¹ Fi al saba sena ta Jehu, al hukum ta Joash bada; uwo hakam le arbain senawat fi Arselim. Isim uma tao kan Zibiah, ta Beersheba. ² Joash amulu sunu kan sah fi al uyuun ta Yahuah kulu al zaman, ashan Jehoiada al kahin kan arsidu uwo. ³ Lakin al amakin ali kan ma salu bara. Al nass lisa bi zabih wa haragu bakurak fok makanat ali. ⁴ Joash keim le al kahana, ''Kulu al gurus al yau jabu jua ze tekdimat mukadas fi jua al bet ta Yahuah, gurus dak le al ayi zol yau jamao-kan uwo yau al gurus limu fi al ihisa, au al gurus akudu min halifat zol, au al gurus jabu jua be nas sejau be Yahuah fi gulub tomon le jibu_ ⁵ al kahana bi akudu al gurus min wahid ta amin kazinat tomon wa salau sunu al karabu yau ligo fi al haikal.'' ⁶ Lakin be al talata_isrin sena ta melik Joash, al kahana biga ma salao ayihaja fi al haikal. ⁷ Biga melik Joash nada le Jehoiada al kahin wa le al kahan tanin; uwo kelim le umon, ''Le itakum ma salao ayihaja fi al haikal? Hasa ma takum silu gurus ketir min nas takum al bi dafa darida, lakin silu sunu kalas biga limu le salao ta al haikal wa wodi uwo le delin al bi amulu sokol.'' ⁸ Kida al kahana muhtamin le ma silu gurus ketir min al nas wa ma salao al haikal nefsatomon. ⁹ Belaks, Jehoiada al kahin salu al kazina, afura ufura, wa kutu uwo betaraf al altari, fogo al tija yomin ze wahid bija fijua al bet ta Yahuah. Al kahana al kan bi harisu al matkal le haikal kutu fogo uwo kulu al gurus al kan jabu le al bet ta Yahuah. ¹⁰ Zaman kan umon ayinu gali inak kan fi gurus ketir fi kazna, mutalimin/nas muraja ta melik wa al kahin kebir bi ja wa kutu al gurus fi bekat wa biga bi idu/hasibu uwo, gurus al ligou fi al haikal ta Yahuah. ¹¹ Umon wodi al gurus al kan idu bara fogo al idenat ta rujal al bi hafisu al haikal ta Yahuah. Umon dafau uwo bara le al najarin wa al banayin al istakal fogo al haikal ta Yahuah, ¹² wa le al muhandisin wa al gatahujar, le biyu loho wa gata hajer le salao al haikal ta Yahuah, wa le kulu al kan deiru le bi dafau le dafau uwo. ¹³ Lakin al gurus al kan jabu fogo al bet ta Yahuah kan ma dafa le amulu le uwo ayi kubayat fida, gaidat laba, tesit, buk/trumbetat, au ayi afas dahab au fida. ¹⁴ Umon wodi gurtus de le delin al amulu sokol ta salao al bet ta Yahuah. ¹⁵ Bel idafa, umon ma talabu al gurus dafau le salau le bi hasibu fogo be al rujal al akudu uwo wa dafa uwo le nas ta sokol kan umana. ¹⁶ Lakin al gurus le al tekdimat galat wa al gurus le tekdimat al katia kan ma fijua al haikal ta Yahuah, ashan uwo tabi le al kahana. ¹⁷ Biga Hazael melik ta Aram hajam wa sakal dit Gath, wa salu uwo. Hazael biga galab le hajimu Arselim. ¹⁸ Melik Joash ta Yahuzah salu kulu al hajat al Yehoshaphat wa Yehoram wa Ahaziah, abuhat tao, muluk ta Yahuzah, kan kutu kas, wa sunu uwo kan kutu kas, wa kulu al dahab al kan ligo fi al makazin ta al beut ta Yahuah wa ta al melik wa uwo rasal umon le Hazael melik ta Aram. Biga Hazael masa bara min Arselim. ¹⁹ Ze le al hajat tanin bikus Joash, kulu al uwo amulu, delin umon ma katifu fi al kitab ta al ahdas ta al muluk ta Yahuzah? ²⁰ Kadamin tao gamu wa taamaru sawa; umon hajamu Joash fi Beth Millo, fogo al sika al bi rua le Silla. ²¹ Jozabad welet ta Shimeath, wa Yehozabad welet ta Shomer, kadamin tao, hajamu uwo, wa uwo mutu. Umon dofunu Joash ma judut tao fi al medina ta Daud, wa Amaziah, welet tao, biga melik fi makan tao.