazael juabu, ''Munu yau kadam taki, al uwo biga bi amulu haja kebir de? Uwo yau kelib bes.'' Alisha juabu, ''Yahuah kalas wori le ana gali ita bi kun melik ala Aram.'' ¹⁴ Biga Hazael sibu Alisha wa ja le said tao, al kelim le uwo, ''Sunu yau Alisha kelim le ita?'' Uwo juabu, ''Uwo wori le ana gali ita bi tala kuwes. ¹⁵ Biga bat yom min kabar de Hazael salu al batania wa dakalu fi moyo, wa katau fok usa ta Ben Hadad ashan uwo bi mutu. Biga Hazael biga ja melik fi makan tao. ¹⁶ Fi al senat kamis ta Joram welet ta Ahab , melik ta Israil, Yehoram bada le hukum. Uwo kan al welet ta Yehoshaphat melik ta Yahuzah. Uwo bada le hukum zaman Yehoshaphat kan melik ta Yahuzah. ¹⁷ Yehoram kan itniin_teletin senawat fi umor zaman uwo bada le hukum, wa uwo hakam le tamania senawat fi Arselim. ¹⁸ Yehoram dowuru fi al turuk ta muluk ta Israil, ze al bet ta Ahab kan bi amulu; fa uwo kan mau bit Ahab ze mara tao, wa uwo amulu hajat batal fi ena ta Yahuah. ¹⁹ Lakin bes , ashan kalam kadam tao Daud, Yahuah ma dairu demiru Yahuzah, ze ma uwo kalas wori le uwo gali uwo daiman bi wodi le uwo sulala/ajial. ²⁰ Fi ayom Yehoram, Adom marit min tehet al iden ta Yahuzah, wa umon kutu melik fok nufustomon. ²¹ Biga Yehoram abar ala le Zair ma kulu markibat tao. Zaman al Adomien gordonu Yehoram, markab kiadat tao gam fok wa hajam umon asna al alel/bilel; lakin jess Yehoram jere bara wa masa wara le biut tomon. ²² Kida Adom kan biga fi tamarut dit al hukum ta Yahuzah le hata yomun haza. Lubnah kaman itmarat fi nefsu zaman. ²³ Ze le al umur/hajat bi iktas Yehoram, kulu al uwo amalu, delin kulu ma moktub fi al kutub ta al ahdas ta al muluk ta Yahuzah? ²⁴ Yehoram akat raha ma abuhat tao wa kan dofunu ma umon fi al medina ta Daud. Biga Ahaziah welet tao biga ja melik fi makan tao. ²⁵ Fi al itnasar sena ta Yoram welet ta Ahab, melik ta Israil, Ahaziah welet ta Yehoram, melik ta Yahuzah, bada le hukum. ²⁶ Ahaziah kan itniin_isirin senawat fi umor zaman uwo bada le hukum; uwo hakam le wahid sena fi Arselim. Isim umu kan Athaliah; hia kan al bit ta Amri, melik ta Israil. ²⁷ Ahaziah dowuru fi al sikat ta al bet ta Ahab; uwo amulu kan haja batal fi ena ta Yahuah, ze al bet ta Ahab kan amulu, lianu Ahaziah kan welet al nesib au rajil binia fi bet ta Ahab. ²⁸ Ahaziah masa ma Yoram welet ta Ahab, le sakila dit Hazael, melik ta Aram, fi Ramoth Gilead. Al Aramein awugu Yoram. ²⁹ Melik Yoram raja le al ilaj fi Jezreel min al juruh al Aramein awugu fogo uwo fi Ramah, zaman uwo sakal dit Hazael melik Aram. Kida Ahaziah welet ta Yehoram, melik ta Yahuzah, masa tehet le Jezreel lr ayinu Yoram welet ta Ahab, ashan Yoram kan biga muawak.