¹ Fi ayam ta Jehoiakim Nebuchadnezzar melik ta Babylon hujumu Yahuza; Jehoiakim tala kadam tou le talata sanawat. bad dak Jehoiakim agelibu wara wa itmarad ded Nebuchadnezzar. ² Yahwa rasulu ded jehoiakim alassabat ta kildaniyin, Aramiyin, Moabiyin, wa Ammoniyi; huwo rasulu huwomon ded Yahuza ashan bi semiru. De kan hasab kelima ta Yahwa al kan wonusu bi wasat kudam tou al anbia. ³ Huwo kan muakkid min kasma ta Yahwa inu de ja le Yahuza, ashan bi agela huwomon bara min ena tou, leanu ashan katiyat ta Manasseh, kulu al huwo amulu, ⁴ wa kaman ashan domal bari al huwo dofugu, leanu huwo mala Uruselim ma dom al bari. Yahwa ma kan inu raqba ashan bi afi dak. ⁵ Bi nesba le hajat tanin ann Jehoiakim, wa kulu al huwo al amulu, hal huwomon ma katiu fi ketab ta ahdath ta muluuk ta Yahuza? ⁶ Jehoiakim num am judud tou, wa Jehoiakim jena tala melik fi mahal tou. ⁷ Al melik ta Meisr ma hujumu tani bara min ard tou, leanu al melik ta Babylon kan gilibu kulu al aradi al kan bi saytara melik ta Mesir min jaduwel ta Mesir le nahar alfurat. ⁸ Jehoiachin kan taman tasharr sanawat zaman huwo bada hukum; huwo hukumu fi Uruselim talata sharr. Isim ta uma tou kan Nehushta; heya kan biniya ta Elnthan ta Uruselim. ⁹ Huwo amulu sharr fi ena ta Yahwa; huwo amulu kulu al abu tou amulu. ¹⁰ Fi zaman dak jaysh ta Nebuchadnezzar melik ta Babylon hujumu Uruselim wa hasar al medina. ¹¹ Nebuchadnezzar melik ta Babylon ja le medina fi wokit jaysh tou bi hasiru , ¹² wa Jehoiachin melik ta Yahuza ruwa bara le melik ta Baylon, huwo, uma tou, kudam tou, al''amra tou wa dubbat tou. Melik ta Babylon amsuko huwo fi tamania sana ta hukum tou. ¹³ Nebuchadnezzar shilu min kulu hajat al indu qayima fi bey ta Yahwa, wa del al fi qasr ta melik. Huwo gata qita qita kulu al''ajsam al min dahab al Suleman melik ta Irael kan amulu fi haykal ta Yahwa, ze Yahwa kan kelimu bi hasil. ¹⁴ Shilu huwo fi beled bara kulu Israel kulu qada, wa kulu rijal al bi shakila, ashara alf asraa, wa kulu alharfiiyn wa al hadadin. ma fi wahid kan sibu illa nas al masakin fi al ard. ¹⁵ Nebuchadnezzar shilu Jehoiachin fi beled bara fi Babylon, ze uma ta melik, mara, dubbat, wa sultan ta ard. Huwo shilu huwmon fi beled bara min Uruselim le Babylon. ¹⁶ Kulu rijal al ta mashakil snba alf fi adad, wa wahid harafii wa hadad, kulu huwomon munasib fi shakila melik ta Babylon jibu rijal del bara beled fi Babylon. ¹⁷ Al melik ta Baylon kutu Mattaniah, aku abu ta Jehoiachin melik fi mahal tou, wa geiru isim tou le Zedekiah. ¹⁸ Zedekiah kan wahid ishrbiniya ta Jeremiah min Libnah.iin sana zaman huwo bada hukum; huwo hukumu hidasharr sanawat fi Uruselim. Isim ta uma tou Hamutal; heya kan biniya ta Jeremiah min Libnah. ¹⁹ Huwo amulu sharr fi ena ta Yahwa; huwo amulu al Jehoiakim kan amulu. ²⁰ Biwasat zalan ta Yahwa, kulu ahath hasil fi Uruselim wa Yahuza, lahadi huwo sugu huwomon bara min gedam tou. Bad dak Zedekiah itamarad ded melik ta Babylon.