¹ Fi al talata_isirin sena ta Joash welet ta Ahaziah melik ta Yahuzah, Jehoahaz welet ta Jehu bada le hukum ala Israil wa Samiria; uwo hakam sabatasar senawat. ² Uwo amal sunu kan batal/serir fi al nazar ta Yahauah wa rua wara al katiat ta Yeroboam welet ta Nebat, al sabibu Israil le katia; wa Jehoahaz aba rija wara min umon. ³ Al zalan ta Yahuah harak dit Israil, wa uwo wodi umon mustemira fogo al iden ta Hazael melik ta Aram wa fogo al iden ta Ben Hadad welet ta Hazael. ⁴ Kida Jehoahaz sala Yahuah, wa Yahuah sima le uwo ashan uwo saf al asurru ta Israil, kef al melik ta Aram kan bi assuru umon. ⁵ Kida Yahuah wodi le Israil munkis, wa umon tefes min al iden ta al Aramean, wa al nas ta Israil bada le geni fi biut tomon ze umon kan mingabli. ⁶ Bede lisa, umon lisa ma sibu/tala min al katiat ta al bet ta Jeroboam, al sabibu Israil le katia, wa umon istemiru fi umon; wa al makan Asherah fadulu fi Samiria. ⁷ Al Aramein sinu Yehoahaz ma kamsin rujalhusan bes, asara markibat, wa asara alf musa, le al melik ta Aram kalas demiru umon wa amulu umon ze al wasaka nedifu fi zaman hasat. ⁸ Ze le al hajat tanin biktas Jehoahaz, wa kulu al uwo amulu wa guwa tao, delin umon ma katifu fi al kitab ta al ahdas ta al muluk ta Israil? ⁹ Kida Jehoahaz ragat ma judud tao, wa umon dofunu uwo fi Samiria. Johoash welet tao biga melik fi makan tao. ¹⁰ Fi al saba_teletin sena ta Joash melik ta Yahuzah, al hukum ta Jehoash welet Jehoahaz bada ala Israil fi Samiria; uwo hakam sitasar senawat. Uwo amal sunu kan batal fi al nazar ta Yahuah. ¹¹ Uwo lisa ma sibu wara ayi min kataia al ta Jeoboam welet ta Nebat, al uwo kan sibu Israil biga waga fi katia, lakin uwo dowuru fogo umon. ¹² Ze le al hajat tanin bekusus Jehoash, wa kulu al uwo amulu, wa guwa tao al yau uwo sakal dit Amaziah melik ta Yahuzah, kulu umon ma katifu fi al kitab ta al ahdas ta al muluk ta Israil? ¹³ Jehoash ragat ma judud tao, wa Jerboam jalas fogo ars tao. Jehoash kan dofunu fi Samiria ma al muluk ta Israil. ¹⁴ Hasa Alisha tala ayan ma al marat al be uwo ja mutu bat dak, kida Jehoash al melik ta Israil ja tehet le uwo wa kore le uwo. Uwo kelim, ''abu tai, abu tai, al markibat ta Israil wa al rujalhusan kalas bi silu ita bara!'' ¹⁵ Alisa kelim le uwo, ''Arfa al kos/danga wa juzu ta suhum/nisabat fok,''kida Joash arfa fok kos wa juzu asham. ¹⁶ Alisa kelim le al melik ta Israil, ''Kutu iden taki fogo al kos,'' kida uwo kutu iden tao fogo . Biga Alisa kata idenat tao fok iednat ta melik. ¹⁷ Alisha kelim, ''Fata al subak tija serik,'' biga uwo fata. Biga Alisha kelim, ''Adrub!'', wa uwo darab. Alisha kelim, '''De yau nisaba ta intisar Yahuah, al nisaba ta intisar ala Aram, lianu ita bi hajim al Aramean fi Aphek lakadi ita kalas demiru umon.'' ¹⁸ Biga Alisha kelim, ''Silu al nisabat,'' kida Joash salu umon. Uwo kelim le al melik ta Israil, ''Adrab al art ma umon,'' wa uwo darab al art talata marat, biga wagaf. ¹⁹ Lakin al rajul ta Allah kan zalan ma uwo wa kelim, ''Ita kan bi dugu al wata kamsa au sita marat. Biga ita kan bi hajimu Aram lakadi ita demiru uwo, lakin hasa ita bi hajim Aram talata marat bes.'' ²⁰ Biga Alisha mat, wa umon dofunu uwo. Hasa majami ta Moabien ihtalu al art fi al bidaya ta al sena. ²¹ Ze umon kan bi dofunu zol tani, umon saf mojumu ta Moabien, kida umon jadau al jusa fijua turba ta Alisha. Ze guwam ze al zol de lamas udam ta Alisha, uwo tala hai wa gam fok be kurain tao. ²² Hazael melik ta Aram assuru Israil kulu al ayom ta Jehoahaz. ²³ Lakin Yahuah kan indu neyima le Israil, wa indu rahma fogo umon wa ihtimam le umon, ashan ahat tao ma Ibrahim, Ishak, wa Yakub. Kida Yahuah kan ma demiru umon, wa uwo lisa kan ma sugu umon bara min gidam tao. ²⁴ Hazael melik ta Aram mat, wa Ben Hadad welet tao biga ja melik fi makan tao. ²⁵ Jehoash welet ta Jehoahaz salu wara min Ben Hadad welet ta Hazael al mudun al kan kalas salu min Jehoahaz abu tao be harb/sakila. Jehoash hajamu uwo talata marat, wa uwo rijau mudun ta Israil del.