¹ Hasa Ahab indu sebein ajial fi Samiria. Jehu katab kitab at wa rasal umon le Samiria, le al hukam ta Jezreel, mindimnu al shiuk wa al mustisarin ta ajial Ahab, kelim, ² ''Ajial said takum yau ma itakum, wa itakum kaman indu markibat wa hasasin wa mudun reisia wa asliha. Kida biga, ze guam ze kitabat de ja le itakum, ³ iktar al aksan wa mustahik ketir min ajial ta said takum wa kutu uwo fogo ars/kursi abu tao, wa sakila le kat malaki ta said takum.'' ⁴ Lakin umon kan kaifin wa kelim wasat nufustomon, ''Ayinu, al itniin muluk ma biagder wogif gidam Jehu. Kida kef nina bi wogif?'' ⁵ Biga al rajil al kan mosul ta al gasra, wa al rajil al kan rabao al iyal, rasal kelima wara le Jehu, kelim, ''Nina yau kadamin taki. Nina bi amulu ayihaja al ita amiru le nina. Nina ma bi amulu ayi rajil melik. Amulu sunu yau kuwes fi uyuun taki.'' ⁶ Biga Jehu katab kitab al nimra itniin le umon, kelim, ''Kan itakum yau biga fi tija tai, wa kan itakum bi asma le sort tai, itakum lazim silu al ruus ta al rujal ta ajial ta said takum, wa taal le ana fi Jereel ze zaman de bukra.'' Hasa al ajial melik sebein fi adad, kan ma al rujal mohimin ta al medina, al kan bi rabao umon. ⁷ Kida zaman al waraga ja le umon, umon salu awulat melik wa katulu umon, sebein askas/nas, kutu rasin tomon fi gufat, wa rasal umon le Jehu fi Jezreel. ⁸ Al murasila ja le Jehu, kelim, ''Umon kalas jabu al rasin ta al awulat melik.'' Kida uwo kelim, ''Kutu umon fi itniin guntarat fogo al matkal ta al bab lakadi al sabah.'' ⁹ Fi al sabah Jehu masa bara wa wagaf, wa kelim le kulu al nas , ''Itakum yau abrar/masakin. Ayinu, Ana katata dit said tai wa katulu uwo, lakin munu katulu kulu delin? ¹⁰ Hasa itakum biga hagiga lahisu gali mafi juzu ta kalam Yahuah, al kalam al uwo wonusu bekusus al bet Ahab, bi waga le al wata, lianu Yahuah kalas amulu sunu uwo wonusu anu wasat kadam tao Ilia.'' ¹¹ Kida Jehu katal kulu nas al fadulu fi al bet ta Ahab fi Jezreel, wa kulu rujal tao mohimin, asdika gerb ma uwo, wa kahana tao, lakadi wele wahid min umon fadulu. ¹² Biga Jehu gam wa masa; uwo safar le Samiria. Ze uwo kan wosulu fi Beth Eked ta al rua, ¹³ uwo gabal akuwana ta Ahaziah melik ta Yahuzah. Jehu kelim le umon, ''Itakum yau munu?'' Umon juabu, ''Nina yau akuwana ta Ahaziah, wa nina bi rua tehet le selimu al iyal ta al melik wa al iyal ta melka Jezebel.'' ¹⁴ Jehu kelim le rijal tao, ''Silu umon ahia.'' Kida umon salu umon ahia wa katal umon fi al bir ta Beth Eked, kulu itniin -arbein rujal. Uwo kan ma sibu ayi wahid minum hai. ¹⁵ Zaman Jehu kalas masa inak, uwo gabal Yehonadab welet ta Recab bija le gabilu uwo. Jehu salimu uwo wa kelim le uwo, ''Hal gelba taki ma ana, ze gelba tai yau ma ita?'' Yehonadab juabu, ''uwo kida.'' Jehu kelim, ''Kan uwo kida, wodi le ana ida taki.'' Kida uwo wodi le Jehu iden tao, wa Jehu salu Yehonadab fok ma uwo fijua al karlo. ¹⁶ Jehu kelim, ''Taal ma ana wa ayinu gira tai le Yahuah.'' Kida uwo indu Jehonadab saik ma uwo sawa fi karlo tao. ¹⁷ Zaman uwo ja le Samiria, Jehu katal kulu nas al fadulu min ajial ta Ahab fi Samiria, lakadi uwo kalas demiru kat muluki ta Ahab , bes ze kan wori le umon gabli be al kelima ta Yahuah, al uwo kan wonusu le Iliah. ¹⁸ Biga Jehu limu kulu al nas sawa wa kelim le umon, ''Ahab kadam Baal besit, lakin Jehu bi akdim uwo ketir. ¹⁹ Hasa ashankida nadi le ana kulu al ambia ta Baal, kulu abidin tao, wa kulu kahana tao. Kede wahid ma bi sibu bara, lianu Ana indi zabiha azim le gedimu le Baal. Uwo al aba ja ma bi iss.'' Lakin Jehu amulu de bekabasa, ma al garat le katulu al abidin ta Baal. ²⁰ Jehu kelim, ''Kutu zaman le amulu jamaia le Baal.'' Kida umon alinu biga. ²¹ Biga Jehu rasal hawuli kulu Israil wa kulu al abidin ta Baal ja, kida gali inak kan mafi rajil sibu al ma agder ja. Umon ja fijua al haikal ta Baal, wa uwo kan malian min wahid taraf le altani. ²² Jehu kelim le al rajil al bi hafis gurfamalabis kahana, ''Jibu bara jalabiat le kulu al abidin ta Baal'' Kida al rajil jabu bara jalabiat le umon. ²³ Kida Jehu masa ma Yehonadab welet ta Recab fijua al bet ta Baal, wa uwo kelim le al abidin ta Baal, ''Fetisu wa kelikum mutakitin gali inak biga mafi wahid ini ma itakum min al kadamin ta Yahuah, lakin al abidin ta Baal barao.'' ²⁴ Biga umon masa jua le gedim zebihat wa tekdimat mahruk. Hasa Jehu kalas iktar tamanin rijal al kan wagifin bebara, wa uwo wori le umon, ''Kan ayi min al rijal al Ana jibu fogo idenat takum tefes, kande munu kede rajil zede tefes, haya tao bi silu le bidal al haya ta al wahid al tefes.'' ²⁵ Kida biga ze guam ze Jehu kalasu gedimu tekdima al mahruk, uwo kelim le al huras wa le al kiadat, ''Rua jua wa katulu umon. Kede wahid ma tala bara.'' Kida umon katulu umon ma al taraf ta al sef, wa al huras wa al kiadat jadao umon bara wa masa fijua al gurfa al dakil ta la bet ta Baal. ²⁶ Umon juru bara amida al hajer al kan fi al bet ta Baal, wa umon haragu umon. ²⁷ Biga umon kasar tehet al amud ta Baal, wa demiru al bet ta Baal wa amulu uwo bakana, al uwo fi hata yom alela. ²⁸ De yau kef Jehu demiru ibada Baal min Israil. ²⁹ Lakin Jehukan ma sibu al katiat ta Yeroboam welet ta Nebat, be sunu uwo sibu Israil aktau_de yau, al ibada ta sanam bagar al zahabi fi Bethel wa Dan. ³⁰ Kida Yahuah kelim le Jehu, ''Ashan ita kalas amalta kuwes fi nafisu sunu kan sah fi ena tai, wa kalas amulu le al bet ta Ahab alahasab le kulu al kan fi gelba tai, ajial taki bi geni fogo al ars/kursi ta Israil le al jil rabe.'' ³¹ Lakin Jehu ma sal ihtimam le dowuru fi al ganun ta Yahuah, al Allah ta Israil, ma kulu gelba tao. Uwo ma sibu gilibu bara min al katiat ta Yeroboam, be yau uwo amulu Israil aktau. ³² Fi ayom dak Yahuah bada le gata bara manatik min Israil, wa Hazael gilibu al Israilien fi al hudut ta Israil, ³³ min al Ardon tija serik, kulu al art ta Gilead, al Gadien, wa al Reubenien, wa al Manassien, min Aroer, al yau be al wadi ta al Arnon, abri Gilead le Bashan. ³⁴ Ze le al hajat tanin bikus Jehu, wa kulu al uwo amal, wa kulu guwa tao, yau umon ma katabu fi al kitab ta al ahdas ta al muluk ta Israil? ³⁵ Jehu ragat ma judut tao, wa umon dofunu uwo fi Samiria. Biga Yahoahaz welet tao biga ja melik fi makan tao. ³⁶ Al zaman al Jehu hakam ala Israil fi Samiria kan tamania -isirin senawat.