¹ Hasa zaman Athaliah, al uma ta Ahaziah, ayinu gali welet hia kan mat, hia gam wa katulu kulu al iyal mulaki. ² Lakin Yehosheba, al bit ta melik Yehoram wa ukut ta Ahaziah, saluJoash welet ta Ahaziah, wa dusu uwo bara min wasat al awulat melik al kan katulu, fogo ma mumrida tao; hia kutu umon fijua gufa num. Umon dusu uwo min Athaliah kida gali uwo kan ma katulu. ³ Uwo fadulu ma hia sita senawat, modsus fi al bet ta Yahuah, zeman Athaliah hakim ala al art. ⁴ Fi al saba sena, Jehoiada rasal rasail wa jabu al kiadat ta miyat ta al Karites wa ta al huras, wa jabu umon le nefsatao, fijua al haikal ta Yahuah. Uwo amulu tifagia ma umon, wa uwo amulu umon alifu al alifa fi al bet ta Yahuah. Biga uwo wori le umon welet melik. ⁵ Uwo amiru umon, kelim, ''This yau sunu itakum lazim bi amulu. Al thulus ta itakum al ja fogo al Sabbath bi itemir harisu fogo al bet melik, ⁶ wa al thulus bi kun fi al Bab Sur, wa al thulus fi al bab wara al bethuras.'' ⁷ Al itniin majami tanin al yau ma bikadim fogo Sabbbath, itakum lazim hafis al hirsan ala al bet ta Yahuah le al melik. ⁸ Itakum lazim bi kun hawuli al melik, ayi rajil ma asliha tao fi iden tao. Ayiwahid dakalu finus sufuf takum, kede uwo katulu. Itakum lazim geni ma al melik zaman uwo masi bara, wa zaman uwo jai jua. ⁹ Kida al kiadat ta miyat tii ayihaja Jehoiada al kahin amiru. Kulu wahid salu rijal tao, delin al bi rua ja le kidima fogo al Sabbath; wa delin al yau bi wogif kidima fogo Sabbbath; wa umon ja le Jehoiada al kahin. ¹⁰ Biga Jehoiada al kahin wodi al kiadat ta miyat al hirab wa dirak al tabi le melik Daud wa al kan fi al bet ta Yahuah. ¹¹ Kida al huras wagaf, kulu rajil ma silah tao fi iden tao, min tija al yomin ta al haikal le al tija samal, gerib al altari wa al haikal, be hawuli al melik. ¹² Biga Jehoiada jabu bara al welet melik Joash, kutu al tach fogo uwo, wa wodi uwo al kararat tifagia. Biga umon amulu uwo melik wa masahu uwo. Umon safag idenat tomon wa kelim, ''haya towil al melik!'' ¹³ Zaman Athaliah sima al izaaj ta al huras wa ta al nas, hia ja le al nas fi al bet ta Yahuah. ¹⁴ Hia safu, wa ,inak, al melik kan wagif gerib be al amut, ze al aada kan, wa kiadat wa al trumbetat kan be al melik. Kulu al nas ta al art kan farhanin wa bi afuku trubetat. Biga Athaliah sarat gumasat ta hia wa korak, ''Kain !Kain!'' ¹⁵ Biga Jehoiada al kahin amar al kiadat ta miyat al kan mosulin le al jess, kelim, ''Jibu hia bara finus al sufus/rutab. Ayiwahid al rua wara hia, katulu uwo ma al sef.'' Lianu al kahin kalas ke;im, ''Ma takum sibu hia bi katulu fi al bet ta Yahuah.'' ¹⁶ Kida umon gobudu hia ze hia wasal al makan ali al hasasin bi dakalu le midan al gasra, wa inak hia kan katulu. ¹⁷ Biga Jehoiada amulu tifagia beyina Yahuah wa al melik wa nas, gali umon bi kun nas ta Yahuah, wa kaman beyina al melik wa al nas. ¹⁸ Kida kulu al nas ta al art masa le bet ta Baal wa ferteku tehet. Umon karabu altari ta Baal wa rumuz sanam tao le gitaat, wa umon katal Mattan, al kahin ta Baal, fi giam ta altarat delin. Biga Jehoiada al kahin ayiinu huras ala al haikal ta Yahuah. ¹⁹ Jehoiada salu ma uwo al kiadat ta miyat, al Kariten, al huras, wa kulu al nas ta al art, wa sawa umon jabu tehet al melik min al bet ta Yahuah wa umon masa fijua bet al melik, dakilin be sika ta al bab ta al huras. Joash salu makan tao fok al ars/kursi muluki. ²⁰ Kida kulu al nas ta al art firihu, wa al medina kan hadi bat Athaliah kalas kan katulu ma al sef fi bet al melik. ²¹ Joash kan saba senawat fi umur zaman uwo bada le hukum.