¹ Alisha kelim, ''Asma al kalam ta Yahuah. De yau sunu Yahuah kelim: 'Bukra ze zaman de wozin ta degit bi biu/isteru be fida wahid, wan itniin wozanat ta barley be akir wozin/taman, fi al abab ta Samiria.''' ² Biga al kait fogo iden tao melik wodi juab ta rajul ta Allah, wa kelim, ''Ayinu, hata kan Yahuah biga amulu sababik fi sama, seyi haja de bi hasil?'' Alisha juabu, ''Ayinu, ita bi suf uwo bi hasil ma uyuun taki, lakini ita ma bi akulu ayihaja min fogo.'' ³ Hasa inak kan arba rujal indum juzam/jengeli adil bebara al bab medina. Umon keim le badun tomon, ''Le bes nina bi geni ini lakadi nina mutu? ⁴ Kan nina kelim gali nina kede rua fijua al medina, biga al jiyan yau fi al medina, wa nina bi mutu inak. Lakin kan nina lisa bi geni ini, nina lisa bi mutu. Hasa biga, taal, kede nina rua le al jess ta al Aramien. Kan umon sibu nina hai, anina bi geni hai, wa kan umon katulu nina, anina bes bi mutu.'' ⁵ Kida umon gum fok be geribsbah le rua fogo al muasker ta Aramein; zaman umon wosulu be al bara ta al muasker, inak kan mafi wahid inak. ⁶ Lianu Rabana kan biga amulu/sibu al jess Aramein asma izaaj ta markabat, wa izaaj ta hasasin_al izaaj ta jess ketir tani, wa umon kelim le badun tomon, ''Al melik ta Israil kalas ajiru al muluk ta al Hittitein wa Masirein le ja dit nina.'' ⁷ Bekida al asakir gamu wa jere mini al geribsabah; umon sibu kemat tomon, hasasin tomon, hamir tomon wa al kema ze ma uwo, wa jere le haya tomon. ⁸ Zaman al rijal indu juzam/jengeli ja le barata al kema, umon masa fijua kema wahid wa akulu wa asurybu, wa arfa bara fida wa dahab wa gumasat, wa masa wa dusu umon. Umon ja wara wa dakalu fijua kema tani wa arfao hajat bara min inak kaman, wa masa wa dusu. ⁹ Biga umon kelim le badun tomon , ''Nina ma bi amulu kuwes/sah.Yom de yau yom ta akbar kuwes, lakin nina biga bi askut an uwo. Kan nina istenu lakadi besabah, ugubat bi waga fogo nina. Hasa biga , taal , kede nina rua wa wori le betmelik.'' ¹⁰ Kida umon masa wa nadi al hurasbab ta al medina. Umon wori le umon, kelim, ''Nina masa le al kema ta al Aramein, lakin inak kan mafi wahid inak, wele al sort ta ayiwahid, lakin inak kan al hasasin morbut, wa al hamir morbut, wa al kemat ze ma umon.'' ¹¹ Biga al hurasbab kore be ilan kabarat de le bara, wa biga kan wori fijua al bedmelik. ¹² Biga al melik gum bilele wa kelim le kadamin tao, ''Ana bi wori le ita hasa sunu al Aramein kalas amulu le nina. Umon aruf gali nina jiyanin, kida umon kalas rua bara min al kema le dusu nufustomon fi al gabat. Umon bi kelim, 'Zaman umon ja bara min al medina, nina bi silu umon hai, wa rua fijua al medina.''' ¹³ Wahid ta al kadamin ta melik juabu wa kelim, ''Ana bi asalu ita, kede juzu rijal silu kamsa min al hasasin al fadulu, al kan sibu fi al medina. Umon biga ze kulu al sukan ta Israil al tanin al yau fadulu_mazam kalas hasa matu; kede nina rasulu umon wa ayinu.'' ¹⁴ Kida umon salu itniin markibat ma hasasin, wa al melik rasal umon wara al jess ta al Aramein, kelim, ''Rua wa ayinu.'' ¹⁵ Umon masa wara umon le al Ardon, wa kulu al sika kan malian be malabis wa hajat al al Aramein kalas jadau bara be sura tomon. Kida al murasilin rija wa wori le melik. ¹⁶ Al nas masa bara wa fadi al kema ta al Aramien. Kida wozin ta degit nedif kan bi biu be taman besit, wa itniin wazanat ta barley be sekel, bes ze al kelima ta Yahuah kan kelimu. ¹⁷ Al melik kan amiru al kait al bi kun mosuol fi al buaba, wa al nas dusu uwo tehet fi al babsare. Uwo mat ze al rajul ta Allah kan kelim, al wonusu zaman al melik kan ja tehet le uwo. ¹⁸ Kida uwo hasal ze al rajul ta Allah kan wori le al melik, kelim, ''Ze zaman de fi al bab ta Samiria, itniin wazanat ta addas bi kun fi be taman rekis, wa mizan ta degit nedif be arkas taman.'' ¹⁹ Al kait dak kan juabu al rajul Allah wa kelim, ''Ainu, hata kan Yahuah biga amulu sababik fi sama, sayi hajat de bi hasil? Alisha kan kelim, ''Ayinu, ita bi suf/ragibu bi hasil ma uyuun taki, lakin ita ma bi ayihaja minu.'' ²⁰ De yau bedab sunu hasal le uwo, lianu al nas dusu uwo fi la bab, wa uwo mat.